1 Samuel 3:17 - Nobonob Baibel

¹⁷ Samuel nug anam a amu, Eli nug oɗ mettom. “Kayak Nug na amenppa aɗi aum? Na nai amu aib lokkumme. Na nai amu nakok laa lokkumkkut dayeb amu, Kayak Nug bu okkainab medakkunu ool daatte,” awa aum.

1 Samuel 3:17 ပူးပေါင်းရင်းမြစ်များ

2 Samuel 14:18

Tekoa ah doyak dabmak ena ele nug anam a amu, King Dawit nug aum. “Da keeke laanu oɗ medappi, na amunu nob ii lokkummnanu attem,” awa aum. Nug anam a, ah nug aum. “O dahil naɗi, na king, na aɗi appe dookkul,” awa aum.

2 Samuel 19:13

Aa Juda dilag ikki danab amelagppa anam awoya, aa Amasa amegppa ele inam apeɗ doyaɗ! ‘Na da ele, i tiig laippunu, amu da heppi, na Joap abenppa daan, dahil ban daup ikki anuqak hanhan daakkut. Da anam ii hekkul dayeb amu, Kayak Nug bu okkainab meɗakkunu ool daatte.’ ” Dawit nug nai amu Sadok, Abiatar ele dooglahnu me ukkom.

2 Samuel 3:35

Ag amu hena malona, ag oh uɗin, Dawit nug paha amunppa ee nakok lakkunu duttunna appig, amge Dawit nug nob ma, nuhig nai ɠagattag qetta aum. “Da aam ii noumppa bret nakok lakkul dayeb, o iitta da aɗi ee laa nakok laa aam ii noumppa lakkul dayeb amu, Kayak Nug bu okkainab meɗakkunu ool daatte,” awa aum.

2 Samuel 3:9

Yawe Nug Dawit amegppa keeke laa hekkunu nuhig nai ɠagattag qetta, Dawit amegppa aum. Keeke nug amunu aum am, Nug heeb, Saul buɗub ele ag Israel dilag king ii daamna. Iitta. Dawit nug king daakkunu aum. Nug Israel wan, Juda wan ele, amuam aab onig Dan, appanu ukka ukka, Berseba aabppa batak, nug wan amu oh dilag king daakkun aum amunu, da Dawit anam daakkunu ii ehanidkkul dayeb amu, da Kayak Nug da, Apner, Nug da bu okkai meɗakkunu ool daatte.” Apner nug Isboset amegppa anam aum.

1 King 22:16

Mikaia nug anam aum, amge King Ahap nug Mikaia amegppa aum. “Da hei, na Yawenu nai da amelppa akkutnu akkut amu, na Nug genab aɗi aum aakkuib akkutnu nahip nai ɠagattag qena ame. Amu da heppi, na nai amu baubau haen gane awona, na Yawenu nai genabib da amelppa madikkut?” awa aum.

2 King 6:31

Anam amu king nug aum. “Da gemu Sapat bekka Elisa baag otaɗppi mauhkku. Da heppi, nai amu meu ii beeb amu, Kayak bu okkainab meɗakkunu ool daatte,” awa aum.

Sam 141:5

⌊Amu da digmein, eheɗ hekkul hettem dayeb amu, na heppe,⌋ genab tutukku hak danab nug da bu iukku, o nug da daul batakku, am ena; Da bu qak, o daug batak amu ii uupa. Da eheɗ hak danab ag hanhan tuɗidna, eheɗ hemananu unuqidttem.

Jeremaia 38:14

Aria, amu dimppa King Sedekaia nug he, danab laa ag gona, propet Jeremaia omalna, Yawenu mettid lagnu od ebqak ewamppa ukkaeg dayeye, king nug Jeremaia amegppa aum. “Da na keeke laanu oɗ medakkulnu hettem. Da anam oɗ medappi, na amunu nob laih nakok laa dahilnu aib lokkume!” awa aum.

Jeremaia 42:4

Ag Jeremaia anam oɗ mettaeg, propet Jeremaia nug nob ma aum. “Am ena. Da ahilag nai aakku doomi. Da genab Yawe, ahilag Kayak, ag da oɗ meɗappig bia da Nug unuqidppi, Nug aɗi ab dookkul amu, da nai amu oh appi dooglag. Da nuhig nai ooppanu keeke nakok laa ii lokkumpa,” awa aum.

Daniel 4:19

King Nebukatnesar nug Daniel, onig laa Beltesasar, nug amegppa anam a, Daniel nug dabmak huan awe, nuhig dabmak he, nug eheɗ baɗe, king nug amu antta, Daniel amegppa aum. “Beltesasar, tul niiak dahil amunu, meu ele aib heeb baɗame,” awa aum. Nug anam a, Daniel nug eɗua, nob ma aum. “O dahil naɗi, tul niiak amuam nahip kekeɗ dilag ippuniglo am ena. Ge! Tul niiak amunu meu am laa ag na eheɗ heidkkulagnu hetteb dilag daalo am ena.

Maika 2:7

⌊Amge,⌋ O Israel danab ah, danab laa nug inam akkutai. “Yawenu Ouɗi Nug ihinignu oo nauhom daattete? ⌊Iitta!⌋ Genab, nai uug ele ihinignu amu, Nug anam he anidttemte? ⌊Iitta!⌋” Laa anam akkutai, amge nug anam akku dayeb am, nug ena akkute? Iitta! Am ena iitta. Amu Yawe Nug inam atte. “Danab genab tutukku hak kobol dim lamidtte ele, nuhignu amu, nai dahil nug ehanidtte,

Namba 23:17

Yawe Nug anam aum amunu, Balam nug eɗua, Balak dayomppa ukkom. Nug eɗua ukka amu, nug Balak manaknu ofa nuhig guguittak hibaitta dayeye, Moap dilag anuqak danab, ag nug ele oh daaegeg anatte, Balak nug Balam oɗ mettom. “Yawe Nug aɗi aum?” awa oɗ mettom.

Matyu 26:63

Nug anam aum, amge Jesus Nug nai nakok laa ii mattiom. Aria, baula mana mettak ikki danab Nug amegppa aum. “Da Kayak bauklel onigppa da na amenppa attem. Na nai genab tutukku a! Na genab Kristus, Kayak Bekkate o iitta?” awa aum.

Rut 1:17

Na adeppa mauhppe, appa da ele mauhppi, boumiɗkkulag. Keeke laa wan imuppanu dayak ihinih ii otaɗma; mauhak aakkuib otaɗitkku. Da aɗi keeke dayak ihinih ii otaɗmanu nai ami amu, da heppi, meu ii beeb, Yawe Nug bu okkainab meɗakkunu ool daatte,” awa aum.

1 Samuel 14:44

Nug a, Saul nug aum. “Jonatan, da genab heppi mauhkkut. Da anam ii hekkul dayeb amu, Kayak Nug bu okkainab meɗakkunu ool daatte!” awa aum.

1 Samuel 20:13

Amge genab, mama nug na eheɗ heidkkunu dabmette dayeb amu, da na amenppa ii ain, da na elele oolna gokkutnu ii ehanidppi amu, aria Yawe Nug geha bu okkainab meɗakkunu ool daatte. Amu keeke laippu aakkuib am, Yawe Nug anukka da mamel ele daapiɗ bia, Nug na ele daaglahnu ool daatte.

1 Samuel 25:22

Gemu digmak ukkeb, wagɗeb butti buttua batak amu, da Nabal, nug baekkudppan nid danab, nuhikkud maɗi nid, ag bekkalkad ele amu, da danab amu ohnab ii aqakkul, da laippu laa uuppi, bau daakku dayeb amu, Kayak Nug bu okkainab meɗakkunu ool daatte!” awa aum.

1 Samuel 3:16

Samuel nug anam heum, amge Eli nug onigppa ewa, “O da bekkal Samuel,” awa aum. Nug ewa, anam aum amu, Samuel nug aum. “Da iikku daattem,” awa aum.