1 Samuel 26:6 - Nobonob Baibel

⁶ Dawit nug ukka ta, nug Saul, nuhikkud ban danab ele ag attem niitteb am anttom amunu, nug Hit danab onig Ahimelek, amu Seruia bekka Abisai, Joap amag amu, nug aa amelahppa aum. “Aa oolahppa, aun nug geha da ele haen tutu dayaknu aab kalak imuppa goɗa, Saul gumidɗa wakkunih?” awa oɗ matom. Nug anam oɗ me, Abisai nug nob ma aum. “Da geha na ele oh gokkunih,” awa aum.

1 Samuel 26:6 ပူးပေါင်းရင်းမြစ်များ

Genesis 10:15

Kanan bekka naanaeg am Saidon. Saidon nug buɗub amu, ag am Saidon danab. Aria, Kanan buɗub laa, ag am Hit danab,

Genesis 15:20

Hit danab, Peres danab, Repaim danab,

Genesis 23:3

Abraham nug Sarah mahittowa, nug aha ukke, Hit danab ele nai mattina, nug aum.

Genesis 26:34

Aisak bekka Esau nug maɗ 40 dayaya, nug Hit ah aɗit, laa Beri aɗeg onig Judit, laa Elon aɗeg onig Basemat, nug ah aɗit amu oh diiatom.

2 Samuel 11:21

Ag aun nug Gideon bekka Abimelek qe mauhom iite dootteb? Abimelek nug Tebes danab ele ban henana, nug aɗ amu guguittak ukke, ah laa, nug aab okkainu aɗ attan dayaya, ee aeg ganuɗaknu men okkai buɗie noa, ikki aoɗe mauhom. Aɗinu ag aabnu aɗ guguittak appa wappig? Ag kaaka heppig!’ King nug anam akkutai. Nug anam anan, oɗ medakku dayeb amu, na inam appe doyaɗ! ‘Amge nahip maɗi nid laa mauhom ele amu, nug am Hit danab Uraia.’ Na anam a!” Joap nug nai awa ukkak danab amegppa anam aum.

2 Samuel 11:24

Ig anam heutut, Amon daup aɗ attan daappig amu, ag lat doɗo eeg ne, nahipad danab laala aqaeg mauhppig. Laa mauhom am nahip maɗi nid Uraia, nug am Hit danab,” awa aum.

2 Samuel 11:6

Nug nai amu me ukke, Dawit doya, nug nai laa Joapnu, “Na heppe, Hit danab Uraia nug uɗiaɗ!” nug nai amu nai awa ukkak danab mette, awa ukka, Joap mette, Joap nug he, Uraia nug Dawit toppa teum.

2 Samuel 12:9

Amunu aɗinu na da Yawe, na dahil nainu ena iinab doon, eheɗ nau amu heme? Na hee, kekeɗ ag Hit danab Uraia qep elabppa qeeg mauhom. Ao, ag nug qeeg mauhe, na nug wau, nahip ah daakkunu aome. Ge, na hee, Amon danab ag qep elabppa Uraia qeeg mauhom.

2 Samuel 18:5

Ag anam ukkaegeg, King Dawit nug Joap, Abisai, Itai ele amelagppa inam hekkulagnu aum. “Ag nid bau Apsalomnu amu, ag dahilnu anuqak doon, nuhigppa wagai aib meppig,” awa aum. Nug anam aum amu, daup laa oh ele ag nug ban daup ikki amelagppa Apsalomnu anam aawo, ag dooppig.

2 Samuel 2:13

Amu haen amuppa Seruia bekka Joap, ⌊Dawitnu daup okkai,⌋ nug nuhikkud daup ele ag ahan gona, le gottu Gibeon appa daatte ele, ag appa Apner aɗi ele nug uɗa teppig. Ag nug uɗa tena, Apner aɗi ag le laih daugppa daaegeg, Joap aɗi ag laih heɗep nena daappig.

2 Samuel 2:18

Amu Seruia bekkod ewam, ag ban amuppa daappig. Ag onilag am Joap, Abisai am Asahel ele. Asahel nug doɗ gasel huana qaietta gotte, nug amubia huana qaietta gokkunu elele.

2 Samuel 23:18

Seruia bekka Joap amag Abisai, nug am Danab 30, nug amu dilag okkai dayom. Deɗ laa nug danab 300 ele ban henana, nuhig banppa aqe mauhppig amunu, nug onig am danab ɠagattagnab ewam onilag bia dayom.

2 Samuel 23:34

Maka ted onig Elipelet, nug Ahasbai bekka; Gilo ted onig Eliam, nug Ahitopel bekka;

2 Samuel 23:39

Aria, Hit danab onig Uraia ele. Danab amu oh dilag ebqak am 37 ⌊amu ag oh huu onig Danab 30, ag huu amu ooppa daappig⌋.

1 King 10:29

Solomonnu keeke laihnu awa dadennu mak danab ag bannu karis Isipnu aoppig amu, ag karis mameg 7 kilogram silwa mettana, ag karis laippu aoppig. Hosnu am ag 1.7 kilogram silwa hos mameg mettan, hos aoppig. Ag hos, bannu karis ele amu aona, ag Hit dilag king, Aram dilag king ele ippuanateg, ag Israel dilagppa aoppig.

2 King 7:6

Aɗinu? Aram ban danab amu oh oolna goppig. Amunu diig am, tueb amuppa Naɗi Nug he, Aram ag oqotti okkai dooppig; ban danab ameg naɗi, hos, bannu karis ele dilag oqotti okkainab bia doon, ag inam appig. “Israel ag Hit danab, Isip danab ele, ahilkad king daden matteg, ahilkad ban danab ag banenig uɗin, ig iqaglagnu uɗitteb,” aon appig. Ag anana, ag paha ahan, daappig aben amu uun, oolna goppig.

Josua 3:10

Kanan danab, Hit danab, Hiwi danab, Peres danab, Girgas danab, Amo danab, Jebus danab ele ag wan Jodan le imu heqo laihppa daatteb. Ag amuppa daan, wan amu gumatteb, amge Kayak bau daatte, Nug ag Israel oolagppa daatte, Nug heeb, ag Israel, ag danab amu lamadkkulag. Nug ag amu miagib ippuanatteb anidkkulagnu amu,

1 Samuel 26:7

Abisai nug anam a, tuqan amuppa Dawit nug Abisai ele aa haen tutu dayaknu aab kalak amu ooppa noya, Saul nug aab gamagppa niiaya, nuhig ban gudkkud am nug ikki guguittak qappe dayom. Apner nug ban danab laala ele, ag Saul talilidna niiegeg anadpiɗ.