1 Samuel 26:4 - Nobonob Baibel

⁴ nug lokkumakppa atu italaknu danab laala maatte, ag gona oippig. Ag gona anidppig, am genabnab Saul nug teum, Hakila daatte anidppig. ⌊Ag anam anidna, ag eɗun gona, Dawit amegppa amunu appig.⌋

1 Samuel 26:4 ပူးပေါင်းရင်းမြစ်များ

Matyu 10:16

Doyeg, da ag maatti, ag sipsip wulp oolagppa gotteb bia gotteb amunu, ag dabmak tutukkunab aona, keeke heig! Amu ele ag keeke oh qinonob henana, kobol nau laa hekkulagnu aib dabmeppig.

Josua 2:1

Israel danab ah ag aben onig Sitim appa daappig. Haen ag appa daanna, Nan bekka Josua nug lokkumakppa atu italak danab aɗit maate, Kanan wan lokkumya italkkulahnu gopiɗ. Nug aa Jeriko aab okkai italya autyanab aoglahnu aum. ⌊Jeriko am aab okkai, aɗ ele.⌋ Josua maate goya, Jeriko gopiɗ. Aa tuqan appa daaya, niiglahnu amu, aa ah laa, nug am ib baag ah onig Rahap, aa nug laugppa gopiɗ.

1 Samuel 26:3

Saul nug nuhikkud danab ele ag nena gona, qauko nakok Hakila appa, Saul nug ib Hakila tette, amu daugppa haen tutu dayaknu aab nuhig kalom. Hakila am laih Jesimonnu yau uɗitteppanu daatte. Saul nug nuhikkud danab ele ag uɗin, haen tutu dayaknu aab kalaeg, Dawit nug nuhikkud danab ele ag atu taɗakppa daanna, amu Dawit Saul uɗiom doya,

1 Samuel 26:5

Ag Dawit amegppa aeg, Dawit nug aha ukka, Saul haen tutu dayaknu aab kalom amu, nug aab amu guguitta ta, nug Saul, amu nuhikkud ban daup ikki anuqak Apner, nug am Ner bekka, nug aa niittep aben anttom. Saul nug aab amu gamagppanab niie, nuhikkud ban danab ag nug talilidna niiegeg anttom.