1 Samuel 3:10 - Nobonob Baibel

¹⁰ Nug anam niieye, Yawe Nug uɗia, Samuel niiomppa guguitta hibaitta dayaya, nug haen laa oh Samuel onigppa eum bia baula ewa “Samuel! Samuel!” aum. Nug anam e amu, Samuel nug aum. “Nahip maɗi nid da, da nai dookkulnu iikku daattem amunu, na aɗi akkutnu hettem amu, na anam akkutnu ool daatte,” awa aum.

1 Samuel 3:10 ပူးပေါင်းရင်းမြစ်များ

Josua 5:14

Josua nug anam oɗ mette amu, danab amu nug nob ma aum. “Da ahilagnu laa iitta; da kekeɗ dilagnu laa ele iitta. Aɗinu? Da Yawenu ban daup ikki daattem,” awa aum. Nug anam a amu, Josua laippun gateg qaun o, gomela, iɗu wanppa ma, nug aum. “Da amu nahip maɗi nid laa. O naɗi, na da aɗi nahip hekkulnu oot daatte?” awa aum.

1 Samuel 12:2

Da nug king abenabppa mei daatte amunu, gemu nug ag gumattatta, ulum madakkunu daatte. Da kaino mei, ikkil uɗug umimi beum. Da bekkalad ag okkai mena, ag oolagppa daan oitteb. Da nid bau dayeye, da digmein, ulum mattaiyi uɗie, gemu batak.

1 Samuel 3:11

Samuel nug anam mattia male, Yawe Nug aum. “Antte! Da Israel danab ah oolagppa kobol laa hekkulnu hettem amu, da amu heppi, Israel danab ah ag amu anidna, ag eheɗ ottaikkulag.

1 Samuel 3:15

Yawe Nug anam mattia male, Samuel nug balalppa daye ukke, wagkkaɗe nug aha, nug Yawe laugnu od matulom. Nug anam heum, amge nug Yawe tuleglegppa nai mattiom, Samuel nug nai amu Eli amegppa akkunu baɗom.

1 Samuel 3:21

Amu Yawe Nug tuɗitta, Silo appa Samuel gumitta naana, Nug Samuel amegppa nai mattiom amunu amuppa, Nug Samuel Nug diig ippunittom.

1 Samuel 3:8

Aria, Samuel nug eɗua ukka, niiak abenppa niieye, Yawe nug baula Samuel onigppa e, Samuel nug eɗua, Eli niiomppa ukka, nug Eli amegppa, “Na da onilppa e doomi, aakku da iikku daattem,” awa aum. Nug anam a, Eli nug aakku doyom, Yawe Nug nid amu onigppa eum.

1 Samuel 3:9

Eli nug anam doya, nug Samuel amegppa aum. “Na eɗun, niiak aben nahip-ppa gona, na balalppa niippe, laa Nug na oninppa ette ele amu, Nug baula na oninppa eeb amu, na inam a! ‘O Yawe, nahip maɗi nid da, da nai nahip dookkulnu iikku daattem amunu, na aɗi akkutnu hettem amu, na akkutnu ool daatte.’ Na anam aon a!” awa aum. Nug anam aum amunu, Samuel nug eɗua ukka, niiak aben nuhigppa, nuhig balalppa niiom.