1 Samuel 3:19 - Nobonob Baibel

¹⁹ Aria, Yawe Nug Samuel, nuhigppa dayeye, Samuel nug okkai meeme, Yawe he, Samuel nug aɗi aum amu, nai amuam genab meu oum. Nai amu hamu laa ii qettoɗom.

1 Samuel 3:19 ပူးပေါင်းရင်းမြစ်များ

Genesis 21:22

Haen amuppa Abimelek, amu nuhig ban daup ikki anuqak onig Pikol ele, aa Kayak Nug Abraham ele daapiɗ anidya, aa Abraham gumidya goya, Abimelek nug Abraham amegppa aum. “Na keeke oh hettem amu, Kayak Nug na eleib daattep

Genesis 28:15

Da na ele daaɗa, na adeppa gokkut amu, da na gumidkkul. Da heppi, na eɗun wan imuppa uɗikkut. Aɗinu? Da na ii uuidpa. Da na ele daaɗa, keeke oh nahipnu hekkulnu nai ain qakkami amu, da hekkul,” awa aum.

Genesis 39:2

Josep nug appa uɗat heehe, Yawe Nug Josep aɗi heum amu ehanitte, keeke oh ena be, nug Isip ted Potipar laugppa dayom.

Genesis 39:3

Potipar nug Yawe Josep ele daapiɗ, nug amu anttowa, nug Josep aɗi heum am enaib beeg ele anttowa amu,

1 King 8:56

“Ig Yawe binag humatu! Nug ig Israel, nuhikkud danab ah, Nug nai ana qakkom, amubia Nug ig maɗoɗ mekkom. Nug nuhig nai qakkak ena oh Moses, nuhig maɗi nid, nug oɗeppa ihinignu mattiom amu, nug nai amu oh hamu laa ii mattiom. Iitta. Nug nai amu oh, nug aum bia heum.

2 King 10:10

Amge keeke imu beum am hamu iitta. Yawe Nug Ahap, nug bekkod ele dilagnu aum amu, imuppa ig nai amu laa oh ele am meu bekku anidta doognig. Yawe Nug anukka nuhig maɗi nid propet Elaiya oɗeppa aum amu, gemu elele mettom,” awa aum.

2 King 22:16

Yawe Nug inam atte. “Da heppi, uug naunab aben imuppa, danab ah aben imuppanu dilagppa ele, buk Juda dilag king ebqeum eleppa yaak oh niitte bia bekku.

Aisaia 43:2

Ag dahilad daatteb amunu, haen uug nau, uug amuam danab nug le umanab noa ukkak mataɗa laih gotte, amubia uug nau amu ahilagppa bekku amu, da ag ele daagnig. Ag dahilad daatteb amunu, haen uug nau, uug amuam danab nug le ui ele mataɗa laih gotte, amubia uug nau amu ahilagppa bekku amu, da ehanatten heppi, ag nena ii qemana. Ag dahilad daatteb amunu, haen uug nau, uug amuam danab nug aab aɗuppa oiyaya gotte, amubia uug nau amu ahilagppa bekku amu, da ehanatten heppi, ag aab ewakppa guittak ii aomna. Ge, aab aɗu amu ewattebeb, ag guittak ii aomna.

Aisaia 44:26

Da dahil propet, ag am dahilad maɗi nid, da aɗi nai ag madattem amu, da hei, nai amu meu otte. Ao, da aɗi nai dahil propet oɗelagppa mettem amu, da hei, nai amu genab bette. Amu da Jerusalemnu attem, ‘Israel danab ah ag eɗun, aguppa daaglag.’ Ao, da Juda dilag aab, ‘Danab ag aab amu eɗun bappaladkkulag,’ attem. Ge! Kekeɗ ag Jerusalem, Juda dilag aab naunau ele heeg nauhppig amu, da aab amu ohnu attem. ‘Da heppi, ag ena, babaittak daaglag.’

Aisaia 55:11

Gu, sno ele aa hettep amubia, dahil nai, da nai amu da oɗelppa madittem amu, nai dahil amuam anam aakku hekku. Dahil nai amu dahilppa hamu eɗua ii uɗima. Aɗinu? Da aɗi keeke, dahil nai nug keeke amu hekkununab daatte dabmettem amu, anam aakku heeb bekku. Ao, dahil nai nug aɗi keeke hekkunu da ool daatte amu, amunab aakku heeb bekku.” Yawe Nug anam atte.

Matyu 1:23

“Doyeg! Ah makkun laa nug oo ele daya, geha nug nid danab menukku. Menueb, ag nid onig Imanuel ataɗkkulag.” Onig amu diig am, “Kayak ig ele daattem.”

Luk 1:28

Gabriel nug Maria gumitta noa, humitta aum. “O ah makkun, na maɗoɗ ele daye! Naɗi Nug na itittom. Nahip itittak ena am ah laa oh dilag itittak ena eɗidtte. Nug na ele daattep,” awa aum.

Luk 1:80

Aria, dimppa nid nug ena meeme, Kayak Ouɗi Nug ehanittom. Ehanittette, nug atu taɗakppa dayaya, dimppa Israel amelagppa Kayak nai digma mehuqom.

Luk 2:40

Gona daanna, nid ena ma, doyak dabmak ena okkainab awa, ɠagattag ele awe, Kayaknu ehanittak okkai hamu megatte amu, nuhigppa dayom.

Luk 2:52

Amu Jesus Nug ena meeme, nuhig doyak ele okkai meeme, Kayak noobppa, danab noolagppa ele Nug ena oiya, tuɗitta he, ena dooppig.

2 Korint 13:11

O lailad, da gemu nai bagqein, da ag humadttem. Ag tutukku elelenab bena daaglagnu dabmak aon oiyeg! Ag da nai attem imu doona, ag dabmak laippu aɗan, oolag laippu mena, maɗoɗ dayeg! Ag anam heppeg amu Kayak, Nug oo mauhak diig, oo maɗoɗ diig ele daatte, Nug ag ele oh daaglag.

2 Korint 13:14

Naɗi Jesus Kristusnu ehanittak okkai, Nug ig hamu megatte, Kayaknu oo mauhak, nuhig Ouɗi ele oo laippu dayak ele, keeke amu oh, ag oh ahilagppa daaglagnu ool daatte.

Duteronomi 18:22

Am propet nug Yawe onigppa nai mehuqeb, nai amu meu ii bekku dayeb, nai amuam Yawe Nug ii mettom. Propet amu nug nukka nuhig dabmakppa mattiom. Ag nuhignu aib baɗappig.

2 Timoti 4:22

Naɗi Nug, amu nuhig ehanittak okkai hamu mettak ele nahip-ppa dayeɗ!

Josua 21:45

Yawe Nug Israel dilagppa aɗi keeke ena hekkunu nai ana qakkom amu, Nug aakku he, meu beum. Laippu laa meu ii oum am iitta.

Ikki Danab 13:24

Manoa wau anam aum, haen ugekke, aa bekkalah do, aa nug onig Samson ataɗeh, Yawe nid amu itittette okkai meum.

1 Samuel 10:7

At amu oh nahip-ppa beeb amu, na aakku dookkut, Kayak Nug na ele daattep amunu, ⌊na nuhikkud danab ah tutukku gumadkkutnu⌋ aɗi uɗat laa anidkkut amu, na aakkud he!

1 Samuel 12:2

Da nug king abenabppa mei daatte amunu, gemu nug ag gumattatta, ulum madakkunu daatte. Da kaino mei, ikkil uɗug umimi beum. Da bekkalad ag okkai mena, ag oolagppa daan oitteb. Da nid bau dayeye, da digmein, ulum mattaiyi uɗie, gemu batak.

1 Samuel 16:18

Saul nug ag amelagppa anam a, Saulnu maɗi nid laa nug Saul amegppa aum. “Da Betlehem ted Jesi bekka laa anidmi. Nid amu nug harp qaknu, enanag hette. Danab amu nug ooppa ɠagattag doyak ele; nug am banppa ban ena hette ele. Nuhig mattiak am ena; nug iɗu ele am tuqak ele. Laa ele amu, Yawe nug ele daattep,” awa aum.

1 Samuel 18:12

Yawe Nug Saul ele tatam daapiɗ, amu gemu Nug Saul uuitte, nug ele ii daattep, amge Nug Dawit ele daattep amunu, Saul nug Dawit baɗittom.

1 Samuel 18:14

Am Dawit nug nuhikkud ban danab ameg ele, ag kekeɗ ele ban heegeg, Yawe Nug Dawit ele daapiɗ amunu, keeke oh Dawit heum amu, keeke amu enaib ukkom.

1 Samuel 18:5

Amu keeke oh Saul nug he, Dawit ukka hekkunu daye, Dawit nug enaib heum amunu, Saul nug he, Dawit nug Saulnu ban daup ikki laa beum. Be, danab ah oh, amu Saulnu ban daup ikki laa oh ele, ag Dawitnu oolagppa enanag dooppig.

1 Samuel 2:21

Eli nug anam mattie ukke, Yawe Nug Hananu dabmaama ehanittom amunu, nug nid laala, nid danab ewam, amu nid ah aɗit ele menuattom. Nug nid amu menuatta dayeye, nid danab Samuel nug Yawe noobppa ena meum.

1 Samuel 2:26

Eli bekoɗ aa anam hepiɗ, amge nid danab Samuel nug ena maama, Yawe noobppa, amu danab noolagppa ele nug ena oiya, am tuɗitta he, enaib dooppig.

1 Samuel 9:6

Saul nug anam aum, amge maɗi nid nug aum. “Antte! Aab imuppa Kayaknu danab laa daatte; danab oh ag nuhignu ena elelenab dootteb. Nug aɗi atte amu, keeke amuam genab bette amunu, i goɗa, nug donkinu oɗ mettagnih. I nug oɗ medapuɗ, nug ag adeppa daatteb ab doognihtai,” awa aum.