1 Samuel 26:5 - Nobonob Baibel

⁵ Ag Dawit amegppa aeg, Dawit nug aha ukka, Saul haen tutu dayaknu aab kalom amu, nug aab amu guguitta ta, nug Saul, amu nuhikkud ban daup ikki anuqak Apner, nug am Ner bekka, nug aa niittep aben anttom. Saul nug aab amu gamagppanab niie, nuhikkud ban danab ag nug talilidna niiegeg anttom.

1 Samuel 26:5 ပူးပေါင်းရင်းမြစ်များ

2 Samuel 3:27

Anam daye, haen Apner nug eɗua Hebron uɗie amu, Joap nug aabnu aɗ odppa dayaya, nug Apner ele aa laih danab ii daattebppa goya, aya daayya, nai mattiglahnu he goya, appa Joap nug Apner big qep-ppa ye mauhom. Apner nug Asahel ye mauhom amunu, Joap nug gemu nob ma, Apner ye mauhom.

1 Stori 9:39

Ner bekka am Kis. Kis bekka am Saul. Saul bekkod am Jonatan, Malkisua, Abinadab, Esbal ele.

1 Samuel 17:20

Jesi nug anam aum amunu, Dawit nug wagɗe buttuanab aha, nid laa sipsip gumaknu amegppa a gumattette, nug mameg aum bia nug ee awa, Israel dilag ban abenppa ukkom. Israel ban danab ag ban hekkulagnu ahan, ban haknu abenppanab gonana, ahilag ban hak ehanidkkunu ewak heegeg, haen amuppanab Dawit ukka teum.

1 Samuel 17:55

Aria, haen tatam Saul nug Dawit Goliat ele ban hekkulahnu ukkom antta, nug ban daup ikki anuqak Apner oɗ metta aum. “Apner, danab diig attemnab nug am nid bau inam mameg beum daatte?” awa oɗ mettom. Nug anam awa oɗ mette amu, Apner nug nob ma aum. “O king, na genab bau daattem, genab amubia da amu genab ii doottem,” awa aum.

1 Samuel 26:4

nug lokkumakppa atu italaknu danab laala maatte, ag gona oippig. Ag gona anidppig, am genabnab Saul nug teum, Hakila daatte anidppig. ⌊Ag anam anidna, ag eɗun gona, Dawit amegppa amunu appig.⌋

1 Samuel 9:1

Amu Israel danab laa onig Kis, nug haen amuppa dayom. Nug am Benyamin buɗub. Nug danab onig ele, amu nug am Abiel bekka. Abiel am Seror bekka. Seror am Bekorat bekka. Bekorat am Apia bekka, amu Apia nug am Benyamin buɗub laa.