1 Samuel 28:8 - Nobonob Baibel

⁸ Ag Saul amegppa aeg, Saul nug king lamen ii takkom. Iitta. Nug lamen laa awa takkom. Lamen amuam lamen iɗu laa. Amu danab ag anidna, ag nug ii doomna; ag, “Umu am Saul,” ii amana. Nug lamen amu takke, nuhig ehanittak danab aɗit ele ag gona, tuqan ah amu gumidna teppig. Ag gona tena, Saul nug ah amu amegppa inam aum. “Da mauhak laa dottog ele nai mattignihnu ool daatte amunu, na heppe, geha danab laa mauhom, da nug onig na amenppa appi dookkut amu, na heppe nug dottog bekkunu oɗ medattem,” awa aum.

1 Samuel 28:8 ပူးပေါင်းရင်းမြစ်များ

1 King 22:30

Amu ban ii digmeumppa, Israel dilag king Ahap nug Jehosapat amegppa inam aum. “Haen ig gota, ban hekkunignu hetata amu, da geha kingnu lamen elab imu baolie, lamen laa mekkul. Meppi, geha kekeɗ ag da ii dooiɗmana, amge na amu, na kingnu lamen elab mekkut,” awa aum. Aakku King Ahap nug lamen laa me, aa banppa gopiɗ.

1 King 22:34

Amge ban danab ag ban henana, Aram ban danab laa nug lat pimala, lat doɗo hamu e, Israel dilagppa ukka, lat doɗo amu Israel dilag king Ahap beɗu laih, bannu klos me, hauta ii auta awom, giɗo nakoknab dayom amu, lat doɗo giɗo amu awom. Aakku Ahap nug nuhig karis ulum aɗak danab amegppa aum. “Da guittak aomide amunu, paha karis aon eɗuppe, ban aben imu uuɗ goɗu!” awa aum.

1 Stori 10:13

Saul nug Yawe ippunittom bia Nug dim lamidkkunu oo metta ii uuak kobol ii dim lamittom amunu, nug mauhom. Amge nug nau amuib ii heum. Iitta! Nug amu haaha, nug ele nau laa ele ha, nug mauhak ele gamag ah doyak medakkunu oɗ mettom.

2 Stori 18:29

Amu ban ii digmeumppa, Israel dilag king Ahap nug Jehosapat amegppa inam aum. “Haen ig gota ban hekkunignu hetata amu, da geha kingnu lamen elab imu baolie, lamen laa mekkul. Meppi, geha kekeɗ ag da ii dooiɗmana, amge na amu, na kingnu lamen elab mekkut,” awa aum. Aakku King Ahap nug lamen laa me, aa banppa gopiɗ.

2 Stori 35:22

Isip dilag king Neko nug nai amu Kayak oɗeppa awa, Josaia amegppa aum, amge Josaia nug am dookkunu uua, nug Neko, nuhikkud daup ele, uɗem naɗi onig Megido, appa ban hekkulagnu nuhikkud daup ele goppig. Nug ban amu hekkunu dabmak amu awa aɗa, nug eɗua, Jerusalem ukkaknu uua, Neko aɗi ele ban hekkulagnu ukka, Neko aɗi ag am king aakku daatte anidmananu nug lamen laa, kingnu iitta, takka, ban hekkunu ukkom.

Aisaia 8:19

Anam amunu, danab ah laa ag geha ag laa ⌊Yawe dim lamidtteb ele, ag ag⌋ amelagppa ag gona mauhak ele gamag danab, o mauhak ele mattiak danab anadna, doyaknu oɗ mattaglagnu amelagppa appeg amu, ag amu aib heppig! Ag Kayak toppanu dabmak aweg! Danab ameg amu ag danab kaaka nai maditteb, ag amubia maditteb. Mattiegeg, oɗelagppa oqotti digdig bette. ⌊Antte!⌋ Danab ah mauhppig ag am danab ah bau daatteb dabmak mattaglagnu am ib ena iitta. Aɗinu ag danab mauhppig amu gumadna doyak aoglagnu gotteb? Ag eɗun, Kayak ahilag gumidna ukkeg!

Jeremaia 23:24

Da aben ohppa daattem amunu, danab laa da nug anidpanu aben lokkumakppa nug nugakka appa lokkumidkkunu elele iitta. Da hab attan, wanppa ele, da appa ana aben ohppa daattem.

Esekiel 12:6

Laa ag neekkidna daappeg, ⌊na ippu hak imu hena,⌋ na keeke aon gokkut ele amu, na amu gukkanppa maon, gatatu neebeb gokkut. Da hei, na uug naunab Israel danab ah dilagppa bekkun daattenu at daattem amunu, na gonana, na wan uuttem ele, na amu anidmananu na iɗun hautte!” Yawe Nug da amelppa anam aum.

Jon 3:19

Nob nau awaknu hettoɗiak diig am iikku. Amahlak wanppa uɗiom, amge danab ag wanppanu gatatu, ag amunu oolag mauhom; ag amahlaknu oolag ii mauhom. Aɗinu? Ahilag kobol am nau.