1 Samuel 25:39 - Nobonob Baibel

³⁹ Nabal mauhe amu, danab laa nug amunu Dawit amegppa a, Dawit nug aum. “Nabal nug dahilnu eheɗ heum, nug dahilnu am keeke hamunab doyaya heum, amge nob mettak nau Nabal nug heumnu amu, Yawe Nug da ehaniɗa, eɗua awa, Nabal mettom amunu, ig Yawe onig humapput, attan taɗ! Yawe Nug nuhig ehanittakppa da ehaniɗe, nob mettak nau eɗuen awen, Nabal medakkulnu ii hemi. Yawe nug Nabalnu eheɗ hak antta awa, eɗua Nabal mettom.” Dawit nug anam aum. Dawit anam awowa, dimppa amu nug nuhikkud maɗi nid laala maatte, ag Abigel gumidna gona, oɗ medappeg, nug uɗia, geha nug Dawit wau daakkunu goppig.

1 Samuel 25:39 ပူးပေါင်းရင်းမြစ်များ

2 Samuel 1:16

Aɗinu? Dawit nug nid amu amegppa tatam inam aum. “Na nakka, na, ‘Da danab laa, Yawe danab amu king daakkunu goɗen gokkaɗakppa tituanom amu, da nug qei mauhom,’ ame amunu, nahip nai amu na yaaittette, nahip mauhak na beɗunppa daatte,” awa aum.

1 King 2:44

Imu ele na doottem, na kobol eheɗ kuɗum, da mamel Dawitppa heme amunu, gemu geha Yawe Nug nahip eheɗ hak amunu nob medakku.

Esta 7:10

King nug anam aum amunu, ag Haman aon, balal attan danab aihaknu nug Mordekai aihkkunu heum, amuppa aihppig. King nug anam ha, nug baula oppoɗi bak ii doye, ameg kokoɗ eppak ele ii dayom.

Esta 9:25

Amge Esta nug king gumitta ukke, king nug ɗo nai laa babaitte, Hamannu eheɗ laa hekkunu lokkumakppa dabmaama maittak eheɗ awak, maittak amuppa nug Juda eheɗ hadakkunu dabmeum amu, maittak amu Haman nug, amu nug bekkod ele am eɗua, ahilagppa uɗie, ag ag balal attan danab aihaknu hak, ag amuppa aihadppig.

Sam 7:16

Ag uug heeg, laa dilagppa bette amu, uug amu eɗua, ahilagppa bette. Ao, ag laa guittak nau mauhnoak madatteb amu, guittak amu eɗue, ag guittak anam aotteb.

Sam 9:5

Na wanppanu wan anen anennu danab ah ag daulag batan, na nau hak danab hattai nauhppig. Ao, danab ah ag geha baula danab ah amu, ag ahilagnu ii dabmemana.

Prowerb 18:22

Danab nug ah aotte, nug en okkainab, wannu en laa oh eɗattak aotte; Yawe Nug nuhig daakkunu mette awom.

Prowerb 19:14

Lag, en laa ele amu, amuam anig mameg ele aulah keeke; amge danab wau, ah amu nug eheɗ bemanu dabmak awa dabmak amu dim lamittak ah daatte dayeb, Yawe Nug ah amu epeɗia, danab amu mettom.

Prowerb 22:23

Aɗinu? Yawe Nug daɗek ehanadkku; Nug danab ag daɗek eheɗ hadatteb ele, Nug ag eheɗ hadakku.

Prowerb 31:10

Danab nug ah laa diig enanag, nug wau daakkunu mattia anidkkunu am uug ele; men rubi am keeke enanag, daden nob okkainab ele, amge ah diig enanag nug amu eɗitta aut auta aotte.

Prowerb 31:30

Laa noolagppaib oo bodoette, enanag, maɗoɗ ele hak, amuam keeke genab iitta; iɗu tuqak ele am haen oh ii daama; amge ah aun nug Yawenu ebehi oh bodoetta le mette amu, nug binag aokkuoitte.

Solomonnu Ahi 8:8

Ig appinanig laa dimunigppa neum ele, nug huhukuɗ am digma ii qabatte. Ao, nug anam daatte, nug ahnab ii meum. Nug anam daatte amunu, laa nug nuhig ah daakkunu anak haen ameg maknu amu, ig appinanignu attem hekkunig?

Maika 7:9

Ig Yawe noobppa hipunin hemut amunu, ig nuhig bu mekkak aottem. Ig bu mekkak amu aopput ukkeb, Yawe Nug eɗua ehanikkebeb, haen amuppa iitta mekku. Iitta meeb, ig eɗut, ena daagnig. Ao, haen amuppa Nug heeb, ig eɗut amahlakppa daagnig. Haen amuppa amu ig eɗut, Yawe Nug genab tutukku daatte, anam ele hette amu, ig amu anidkkunig.

2 Korint 13:7

Ig Kayak Nug ag ehanatteb, ag kobol eheɗ laa ii hemananu unuqidttem. Ig danab laa ag ig ma anttakppa elele hettem anidkkulagnu amu, ig ahilagnu anam ii unuqidttem. Iitta. Danab ag ihinignu ena dooglagtai o iitta ena iitta dooglagtai, amuam keeke okkai iitta, amge ig ag Korint danab ag kobol tutukku hekkulagnu oonig daatte, aakkuib.

1 Tesalonaika 5:23

Kayak, Nug aakkuib am oo maɗoɗ diig, Nug nukkaib heeb, ag beɗulag dimittim, oolagppa ele oppiaawak daaglagnu ool daatte. Nugib ag ouɗilag, dottolag, amu beɗulag ele atognobob, ihinig Naɗi Jesus Kristus eɗua uɗikku haenppa ag oolagppa kaliak laa iitta ele daaglagnu, ig Kayak unuqidttem.

2 Timoti 4:18

Ao, Naɗi Nug laa dilag eheɗ hak ohppanu eɗua awiɗa, da nuhig hab aabppan ɗo maɗoɗppa daakkulnu Nug ena omaiɗa, appa gokku. Binag amahlak oppiaawak ele hanhan alet ele nuhigppa dayaɗ! Genab.

Ikki Danab 5:2

“Yawe binag meig! Israel dilag ikki danab ag danab ah ahilkad omaladna, ag ban hekkulagnu noolag aon goppig. Danab ag gamag ahak naɗi doonna, dim lamadna banppa goppig!

1 Samuel 24:15

Yawe Nug i oh ihinihnu nai doya mala, hettoɗia epeɗieb, da eheɗ laa ii hemi miag atikkunu ool daatte. Nug na eheɗ dahilppa heme bappaidkkunu ele ool daatte, amge da nahip-ppa eheɗ laa ii hepa.” Dawit nug Saul amegppa anam aum.

1 Samuel 25:26

Amu O naɗi, Yawe Nug nahip ib oo ne, na nakka, na eppenppa laa nob nau ii mettan qee mauhom amu, Yawe Nug genab bau daatte, na ele genab bau daattem, genab amubia Yawe Nug heeb, nahip kekeɗ laa oh ag eheɗ heidkkulagnu hetteb ele amu, ag Nabal, ⌊gemu laa dilag neekkakppa nauib daatte,⌋ ag anamib daaglagnu ool daatte.

1 Samuel 25:32

Abigel nug anam a amu, Dawit nug nob ma, amegppa inam aum. “Yawe, Nug am Israel dilag Kayak, gemu Nug na meitte uɗin, da uɗal teme amunu, ig Nug onig attan humagnig.

1 Samuel 25:34

Aɗinu? Yawe, Israel dilag Kayak, Nug he, da nahipnu eheɗ laa ii hemi amu, Nug genab bau daatte, genab amubia na paha uɗin, da uɗal ii telom amu, da Nabal, nug baekkudppan nid danab, nuhikkud maɗi nid, ag bekkalkad ele ohnab aqalom. Ao, gemu digmak ukkeb, wagɗeb butti buttua batak, da ag oh aqappi mauhlob.” Dawit nug anam aum.

1 Samuel 25:40

Dawit nug he, nuhikkud maɗi nid ag Karmel appa, Abigel toppa gona, nug noobppa wana appig. “Dawit nug ig na omaidta gopput, na nug wau daakkutnu meikke uɗimut.” Ag anam appig.

1 Samuel 26:10

Dawit nug anam awowa, nug baula tuɗitta aum. ⌊“I nug ii qepuɗ mauhma.⌋ Amu Yawe Nug genab bau daatte, genab amubia Yawe Nug geha nob nau Saul medakku. Ao, geha Saulnu haen maleb, nug mauhkku, o iitta geha nug ban heebeb, laa nug geha qeeb mauhkku,