1 Samuel 28:10 - Nobonob Baibel

¹⁰ Ah nug anam a amu, Saul nug nai nuhig Yawe onigppa ɠagattag qetta, ah amegppa inam aum. “Genabnab genab, Yawe bauklel daatte, genab amubia na nai dahil dim lamidppe amu, geha nob mettak nau laa nahip-ppa ii bema. Iitta genab,” awa aum.

1 Samuel 28:10 ပူးပေါင်းရင်းမြစ်များ

Genesis 3:5

Kayak dootte, haen aa ad amu meu lakkulah amu, aa keeke ena, nau ele dooyya, Nug bia daaglah amunu, ⌊Nug ɗo meum⌋,” awa aum.

2 Samuel 14:11

Nug anam a amu, ah nug aum. “O dahil king, anam dayeb, laa nug qe mauhak danab nob ma qeeb mauhkkunu daatte amu, nug amu hemanu na Yawe, nahip Kayak, na Nug onig aon, nahip nai ɠagattag qettan, am laa nug da bekkal qeeb ii mauhmanu akkutnu ool daatte,” awa aum. Nug anam a amu, king nug aum. “Yawe Nug genab bau daatte, genab amubia laa nug eheɗ nakok laa na bekkat beɗuppa iinab hema,” awa aum.

Eksodas 20:7

Da am Yawe, nahip Kayak. Na da onil hamu aib diime. Aɗinu? Da danab o ah aun nug da onil hamu diitte ele, da nug bu medakkul.

Matyu 26:72

Nug anam a, Pita nug nuhig nai ɠagattag qetta aum. “Da danab amu ii doottem!” awa aum.

Mak 6:23

Awona, nug nai tuɗitta, nuhig nai ɠagattag qetta ana, nug aum. “Na ɗo maɗoɗ dahil imu laih aokkutnu oot dayeb amu, da gamagppa batak oppatppi, laih na aokkut,” awa aum.

1 Samuel 14:39

Yawe, Nug Israel danab ah, ahilag kekeɗ eppelagppan eɗua diitte amu, Nug genab bau daatte, genab amubia aun nug hipunin heum amu, nug mauhkku. Genab, da bekkal Jonatan nug hipunin amu heum dayeb amu, nug mauhkkuoitte,” awa aum. Nug anam aum, amge danab laa nug nai nakok laa ii mattiom.

1 Samuel 19:6

Jonatan nug mameg amegppa anam a amu, Saul nug nuhig nai Kayak onigppa ɠagattag qetta, nug inam aum. “Genabnab genab, Yawe Nug bauklel daatte amu, genab amu bia da heppi, ag Dawit ii qeppeg mauhma,” awa aum.

1 Samuel 28:11

Saul nug anam a, ah nug ⌊hekkunu elele⌋ doya, nug Saul amegppa aum. “Da appi, geha aun bekkunu oot daatte?” awa aum. Nug anam a amu, Saul nug amegppa nob ma aum. “Na heppe, Samuel bekkunu ool daatte,” awa aum.

1 Samuel 28:9

Saul nug anam aum, amge ah nug inam aum. “Amu Saul keeke heum amu, na iite doottem. Saul nug he, danab ah ag mauhak ele gamag danab, o ag mauhak ele mattiak danab amu, ag Israel wanppa ii daatteb. Aɗinu na da mauhkkulnu pelem mettem?” anam aum.