1 Samuel 30:13 - Nobonob Baibel

¹³ Nid bau nug ee lana, eɗua nakok ɠagattag awe, amu Dawit nug nug oɗ metta, amegppa aum. “Danab okkai nahip am aun? Na aab adeppan danab?” Dawit nug anam nid bau oɗ mette amu, nid bau nug nob ma aum. “Da am Isip danab,” awa aum. “Da am Amalek danab laanu begbeg maɗi nid. Da oɗe memi amunu, danab okkai dahil nug da uuiɗa ukke, da deɗ ewam iguppa daami,” awa aum.

1 Samuel 30:13 ပူးပေါင်းရင်းမြစ်များ

2 Samuel 1:13

Ag anam hewon, Dawit nug nid bau, nai amu awa uɗiom amu, nug oɗ mettom. “Na am ategted?” oɗ mettom. Oɗ mette am nid amu nug nob ma aum. “Da mam am, wan laihnu danab, nug Amalek buɗub, amge da Israel wanppa daattem,” awa aum.

2 Samuel 1:3

Nug uɗia, anam he, Dawit oɗ mettom. “Na adeppan uɗime?” awa oɗ mettom. Oɗ mette amu, danab amu nug nob ma aum. “Da Israel dilag haen tutu dayaknu aab kalappigppanu ahe uɗimi. Kekeɗ ag iuppeg mauhkkulnu miagnab, amge da oole uɗimi,” awa aum.

2 Samuel 1:8

Da anam ai, Saul nug ‘Na aun?’ awa oɗ meɗe amu, da nug aum noob mein, ‘Da am Amalek danab,’ ami.

Prowerb 12:10

Genab tutukku hak danab ag ahilkad doɗ keeke atognoadtteb; amge nau hak danab ag ahilag atognoak am laa guittak mattaknu uug laa ii doyakppa bette.

Jona 1:8

Ag anam anidna amu, ag aakku Jona oɗ medappig. “Na ig uug maottem imunu diig appe dootu! Na aɗi uɗat hettem? Na adeppanu? Na am wanppan wan adeppanu? Na huu atten buɗubppanu?” aon oɗ mettan appig.

Jems 2:13

Aɗinu? Danab laa nug layagnu oo gai-iitta doya oo metta ehanittak kobol ii dim lamidtte, nug layag eheɗ heumnu nob nau medatte, nug nob nau amu medakkunu ii uutte amu, Kayak Nug danab amu hettoɗiakppa nob nau medakku. Amge danab laa nug layagnu oo gai-iitta doya oo metta ehanidtte, nug hipuninnu nob nau ii medatte amu, nug geha hettoɗiakppa nob nau ii aoma. Oo gai-iitta doya oo metta ehanittak kobol am nob mettak kobol eɗidtte!

1 Samuel 30:12

Ee ag medappig am, grep meu qaɗaiettak batappatak aɗit, aria ad fig meu qaɗaiettak batappatak laih ele medappig. Ag ee amu mettaeg, nug ee amu lawowa, nug eɗua ɠagattag nakok awom. Nug eɗua, ena dayomnu diig am, nug deɗ ewam, tuqan ewam ele ee, le ele laa ii laum, amuppa nug ɠagattag nuhig oh iitta meum.

1 Samuel 30:14

Nid bau nug anam anana, nug nai tuɗitta Dawit amegppa aum. “Dahilnu amu anam, amge nakok matu bia danab naɗi dahil, nuhikkud huu amu ele ig Juda wan laih yau uɗitteppanu aben Keret daattebppa, ig gota, appa teut, danab amu ele ban heta, keeke ahilag aomut. Aot am ig eɗut, Juda wan laih yau uɗitteppanu Kalep alakkud daatteb, aben amuppa teut, ag ele ban heta, keeke ahilag amu oh akkat gomut. Gota, aab Siklak manaut ewom,” awa aum.