1 Samuel 25:5 - Nobonob Baibel

⁵ Dawit nug amu doya, nuhikkud nid bau eblaih tanig ele ag Karmel gona, Nabal anidkkulagnu onilagppa e uɗieg, nug amelagppa aum. “Ag Karmel gona, Nabal anidna, ag dahil humittak mettanna,

1 Samuel 25:5 ပူးပေါင်းရင်းမြစ်များ

Genesis 43:23

Ag anam aeg amu, Josep laug gumak danab nug aum. “Ag maɗoɗ doonna, aib baɗappig. Kayak ahilag, Nug ag mamelagnu Kayak, Nug ahilagnu nob ena mattom. Da silwa men doɗo ahilag tatam aon uɗippig amu, da aomi,” awa aum. Anam ana amu, nug ukka, Simeon omala uɗie, oh daappig.

1 Stori 12:18

Dawit nug ag amelagppa anam a, Amasai, nug haen amu dimugppa ban danab ɠagattag 30 dilag okkai dayom, nug danab uɗippig oolagppa dayeye, Kayak Ouɗi Nug Amasai, nuhigppa uɗie, nug aum. “O Dawit, ig am nahip danab. Ge, Jesi bekka, ig na ehanidkkunignu daattem. Kayak Nug na ehanidkku amunu, na maɗoɗ ele daakkut. Na, am laa ag na ehanidtteb, amu ele, ag maɗoɗ ele daaglag,” awa aum. Amasaia nug anam aum amunu, Dawit nug diiatta he, ag Dawitnu ban daup huu laala ikkilag daappig.

1 Samuel 17:18

Keeke laa ele, na sis maha eblaih laih ele imu ele aon gona, na awanad dilag ban daup ikki mette! Na gona, na awanad ewam amu anadna, ag attem daatteb anttona, na keeke laa ag ena daatteb ippuniɗkkunu ele aon uɗie!

1 Samuel 17:22

Aria, Dawit nug haen amuppa ukka, bannu abenppa ta, nug ee mameg me awa ukkom amu, nug ee amu ban danab dilag ee gumak ikki eppegppa mewowa, nug qaiqaɗ ban danab daappigppa ukka, awakkud anatta humattom.

1 Samuel 25:4

Aria, Nabal nug aab Karmel, appa dayeye, Dawit nug atu taɗakppa dayom. Dayeye, laa Dawit amegppa aum. “Nabal nug sipsip uɗilag otaɗtte,” awa aum. ⌊Nug Dawit amegppa anam a, aakku Dawit doyom, Nabal nug geha nuhikkud maɗi nid gamag ahak madakkunu hobul okkai okkai hekku.⌋

1 Samuel 25:6

ag nug amegppa inam aig! ‘Dawit nug na, na baenadppa, amu nahip keeke oh ele enaib daaglagnu oo daatte.