1 Samuel 3:1 - Nobonob Baibel

¹ Aria, nid danab Samuel nug Eli waappa dayaya, nug Yawe noobppa Yawenu ɗo maɗoɗ uɗat heum. Amu haen amuppa amu, Yawe Nug deɗ laippu laippuib he, danab laala ag tul niinna, ag nuhig nai ib amuppa dooppig. Nug haen kuɗum anam ii heum; haen laippu laippuib heum amunu, haen amuppa Yawe Nug nai haen kuɗum miag ii atiom.

1 Samuel 3:1 ပူးပေါင်းရင်းမြစ်များ

Sam 74:9

Kekeɗ ag anam heppig daye, gemu ig Kayak dabmettaknu kobol danab haknu elele iitta, Kayak Nug ig butti aɗi ehanigkkunu ippunigkkunu laa ii anidttem. Propet oh iitta meppig, ig danab laa waalagppa daattem. Amu haen gane laa ele ukkeb, am anamib daakkun daatte amu, ig ii doottem.

Prowerb 29:18

Danab ah ag Kayak nainu ippunittak ii aotteb amu, ag beɗulag, ahilag dabmak ele ag aɗi hekkulagnu eeɗatteh, ag amu aakku hetteb; amge laa ag Kayaknu ɗo dim lamidna oitteb ele, ag itittak ena aoppig daatteb.

Aisaia 13:12

Da heppi, geha danab ah kuɗum ag mauhkulag; am gol ena dubuttid iitta ele kuɗum wanppa ii daatte, amubia danab ah laippu laippu geha daaglag. Ao, da geha heppi, danab ah mauhkkulag; Opir appanu am gol enanag daatte, amge gol amubia wan laalappa ii daatte, Opir appa ele kuɗum ii daatte, amubia danab ah laib laibnab geha daaglag.

Esekiel 7:26

Uug nau uɗitteb oh am nug dim lamittak uɗippeg ⌊Israel ag⌋ anidkkulag. Ulah nai am ulah nai laa nug dim lamittak uɗippeg dooglag. Israel danab ah ag propet danab ag tulegleg laa Kayaknu anidna, amunu nai ag mattaglagnu akkulag, amge propet ag elele iitta daaglag. Mana mettak danab ag dahil ɗo nai mehuqkkulagnu elele iitta daaglag, amu ikki danab ag Israel danab ah ulum mettak nai laa mattaglagnu ele, elele iitta daaglag.

1 Samuel 2:11

Hana nug anam unuqitta male, Elkana, Hana ele aa eɗuya, Rama gopiɗ, amge nid danab Samuel, nug Silo dayaya, mana mettak danab Eli waappa Yawe noobppa Yawenu ɗo maɗoɗnu uɗat heum.

1 Samuel 2:18

Amu nid danab Samuel, nug Silo appa Yawe noobppa lamen enanag-epod linenppa hak tagakka, Yawenu ɗo maɗoɗ uɗat heum.

1 Samuel 2:35

Aa mauhkkulah, amge da heppi, danab laa, nug mana mettak uɗatnu oo metta ii uuak kobol dim lamitta, nug nuhig mana mettak uɗat da ool hette bia tutukku elele hekku amu, nug dahil mana mettak danab daakku. Nug dayebeb, da heppi, nug, nug buɗub ele ag mana mettak danab daaglagnu ɠagattag tuqa ii awak bia aɗaglag. Nug, nug buɗub ele ag king da eppelppa goɗen gokkaɗakppa tituanak aoglag ele, ag ag noolagppa dahil ɗo maɗoɗ uɗat hanhan hekkulag.

1 Samuel 2:36

Keeke amu oh beeb, aun aɗi ag na buɗunadppa daaglag amu, ag oolagppanu laa nug uɗia, mana mettak danab da heppi daakku ele amu, ag anen anen nug noobppa dup nona, nug ag silwa toea laippu, amu bret gaɗa laa ele madakkunu oo doyakppa oɗ mettaglag. Oɗ mettan, ag anen anen akkulag, “Na hena, da mana mettak uɗat laa meɗappe heinne, da amuppa ee aolomnu, oɗ medattem.” Na buɗun ag anam akkulag.’ ” Kayak Nug nuhig danab oɗeppa Eli amegppa anam aum.

1 Samuel 3:15

Yawe Nug anam mattia male, Samuel nug balalppa daye ukke, wagkkaɗe nug aha, nug Yawe laugnu od matulom. Nug anam heum, amge nug Yawe tuleglegppa nai mattiom, Samuel nug nai amu Eli amegppa akkunu baɗom.

1 Samuel 3:21

Amu Yawe Nug tuɗitta, Silo appa Samuel gumitta naana, Nug Samuel amegppa nai mattiom amunu amuppa, Nug Samuel Nug diig ippunittom.