1 Samuel 29:11 - Nobonob Baibel

¹¹ Akis nug anam a, deɗ amu uue, wagɗe buttuanab Dawit nug nuhikkud danab ele ag ahan, eɗun Pilistia wanppa, ⌊ag daatteb abenppa⌋ goppig. Ag ukkaeg amu Pilistia ag Jesril goppig.

1 Samuel 29:11 ပူးပေါင်းရင်းမြစ်များ

2 Samuel 4:4

Amu Saul buɗub laa, am Jonatan bekka onig Mepiboset. Nug baekuɗ am kaliak ele. Uug amu nuhigppa beumnu diig am, haen Pilistia ag Israel eɗadna heeg, Saul, Jonatan ele mauhpiɗ, haen amuppa nid amu nug maɗ tanig ele, amu haen amuppa ele laa Jesrilnu uɗia, mauhpiɗnu a, ah nug nid amu gumom ele nug nai amu doya, oola gokkunu nid amu huma awa, qaiqaɗ ugakka, nid paɗe na qa, guittak awe, baekuɗ kaliak daapiɗ.

Josua 15:56

Jesril, Jokdiem, Sanoa,

Josua 19:18

Aab imu ag wan amuppa daappig; Jesril, Kesulot, Sunem,

1 Samuel 25:43

Tatam, haen keeke amu oh ii beegeg, Dawit nug Jesril ah laa awom; ah amu onig am Ahinoam. Gemu Dawit nug Abigel awe, ah aɗit aa oh am Dawit wauuɗ daapiɗ.

1 Samuel 29:1

Pilistia ag uɗin, ahilkad ban danab Apek guguittak qagmena, haen tutu dayaknu aab kalan daaegeg, Israel ag am laih Jesrilnu le qeppuɗia betteppa haen tutu dayaknu aab kalan daappig.

1 Samuel 29:10

Anam daatte amunu, Dawit, butti buttuanab na nahipad huu ele, ag Saul uun, na ele da gumiɗna uɗippig amu, wagɗebeb ag oh ahan, eɗun ukkeg!” awa aum.

1 Samuel 30:1

Akis Dawit amegppa nug nuhig ban danab huu ele eɗun gokkulagnu a, aakku ag eɗun deɗ aɗit gona, gona, deɗ ewamppa ag aab ag daattebppa teppig. Aab amu onig Siklak. Ag gona, aab ag daatteb ele amuppa teppig, amge haen ag ii daaegeg, Amalek ban danab huu ag uɗin, Juda wan laih ulah yau uɗitteppanu, appa ban henan, uɗin Siklak aabppa ele ban heppig. Ag banelag uɗin, ban hena, aab Siklak manaeg ewom.