1 Samuel 28:19 - Nobonob Baibel

¹⁹ Yawe Nug uuitteb, geha na Pilistia eppelagppa daakkut. Amu haen na ag eppelagppa wappe, geha Israel ameg oh ele wakkulag. Butti Pilistia ag na, na begapad ele aqappeg, na ag ele uɗippeg, da ele daagnig. Yawe Nug uuatteb, Pilistia ag geha Israel oh eɗadkkulag.” Samuel nug anam aum.

1 Samuel 28:19 ပူးပေါင်းရင်းမြစ်များ

1 King 22:20

Ag anam daaegeg amu, Yawe Nug engel oɗ matta inam aum. ‘Aun nug geha Ahap oo eeɗeb, geha nug aab Ramot, Gileat wanppanu, banelag ukka, banppa mauhkku?’ awa oɗ matta aum. Nug anam a amu, engel laala anen anen ahilag dabmak Yawe amegppa madippig. Laa nug ana male, laa nug laa aum.

1 King 22:28

King nug anam a amu, Mikaia nug eɗua Ahap amegppa aum. “Na maɗoɗ ele eɗun uɗikkut dayeb amu, Yawe Nug da oɗelppa nai ii aum,” awa aum. Nug anam ana, amu nug tuɗitta aum. “Ag danab ah oh, ag dahil nai doyeg!” awa aum.

Job 3:17

Nami aabppa amu, danab nau ag baula nau ii hetteb; appa danab beɗu maidadaɗak ele amu, nug hik aotte.

Eksodas 9:18

Amu butti haen inamppa, geha da heppi, ais doɗo uug okkainab ele Isip wanppa nekkulag. Isip wan imuppa haen nug digmak beebe, ais doɗo anam ii neppig, uɗia gemu batak.

Matyu 26:24

Danab Bekkalag da, Kayak nai atte amubianab da mauhkkul, amge danab nug Danab Bekkalag da, kekeɗ eppelagppa meiɗkku amu, nuhignu gadonnab gadon. Nug anig nug ii menulo am ena,” awa aum.

Aposel 5:5

Aria, haen Ananias nug Pita nai aum amu doya, nug na qa mauhe, danab oh ag amunu nai doona amu, ag huan baɗappig.

1 Samuel 12:25

⌊Ag anam hekkulag am ena,⌋ amge ag nau hak tuɗidna hekkulag dayeb amu, Yawe Nug ag, ahilag king ele amu, Nug heeb, ag oh padal mekkulag.” Samuel nug anam aum.

1 Samuel 28:20

Deɗ amuppa Saul nug ee laa ii laum amunu, nug beɗu ɠagattag iitta, amu haen nug Samuel nai aum, nug nai amu doya, nug amunu huan baɗa haaha, nug na qa, wanppa niiom.