1 Samuel 25:43 - Nobonob Baibel

⁴³ Tatam, haen keeke amu oh ii beegeg, Dawit nug Jesril ah laa awom; ah amu onig am Ahinoam. Gemu Dawit nug Abigel awe, ah aɗit aa oh am Dawit wauuɗ daapiɗ.

1 Samuel 25:43 ပူးပေါင်းရင်းမြစ်များ

Genesis 2:24

Amu Yawe Kayak Nug ah danabppa heum, diig amunu ewau matulak haenppa danab nug anig mameg ele uuata, nug wau ele matulak daaya, aɗit amu aa ouqak laippu daaglah.

2 Samuel 2:2

Yawe Nug anam aum amunu, Dawit, nug waauɗ aɗit ele ag ahan, appa goppig. Nug waauɗ aɗit amu, laa Ahinoam, nug appag diig am Jesril, amu laa am Abigel. Tatam nug am Karmel ted Nabal wau daye, Nabal mauhe, Dawit awom.

2 Samuel 3:2

Amu Dawit nug Hebron appa dayeye, nuhikkud ah ag bekkod laa menuadppig. Nuhig nid danab naanaeg am Amnon. Nug anig am Jesril ah onig Ahinoam.

Matyu 19:5

Nug anam haatowa, ‘diig amunu ewau matulak haenppa danab nug anig mameg ele uuata, nug wau ele matulak daaya, aɗit amu aa ouqak laippu daaglah.’

Matyu 19:8

Anam aeg amu Jesus Nug aum. “Ag Kayak oɗe dim lamidkkulagnu uuppig amunu, Moses nug ag ahilkad ah lamadkkulagnu ɗo anam meum. Amge anukka digmak haenppa kobol amu ii dayom.

Josua 15:56

Jesril, Jokdiem, Sanoa,

1 Samuel 27:3

Dawit nug nuhikkud danab ele gona gumidna tena ⌊Dawit nug Akis oɗ mette, nug ena awa a,⌋ amu Dawit nug nuhikkud danab ag baelkadppa ele oh Gat aabppa, Akis daatteppa daappig. Dawit wauuɗ aɗit, laa Ahinoam, nug am Jesril ah, laa am Abigel, nug Karmel ah, aa ele oh Dawit ele Gad daappig. Abigel nug am anukka Nabal wau dayom, amge Nabal mauhe, Abigel nug hamu dayeye, Dawit awom.

1 Samuel 29:11

Akis nug anam a, deɗ amu uue, wagɗe buttuanab Dawit nug nuhikkud danab ele ag ahan, eɗun Pilistia wanppa, ⌊ag daatteb abenppa⌋ goppig. Ag ukkaeg amu Pilistia ag Jesril goppig.

1 Samuel 30:5

Amalek ag danab dilag ah amu oh aɗualadppig, amubia aakkuib ag Dawit wauuɗ aɗit, amu ele oh aɗalatppig. Ah laa am Ahinoam, nug am Jesril ah; ah laa am Abigel, nug am Karmel ted danab Nabal wau, amge Nabal mauhe, ah amu qab ma dayeye, Dawit nug awom.