1 Samuel 27:11 - Nobonob Baibel

¹¹ Dawit nug haen oh anam Akis amegppa attom, amge danab ameg Dawit nug ag banelag ele goppig, amu oolagppanu laa nug oola, Gat ukka, Akis amegppa ⌊aunnab ag ele ban heppig⌋ amanu amu, Dawit nug danab ah nug ele ban hetteb ele, nug ag oh aqe mauhtteb. Nug laippu laa uue, bau ii daatte. Haen Dawit nug Pilistia wanppa dayom, nug anamib hettom.

1 Samuel 27:11 ပူးပေါင်းရင်းမြစ်များ

Prowerb 12:19

Doyak diig genabib amu hanhan enaib daatte; amge hambuppuak nai am pahanab iitta mette.

Prowerb 29:25

Danab dilagnu baɗittak am pelem bia daatte; amge aun nug Yawenu ooppa genab dootte, nug eleleib daakku.

Jeremaia 41:4

Ismael nug Gedalaia qe mauhe, deɗ amu uue wagɗe, laa nug heumnu ii doyom amu,

1 Samuel 22:22

Abiatar nug Dawit amegppa amu mattie, Dawit nug Abiatar amegppa aum. “Da Saul he oole gomi, deɗ amu da ukke, aab Nob, appa tein, Doeg dayeye anidmi amunu, da doomi, nug geha dahilnu Saul amegppa ab dookku. Da anam doomi amunu, na mamen baekkudppa ele mauhppig amu, amuam dahil da beɗulppa daatte.

1 Samuel 27:10

Haen ag Akis gumidna ukkaeg, Akis nug Dawit oɗ meedttom. “Na gemu gona, adeppa ban heme?” Nug Dawit anam oɗ mette, Dawit nug inam amegppa attom. “Da Juda dilag wan maha yau uɗitteppanu gomi.” Nug anam attom, o, “Da wan maha laa yau uɗitteppanu daatte, aab ikki Jeramel dilag wanppa gowoya uɗimi.” Nug anam attom. O, “Da Juda dilag wan, maha yau uɗitteppanu daatte, aab ikki Ken dilag wanppa gomi uɗimi.” Dawit nug anam attom.

1 Samuel 27:12

Dawit nug anam hettom amunu, Akis nug Dawitnu ooppa genab doya, nug am danab nai genabib atte, nug am da layalnab doyom. Nug anam doyaya amu, nug ooppa am inam attom, “Dawit nug heehe, nug laikkud, Israel, ag nuhignu dabmak eheɗ nau dootteb amunu, nug geha hanhan dahil maɗi nid daakku.” Akis nug ooppa nukka nuhignu anam attom.

1 Samuel 30:2

Amalek ag aab amu mainna, ag appanu ah, laala aun aab amuppa daappig ele amu, ag amu oh aɗualadna, diin goppig. Laala diin goppig, amu oolagppanu kaino laala ele diin goppig; laala ag am danab bau. Ag danab ah oh diin goppig, laa uueg ii dayom. Laa amu, ag danab laippu laa ii qeeg mauhom. Iitta. Ag aɗualadna, oh diin goppig.