1 Samuel 25:6 - Nobonob Baibel

⁶ ag nug amegppa inam aig! ‘Dawit nug na, na baenadppa, amu nahip keeke oh ele enaib daaglagnu oo daatte.

1 Samuel 25:6 ပူးပေါင်းရင်းမြစ်များ

Genesis 43:23

Ag anam aeg amu, Josep laug gumak danab nug aum. “Ag maɗoɗ doonna, aib baɗappig. Kayak ahilag, Nug ag mamelagnu Kayak, Nug ahilagnu nob ena mattom. Da silwa men doɗo ahilag tatam aon uɗippig amu, da aomi,” awa aum. Anam ana amu, nug ukka, Simeon omala uɗie, oh daappig.

2 Samuel 18:28

Dawit anam a, Ahimas nug qaietta aabppa uɗiaya, nug king amegppa ewa aum. “Keeke oh ena daatte,” awa aum. Nug anam ana uɗia, king noobppa gateg qaun o, gomela, iɗu wanppa ma, nug aum. “Yawe, Nug am nahip Kayak, ig Nug binag metu! Nug he, danab ag na, na am dahil naɗi, dahil king, ag na eheɗ heidkkulagnu heppig ele amu, ig ag eɗadmut,” awa aum.

1 Stori 12:18

Dawit nug ag amelagppa anam a, Amasai, nug haen amu dimugppa ban danab ɠagattag 30 dilag okkai dayom, nug danab uɗippig oolagppa dayeye, Kayak Ouɗi Nug Amasai, nuhigppa uɗie, nug aum. “O Dawit, ig am nahip danab. Ge, Jesi bekka, ig na ehanidkkunignu daattem. Kayak Nug na ehanidkku amunu, na maɗoɗ ele daakkut. Na, am laa ag na ehanidtteb, amu ele, ag maɗoɗ ele daaglag,” awa aum. Amasaia nug anam aum amunu, Dawit nug diiatta he, ag Dawitnu ban daup huu laala ikkilag daappig.

Sam 122:7

Amu da maɗoɗ Jerusalemnu aɗ ooppa daakkunu ool daatte. Ao, da ban danab ag nahipad aab ooppa aben aɗ ɠagattagnab eleppa daatteb amu, ag ɠagattagib daaglagnu ele ool hette.

Sam 122:8

Da baeladppa, da lailad ele Jerusalem ippa ina daatteb amu, da ahilagnu dabmak anuqak awen, da, “Jerusalem ippa maɗoɗ daakkunu ool daatte,” attem.

Luk 10:5

Amu haen ag lag laa ooppa nona amu, aria ag tatam inam akkulag. ‘Kayaknu maɗoɗ lag imuppanu danab ah dilagppa daakkunu oonig daatte,’ aon aig!

Jon 14:27

Da maɗoɗ awe ii gopa. Iitta! Da maɗoɗ ag madattem. Ge, da dahil maɗoɗ ag madattem. Wan imuppan maɗoɗ am laa, da amubia ii madattem amunu, ag oolag uug aib qeum. Ag aib baɗappig.

1 Tesalonaika 3:8

Aɗinu? Ag haen oh Naɗinu ɠagattagppaib oitteb, ig amu doota, ig eleleib daattem.

2 Tesalonaika 3:16

Naɗi Nug maɗoɗ kobolnu diig, Nug nukka ag hanhan, keeke ohppa, maɗoɗ madakkunu oonig daatte. Naɗi Nug ag oh ele dayeg!.

1 Timoti 5:6

Amge ah qab nug nukka beɗunu oo hakib dim lamidtte amu, nug aakku mauhak bia daatte.

1 Samuel 25:5

Dawit nug amu doya, nuhikkud nid bau eblaih tanig ele ag Karmel gona, Nabal anidkkulagnu onilagppa e uɗieg, nug amelagppa aum. “Ag Karmel gona, Nabal anidna, ag dahil humittak mettanna,