1 Samuel 3:2 - Nobonob Baibel

² Anam daye amu, deɗ laa tuqan Eli, nug ameg nauhkkunu heehe, nug pehettak neegkkunu elele iitta, nug niiak aben nuhigppa niiom.

1 Samuel 3:2 ပူးပေါင်းရင်းမြစ်များ

Genesis 27:1

Dimppa Aisak nug kaino me, ameg gaɗue dayeye, neekka keeke pehettak anidkkunu elele iitta, nug Esau onigppa e uɗie, nug amegppa, “O nan,” awa aum. Anam a amu, Esau nug aum. “Da ina, aɗitai, appe dookkul,” awa aum.

Genesis 48:10

Amu Israel nug kainonab ma malom amunu, nug ameg am ena iitta, nug neekkeb ukkeb, keeke pehettak anidkkunu elele iitta. Nug anam dayom amunu, nug anam a, Josep nid aɗit omalate, aa Josep mameg Israel gumidya waeh, Jakop nug oɗakkiata ootuqatom.

Genesis 48:19

Josep anam aum, amge Jakop nug nai nuhignu dab-ii-metta, nug aum. “O bekkal, nug nid danab naanaeg amu, da doottem. Geha nug buɗub ele elab bekku, amge nug dimugppa amu, nug buɗub ag laanu buɗub eɗadna, appatna elabnab bekkulag,” awa aum.

1 King 14:4

Jeroboam nug anam a, nug wau Jeroboam aum bia oɗe dim lamitta ha, nug ukka Silo ta, nug Ahaiya laugppa ukkom. Ahaiya nug gemu am kainonab amunu, nug ameg gaɗuak dayom.

Sam 90:10

Danab ah kuɗum ag bau daan, maɗ 70 aotteb. Ao, laib laib ag ɠagattag daan, ag maɗ 80 aotteb. Amge ig bau daatta oittem, maɗ amunu binanig maknu keeke oh, keeke amuam uug, ooppan oo doyak ele aakkuib megatte. Aɗinu? Haen elab iitta, ihinig maɗ iitta meeg, ig laih gottem.

Eklisiastis 12:3

Haen amuppa na eppen, baen ele oh am gai-iitta daaglag; na aen ele nauhna, kaumna laippu laippu daaglag amunu, ag damqak uɗat ii hemana, na amen ele ena ii daaglah.

1 Samuel 2:22

Aria, Eli nug kaino ma malom; nug am danab kainonab. Nug anam dayeye, danab ag nug bekoɗ aa Israel danab oh dilagppa kobol eheɗ hepiɗnu mattiegeg doyeye, aria ah ag mettid haknu peh lag danab ah appa qagmetteb ele, ah ag peh lag amu odppa laa dabmattanna, ehanadkkulagnu daappig amu, Eli bekoɗ aa ah amu ele niiegeg, ag amunu ele mattiegeg, Eli doyom.

1 Samuel 4:15

Amu Eli nug am danab kainonab dayom; nuhig maɗ oh am 98, amu nug ameg ele gaɗuom amunu, nug neekkeb ukkeb, keeke laa anidkkunu elele iitta.