1 Samuel 3:21 - Nobonob Baibel

²¹ Amu Yawe Nug tuɗitta, Silo appa Samuel gumitta naana, Nug Samuel amegppa nai mattiom amunu amuppa, Nug Samuel Nug diig ippunittom.

1 Samuel 3:21 ပူးပေါင်းရင်းမြစ်များ

Genesis 12:7

Anam daye amu, Yawe Nug Abram gumitta na, amegppa aum. “Da wan imu oh na buɗun madakkul,” awa aum. Anam a amu, aben amuppa Yawe Nug Abram gumitta ukkom amunu, Abram nug Yawe noobppa dup noa binag mekkunu qaɗab qeum.

Genesis 15:1

Dimppa Yawe Nug tuleglegppa nuhig nai imu Abram mettom. “Abram na aib baɗame. Guppiɗ nahip, nob ena okkainab awaknu diig nahip ele amu, am da iikkuib,” awa aum.

Jeremaia 41:5

deɗ amuppa danab 80 ag Sekemnu, Silonu, amu Samarianu ele uɗippig. Ag ee aegnu ofa hekkulagnu, ag kalu danab ile muttuɗig enanag bette, amu mana, Kayak mettaknu ele aon uɗippig. Ag akkaɗilag hoin, lamen pattiɗadna, gaɗalkad ele otaɗadna, ag Yawe laugppa gokkulagnu uɗippig.

Amos 3:7

Am anam daatte amunu, Naɗi Yawe Nug aɗi keeke laa ⌊nuhikkud propet amelagppa qehakkak dayeye,⌋ ii hette. Ao, Nug tatam nuhikkud propet, ag am nuhikkud maɗi nid amu, Nug ag amelagppa nuhig maittak, lokkumak daatte, amu a doyeg hette.

Namba 12:6

Nug aum. “Aa nai dahil doyeɗ! Haen dahil propet danab laa ag oolagppa daatte amu, da Yawe, da tuleglegppa da diil, dahil nai ele nug ippunidttem, tul niiakppa da nug amegppa nai madittem.

Duteronomi 29:10

Gemu amu, ag Israel danab oh, ag laa ag huu okkai dilag okkai danab, ag laa ag epeɗiak danab, ag laa ag ikki danab, amu ag laa ag aabppan danab, ag oh amu, ag gemu Yawe, ahilag Kayak, ag Nug noobppa aakku hippaidppig daatteb.

Hibru 1:1

Kayak Nug anukka ig mamenkad amelagppa nai haen kuɗum ib laalappa ele propet oɗelagppa aum,

1 Samuel 10:19

Amge gemu ag Kayak ahilag, Nug aɗi uug nau, aɗi keeke ninig ele ahilagppa bette amu, Nug amuppa ehanatte, ag ena daatteb, ag Nug dimettan, Nug amegppa, ‘Na king laa mekke!’ aon atteb. Ag anam atteb amunu, Kayak Nug ahilag king am aun ippunadkkunu ag oh Israel dilag huu okkai 12 anen anenppa, amu huu amu anen anen oolagppa aab ikki anen anenppa ele, ag uɗin, Yawe gumidna wana dayeg!” awa aum.

1 Samuel 3:1

Aria, nid danab Samuel nug Eli waappa dayaya, nug Yawe noobppa Yawenu ɗo maɗoɗ uɗat heum. Amu haen amuppa amu, Yawe Nug deɗ laippu laippuib he, danab laala ag tul niinna, ag nuhig nai ib amuppa dooppig. Nug haen kuɗum anam ii heum; haen laippu laippuib heum amunu, haen amuppa Yawe Nug nai haen kuɗum miag ii atiom.

1 Samuel 3:10

Nug anam niieye, Yawe Nug uɗia, Samuel niiomppa guguitta hibaitta dayaya, nug haen laa oh Samuel onigppa eum bia baula ewa “Samuel! Samuel!” aum. Nug anam e amu, Samuel nug aum. “Nahip maɗi nid da, da nai dookkulnu iikku daattem amunu, na aɗi akkutnu hettem amu, na anam akkutnu ool daatte,” awa aum.

1 Samuel 3:4

Nug anam niieye, Yawe nug Samuel onigppa eum. Yawe Nug anam e, Samuel nug, “Da iikku daattem!” anana,

1 Samuel 9:15

Amge Saul aab amuppa uɗiom, deɗ amuppa iitta, deɗ amu dimugppa tumai, Yawe nug Samuel amegppa nai laa imu mattiom.