1 Samuel 28:2 - Nobonob Baibel

² Akis nug Dawit anam oɗ mette, Dawit nug nob ma aum. “Da am nahip maɗi nid, amu keeke da hekkul elele amu, na geha anidkkut,” awa aum. Dawit nug anam a, Akis nug aum. “Amu ena. Geha da heppi, na dahil atognoak danab bekkut, na geha haen oh anamib daakkut,” awa aum.

1 Samuel 28:2 ပူးပေါင်းရင်းမြစ်များ

Rom 12:9

Ag lailkad dilag oo mauhak genabppa oolag mauhaɗ! Ag aib hambuppuak bia heppig. Ag kobol eheɗnu nau ninig ele doyeg! Ag kobol ena amuib aɗan autna aweg!

1 Samuel 1:22

amge Hana nug ii ukkom. Aɗinu? Elkana nug gokkunu heehe, Hana nug amegppa aum. “Da nid imu huh aɗittoya, da nug awe ukken, Yawe gumitten wain, Nug medappi, nug haen oh appa daakku,” awa aum.

1 Samuel 1:28

amunu, da nug Yawe medattem. Amu nuhig wan imuppanu bau dayak haen amu, haen amu oh nug Yawenu uɗat aakkuib hekku,” awa aum. Hana nug anam a amu, ag Yawe noobppa dup nona Nug binag meppig.

1 Samuel 27:10

Haen ag Akis gumidna ukkaeg, Akis nug Dawit oɗ meedttom. “Na gemu gona, adeppa ban heme?” Nug Dawit anam oɗ mette, Dawit nug inam amegppa attom. “Da Juda dilag wan maha yau uɗitteppanu gomi.” Nug anam attom, o, “Da wan maha laa yau uɗitteppanu daatte, aab ikki Jeramel dilag wanppa gowoya uɗimi.” Nug anam attom. O, “Da Juda dilag wan, maha yau uɗitteppanu daatte, aab ikki Ken dilag wanppa gomi uɗimi.” Dawit nug anam attom.

1 Samuel 29:2

Ag anam aab kalappigppa daanna, deɗ laa Pilistia danab okkai ag ahilkad ban danab ele ahappig; huu laala am ahilkad danab 100 ele, huu laala am ahilkad danab 1,000 ele. Danab okkai okkai ag ahilkad huu ele ag ahan, banppa gokkulagnu laippu tappan ukkaegeg, Akis nug nuhikkud ban danab ele, amu Dawit, nug nuhikkud ban danab ele ag ahan, dimulagppa dim lamadna tappa ukkak laippuppa uɗippig.