1 Samuel 3:14 - Nobonob Baibel

¹⁴ Eli, amu nug bekoɗ ele ag eheɗ anam heppig amunu, da Eli, nug buɗub ele amelagppa nai ɠagattag qetten, inam ami. ‘Eli, amu nug buɗub ele dilagnu, ag mana mettak uɗat aɗi hekkulag, o ag aɗi ofa da meɗaglag amu, amuppa ag uug ahilagppa bekkunu ami amu, ag heppeg ii iitta mema. Iittanab iitta!’ ” Yawe Nug Samuel amegppa anam aum.

1 Samuel 3:14 ပူးပေါင်းရင်းမြစ်များ

Sam 51:16

Aɗinu? Da doɗ manen, na mettalom amu, na enanagnab ii doolom. Am da manen mettalomnu oot anam daalo, da anam helom. Ao, da manaknu ofa manen mettalom amu, na ii aolom; na ena ii doolom.

Aisaia 22:14

Yawe Nukka Ɠagattag Oh Ele, Nug nukka da gumiɗa na, Nug nai imu da daulppa aum. “Danab amu, ahilag hipuninnu amu, laa nug eheɗ hak amunu noob aɗi uɗat naɗippa heeb, am iitta ii mema; ukkeb, ukkeb, haen ag mauhkkulag batak.” Nai amuam Naɗi, Nug Yawe Nukka Ɠagattag Oh Ele, am nuhig nai aakku.

Jeremaia 15:1

Amu dimppa amu Yawe Nug da, Jeremaia, Nug da amelppa aum. “Moses, Samuel ele aa am dahilaɗ danabnab daapiɗ, amge aanab da noolppa daaya, danab ah imu dilag unuqiɗlop amu, da ag ena daaglagnu ii ehanadlom. Heppe, ag da noolppanu ukkeg! Da noolppa daaglagnu aib heme!

Jeremaia 7:16

Anam amunu, Jeremaia, na danab ah imu dilagnu da ag ehanadkkulnu aib oo doyakppa unuqiɗme. Na da ehanadkkulnu ɠagattag aib unuqiɗme. Aɗinu? Na amu hekkut amu, na hamu hekkut. Da daul humen ii doopa.” Yawe Nug anam awa atte.

Esekiel 24:13

Jerusalem danab ah, ag kobol nau heppig; ag gappai heeb baknu kobol dim lamidppig. Anam amu, da heppi, ag oppiaawak daaglagnu hemi, amge ag uun, dubuttid ele daaglagnu heppig. Anam amunu, ag bu awak iitta eleppa oppiaawak baula ii daamna. Iitta. Da ahilagnu oppoɗi bak doottem, amu da bu eheɗ madappi ukkeb, gogppa teeb, dahil oppoɗi bak oug meeb, ag oppiaawak daaglag.

Lewitikas 15:31

Kayak Nug anam ana, nug tuɗitta, Moses, Aron ele amelahppa aum. “Am Israel danab ah ag dahil mettid haknu peh lag, lag amuam ahilag haen tutu dayaknu aab kalak ooppa daatte amu, ag lag amu heppeg, dahil neekkakppa dubuttid daamanu, aa danab ah amelagppa aɗi keeke he, danab ah ag da ele ouqa dayaknu elele iitta daatteb, ag amu dooglagnu, aa ag nau aomnanu dabmettak nai apeɗ dooglagoitte. Am ag mettid haknu peh lag dahil heppeg, dahil neekkakppa dubuttid ele daakku amu, ag mauhkkulag.

1 Samuel 2:25

O nid aɗit, danab laa nug layagppa hipunin heeb amu, Kayak Nug aa oolahppa gamag danab daakkunu elele, amge danab laa nug Yawe, nuhigppa hipunin heeb amu, aun nug aa oolahppa gamag danab daakku?” awa aum. Eli nug nug bekoɗ amelahppa anam aum, amge aa mamelahnu nai ii dabmedapiɗ. Aɗinu? Yawe Nug heeb, aa beɗulah nauhkkulahnu dabmeum.