1 Samuel 3:18 - Nobonob Baibel

¹⁸ Eli nug anam aum amunu, Samuel nug keeke amu ohnab mattie doyom. Nug nai huppu nakok laa ii lokkumom. Nug amu mattie, Eli nug doya, nug aum. “Nug am Yawe. Aɗi kobol Nug noobppa am ena amu, nug anamib haɗ!” awa aum.

1 Samuel 3:18 ပူးပေါင်းရင်းမြစ်များ

Genesis 18:25

Ge, anam daakku! Na genab tutukku hak danab, amu danab nau ele oh he ii mauhtteb. Na anam ii hettem. Na, na wan atu oh dilag epeɗiak danab daattem, na haen oh epeɗiak kobol tutukkuib iite hemana?” awa aum.

2 Samuel 10:12

Na ɠagattag daye! Ig ihinkad danab ah dilagnu, ig appanig Kayak mekkom ele amu, ig amunu ele oonigppa ɠagattag doot, ban imu ɠagattag hetu! Yawe Nug aɗi bekkunu ena anidtte amu, Nug anamib heeb baɗ!” awa aum.

2 Samuel 15:26

amge Nug dahilnu ena ii dootte dayeb, da Nug eppegppa daattem. Nug dahilppa attem hekkunu ena dootte amu, Nug anamib haɗ!” awa aum.

2 King 20:19

Nug anam a, Hesekaia nug nuhig dabmakppa, “Dahil haenppa ig maɗoɗ, baɗak ele iitta daagnig,” dabmeum amunu, nug eɗua Aisaia amegppa aum. “Na Yawenu nai da meɗame ele, nai amuam nai ena,” awa aum.

1 Stori 19:13

Na ɠagattag daye! Ig ihinkad danab ah dilagnu, ig appanig Kayak mekkom ele amu, ig amunu ele oonigppa ɠagattag doot, ban imu ɠagattag hetu! Yawe Nug aɗi bekkunu ena anidtte amu, Nug anamib heeb baɗ!” awa aum.

Job 1:21

nug aum. “Da anai ooppanu nemi, haen amuppa da aɗi keeke laa iitta. Da mauhen, mauhak abenppa ukkena, da haen amuppa ele da aɗitai keeke laa eppelppa aɗakkulnu elele iitta. Danab oh hetteb bia, da hamunab gokkul. Yawe Nug keeke da meɗe daaiyi, Nug eɗua ele aɗila awom. Am nuhig keeke. Ig Nug binag metu!” Job nug anam awa aum.

Job 2:10

Job wau nug anam a, Job oɗeppa awa aum. “Na am ah nug dabmak tutukku iittappa keeke hette bia nai madittem. Kayak Nug keeke ena ig mekkebeb, ig oonig bodoetteb aognig am ena, amge Nug uug ig mekkebeb, ig oonig bodoetteb, amu ele aognig am ena. Ig enaib Nug eppegppa aognignu aib dabmemut,” awa aum. Job anam aum amunu, uug amu oh nuhigppa beum amu, amu ohnu Job nug nuhig naippa hipunin laa ii heum.

Sam 39:9

O Yawe, na, laa iitta, na, na da bu meɗattem amunu, da na noomppa bakkum daattem; da nai laa ii madittem.

Eksodas 34:5

Moses nug te, Yawe Nug bud ooppa qaukoppa ne, Moses ele daayya, Nug onig, Yawe, Nug onig amu Moses amegppa aum.

Aisaia 39:8

Nug anam a, Hesekaia nug nuhig dabmakppa, “Dahil haenppa ig maɗoɗ, baɗak ele iitta daagnig,” dabmeum amunu, nug eɗua Aisaia amegppa aum. “Na Yawenu nai da meɗame ele, nai amuam nai ena,” awa aum.

Jeremaia 34:6

Yawe Nug anam he, propet Jeremaia nug nai amu oh awa ukka, Juda dilag king Sedekaia, Jerusalem dayom amu, nug amegppa aum.

Jeremaia 38:14

Aria, amu dimppa King Sedekaia nug he, danab laa ag gona, propet Jeremaia omalna, Yawenu mettid lagnu od ebqak ewamppa ukkaeg dayeye, king nug Jeremaia amegppa aum. “Da na keeke laanu oɗ medakkulnu hettem. Da anam oɗ medappi, na amunu nob laih nakok laa dahilnu aib lokkume!” awa aum.

Jeremaia 42:4

Ag Jeremaia anam oɗ mettaeg, propet Jeremaia nug nob ma aum. “Am ena. Da ahilag nai aakku doomi. Da genab Yawe, ahilag Kayak, ag da oɗ meɗappig bia da Nug unuqidppi, Nug aɗi ab dookkul amu, da nai amu oh appi dooglag. Da nuhig nai ooppanu keeke nakok laa ii lokkumpa,” awa aum.

Gayak Nai 3:39

Anam amunu, danab auntai laa nug hipunin heeb, Yawe Nug amunu bu metteb; danab amu nug bu mettom, nug amunu naittuɗ mekku dayeb, nug ena hekkute?

Lewitikas 10:3

Aria, Moses, Aron amegppa aum. “Yawe Nug anukka imunu inam aum. ‘Laa ag da gukkiɗna uɗitteb amu, ag da oppiaawak daattem doon, gumiɗna dokkulagoitte. Am danab ah oh, ag da binal okkai ele daattem doon oiglagoitte’ awa aum.” Moses nug anam a, Aron nug bakkum dayom.

1 Pita 5:6

Amunu Kayak Nug geha nuhig deɗppa ag humadkkunu, ag akka ag onilag qeppeg neeb, ag Kayak eppeg ɠagattag waappa dayeg!

Ikki Danab 10:15

Nug anam aum, amge Israel ag Yawe amegppa appig. “Ig hipunin hemut. Na nakka ig bu megakutnu oɗ medattem. Na bu attem megakkutnu dabmena megakkut am nahip-ppa daatte, amge na ehanigppe, ig kekeɗ eppelagppa ii daamtanu oɗ medattem,” aon appig.