1 Samuel 28:12 - Nobonob Baibel

¹² Saul nug anam a, ah Samuel onigppa e beum, amu haen ah nug Samuel antta, nug Saul am Saul doyom, amu nug eheɗ nau ewa, amegppa aum. “Aɗinu na da buppuiɗme? Na Saul!” awa aum.

1 Samuel 28:12 ပူးပေါင်းရင်းမြစ်များ

Genesis 29:25

Aria, wagɗe buttua amu, Jakop nug Lea iɗu antta, nug Laban amegppa aum. “Na aɗinu kobol imu heme? Da Rahel aokkulnu uɗat nahip hemi. Aɗinu na hambuppuiɗme?” awa oɗ mettom.

1 King 14:5

Aria, ah amu nug ukkom, amge haen nug Ahaiya toppa ii te, Yawe nug Ahaiya amegppa aum. “Jeroboam bekka nug oɗe meum amunu, Jeroboam wau nug geha nid amu nug ena daakkute, o iittate, nug na oɗ medakkunu uɗitte. Haen nug uɗikku amu, nug na nuhignu, ‘Ah imuam Jeroboam wau,’ dabmemananu ippu hak laa hekku. Aria, nug uɗia beeb, na inam inam appe dookku,” awa aum.

1 Samuel 28:11

Saul nug anam a, ah nug ⌊hekkunu elele⌋ doya, nug Saul amegppa aum. “Da appi, geha aun bekkunu oot daatte?” awa aum. Nug anam a amu, Saul nug amegppa nob ma aum. “Na heppe, Samuel bekkunu ool daatte,” awa aum.

1 Samuel 28:13

Ah nug anam he, King Saul nug amegppa aum. “Na aib baɗame! Na aɗi keeke anidme?” Nug anam a, ah nug aum, “Da kayak laa, nug wanppanu be anidttem,” awa aum.

1 Samuel 28:3

Haen matu Samuel mauhe, Israel ag nuhignu qanana, appag diigppa Rama boumppig. ⌊Amge haen Samuel ii mauhom dayeye,⌋ Saul nug he, mauhak ele gamag danab, amu mauhak ele mattiak danab ag Israel wanppa ii daappig.