1 Samuel 30:21 - Nobonob Baibel

²¹ Ag anam hena gona, danab 200 ibppa beɗulag gai-iitta me, ag Dawit dim lamidkkulagnu elele iittanu daappig amu, ag amu daappigppa gukkuidna teppig. Aben amuam oolnu noak onig Besor. Ag gona, danab 200 daappig, aben amu guguittegeg, danab 200 amu ag Dawit, nuhikkud danab ele uɗippeg, ibppa nug uɗa tekkulagnu uɗippig. Ag uɗiegeg, Dawit nug ukka, ag gumatta wana, ag humatta “Amun ena,” aum.

1 Samuel 30:21 ပူးပေါင်းရင်းမြစ်များ

Hibru 13:1

Ag Kayak baekkudppa daatteb ele amu, ag lailkad dilagnu nug oo mauhak aib uuppig.

1 Pita 3:8

Aria, nai imunu gogppa tekkulnu amu, ag oh oolag laippu ele, dabmak laippu ele dayeg! Amu ag oo doyak doonna, eamag aa nug oo mauhak doottep ele amu, amubia ag laa Kayaknu oolagppa genab dootteb ele, ag oh nug oo mauhak doyeg! Ag oo bodoetta le mak kobol henana, ag akka anen anen ag onilag qeppeg neeb oiyeg!

Ikki Danab 8:15

Gideon nug aakku Sukot ikki danab onilag awa, nug Sukot ukka, ikki danab amu amelagppa aum “Seba, Salmuna ele iikku. Haen tatam ig ippa uɗiut, ag da aon aon iun, imiɗnan appig. ‘Na Seba, Salmuna ele ii aɗualatme amunu, aɗinu ig na nahip ban danab maidadaɗna autna aoppig ele amu ee mattagnig?’ aon appig,” awa aum.

1 Samuel 17:18

Keeke laa ele, na sis maha eblaih laih ele imu ele aon gona, na awanad dilag ban daup ikki mette! Na gona, na awanad ewam amu anadna, ag attem daatteb anttona, na keeke laa ag ena daatteb ippuniɗkkunu ele aon uɗie!

1 Samuel 17:22

Aria, Dawit nug haen amuppa ukka, bannu abenppa ta, nug ee mameg me awa ukkom amu, nug ee amu ban danab dilag ee gumak ikki eppegppa mewowa, nug qaiqaɗ ban danab daappigppa ukka, awakkud anatta humattom.

1 Samuel 30:22

Dawit nug anam heum, amge nuhikkud danab amu oolagppa danab laib laib laa ag danab nau, haen kuɗum ag heeg uug bette, danab amu ag appig. “Danab amu ag ig ele banppa ii gomut amunu, ig ban heta, keeke aomut, ig amunu laih ag ii mattamta,” appig. “Keeke imu aakkuib ag aoglag; anen anen ag ahilkad ah, nid naunau ele diiadna, ag diin ukkeg!” appig.