1 Samuel 26:15 - Nobonob Baibel

¹⁵ Apner nug nob ma, anam a, Dawit nug aum. “Na Saulnu ban daup ikki anuqak iittate? Na am Israel oolagppanu danab laa oh iite eɗadttem? Na anam aakku daattem dayeb, am aɗinu na king, nug am nahip okkai amu, aɗinu na nug ii dabmettame? Aɗinu? Gemu geha iikkunab danab laa haen tutu dayaknu aab kalak na daattemppa nug king nahip qeeb mauhkkunu uɗiom; king nug am nahip okkai.

1 Samuel 26:15 ပူးပေါင်းရင်းမြစ်များ

2 Samuel 3:38

Amu Dawit nug nuhikkud danab laa amelagppa aum. “Ag gemu Israel oolagppanu danab okkai, danab onig ele na qeum amu, ag amu iite dootteb?

Daniel 4:19

King Nebukatnesar nug Daniel, onig laa Beltesasar, nug amegppa anam a, Daniel nug dabmak huan awe, nuhig dabmak he, nug eheɗ baɗe, king nug amu antta, Daniel amegppa aum. “Beltesasar, tul niiak dahil amunu, meu ele aib heeb baɗame,” awa aum. Nug anam a, Daniel nug eɗua, nob ma aum. “O dahil naɗi, tul niiak amuam nahip kekeɗ dilag ippuniglo am ena. Ge! Tul niiak amunu meu am laa ag na eheɗ heidkkulagnu hetteb dilag daalo am ena.

Matyu 26:40

Nug anam unuqittowa eɗua ukka, nuhikkud ippunittak awak danab ewam niiegeg anatta, Nug Pita amegppa aum. “Ag da ele aua laippuib dabmettat daagnignu elele iittate?

1 Samuel 26:14

Dawit nug anam hibaitta dayaya, nug Saulnu ban danab, amu Ner bekka Apner ele dooglagnu onilagppa inam eum. “Apner, Ner bekka, na nai dahil doottem, o iitta?” Nug anam awa e amu, Apner nug doya, nob ma ewa aum. “Na aun na enana, na king maɗedattem?” awa ewa aum.

1 Samuel 26:16

Apner, keeke na heme am ena iitta! Na danab amu, nug am nahip naɗi, nug king daakkunu Yawe Nug goɗen gokkaɗakppa tituanom, amu na nug tutukku ii dabmettame amunu, genabnab genab, Yawe bauklel daatte, genab amubia laa nug na, amu ban daup danab nahipad laa oh ele aqeb mauhlob, amu geha nug kobol tutukkuib helo. Na neegna antte! Kingnu ban gudkkud, am le nippud ele, keeke aɗit amu aa nug ikki heqoppa daapiɗ, keeke aɗit amu adeppa daattep?” awa aum.