1 Samuel 27:9 - Nobonob Baibel

⁹ Aria haen Dawit nug nuhikkud danab ele ag banelag ukkaeg, danab huu ewam amu laih adekkunu ele ban henana, ag danab ah oh aqatteg mauhadttappig. Laippu laa uueg ii dayom, amge sipsip, makau, kamel, donki, lamen keeke, ag keeke amu ag aon gona, eɗun Akis toppa goppig.

1 Samuel 27:9 ပူးပေါင်းရင်းမြစ်များ

Genesis 16:7

Oola ukke, Yawenu engel nug atu taɗakppa Hagar le ameg qeppuɗia bedeppa gumitta na anttom. Le amu, am Sur ukkaknu ib giginppa daatte.

Genesis 25:18

dimppa nug buɗub ag Hawila, Sur ele gamalahppa oittappig. Wan amuam Isipnu tom kaɗag uɗitteppanu, am tom amu dim lamitta daye, am tom amuppanu ukka ukka, Asur batak. Ag wan amu ooppa oinna, ag ahilkad tiig laippu ele kekeɗ mettak daadttappig.

Job 1:3

Nug baegppan nid am anam, amu Job nug ele en kuɗumnab ele. Nug sipsip 7,000, kamel 3,000, makau okkai ebehi ele 1,000, amu donki anig 500 ele. Nug doɗ amu oh ele, amu nug ele maɗi nid maɗi ah ele kuɗumnab ele. Danab digdig oh kaɗag uɗitteppanu daatteb ele amu, nug amu dilag laa oh eɗattom.

Eksodas 15:22

Ag amu oh heeg ukke, dimppa Moses nug Israel omalatte, Le Kokoɗ uuna, ag Surnu atu taɗak amu aon gona goppig. Ag am atu taɗak amuppa deɗ ewam oippig, amge ag le laa ii anidppig.

Josua 6:21

Ag aab okkai aon, ag qep elabppa heeg, aabppan danab ah, keeke oh ele am Yawenuib nuhig pelemppa daappig. Ag danab o ah, bau o kaino oh, makau, sipsip, donki, keeke oh ele anam heppig.

1 Samuel 15:3

Da amu hekkul amunu, na heppe, na Israel danab ele ag ahan, banelag gona, Amalek ele ban hena, ag Amalek oh, amu ahilkad keeke ohnab ele heppeg, ag dahilnuib, dahil pelemppa dayeg! Ag keeke laippu laa aibnab uuppeg dayom. Ag Amalek danab, ah, nid naunau, nid yuɗ ele, amu ahilkad makau, sipsip, kamel amu donki ele, ag amu ohnab aqappeg mauheg!’ ” awa aum.

1 Samuel 15:7

Amu Saul, nuhikkud daup ele ag anam daaeg ukke, Saul a, ag oh ahan, banelag gona, ag Amalek danab aab onig Hawila, amu aab laa onig Sur, ag aab aɗit amu gamalahppa, aben amu ohppa Amalek danab aqadppig. Sur am Isip wannu tom guguittak dayom.

1 Samuel 15:8

Ag anam hena, Saul nug Amalek dilag king Agag aɗa, maniguitte, bau dayeye, Israel ag qep elabppa heeg, Amalek danab ah aɗi laa oh ag Yawenuib nuhig pelemppa daappig.