1 Samuel 25:38 - Nobonob Baibel

³⁸ Nabal nug anam daye niie ukke, deɗ eblaih tanig ele anam dimppa Yawe he, nug mauhom.

1 Samuel 25:38 ပူးပေါင်းရင်းမြစ်များ

2 Samuel 6:7

Usa nug Kayak danab laa Tituanak Nainu Kunup aɗamanu ɗo meum, nug ɗo amu ii dim lamitta, eppeg bahia aɗom amunu, Yawe oo huana nauhom. Nug oo nauhom amunu, Nug he, Usa nug Kayaknu Tituanak Nainu Kunup daugppa appa mauhom.

2 King 15:5

Amu Yawe Nug he, gaɗa oɗe nau ele Usia qa, ii uuitte ukke, nug mauhom batak am anam dayom. Amunu Usia nug kingnu lag enanagnab amu uua, lag laappa ukka dayaya, nug king dayom, amge nug bekka Jotam nug kingnu uɗat amu haaha, king laug am wan ele gumeeme ukke, mameg Usia mauhom batak.

2 King 19:35

Yawe Nug anam aum dimppa, nuhig engel nug aha ukka he, Asiria dilag daup daappig ele, ag oolagppanu danab 185,000, ag mauhppig. Ag mauheg, wagɗe buttua laa ahan, danab gaɗalag amu huanaknab niiegeg anadppig.

2 Stori 10:15

King Rehoboam nug anam aum amunu, nug danab ah, ahilag oo hak, ag amunu nug amegppa appig amu, nug ahilag nai amu ii dabmeum; dim ii lamittom. Amu beumnu diig am, Kayak Nug nukka he, King Rehoboam nug danab ah appig amu oɗelag dim ii lamittom. Aɗinu? Yawe Nug Nebat bekka Jeroboam amegppa nai aum, nai amu heeb, meu bekkunu heum. Anukka Yawe Nug Silonu propet Ahaiya amegppa Jeroboamnu a, Ahaiya ukka Jeroboam amegppa aum.

2 Stori 13:20

Amu Abaiya nug Juda dilag king dayeye, Jeroboam nug eɗua, king ɠagattag ii dayom. Anam daye ukke, Yawe he, Jeroboam nug mauhom.

Sam 104:29

Haen na ii ehanadkkutnu dabmena, dimattai, ag eheɗ nau baɗatteb. Yo, na ag ouɗi ii mattai, ag mauhtteb. Ag mauhna, ag eɗun gappud metteb.

Sam 73:19

Ag oiyegeg, na hee, haen amuppa laippun, pahanab ag nena qena nauhtteb. Ao, na hee, uug nau be, ag baɗak eheɗ nau doon, iitta metteb.

Eksodas 12:29

Ag kobol amu heppig, aria tuqan tugmag Yawe Nug Isip dilag nid ⌊danab⌋ tatamnu aqe mauhppig. Nug Isip nid ⌊danab⌋ tatamnu oh, Isip dilag king Paronu, danab okkai dilag, danab hamu dilag, amu danab maniguittak nau gatatu ele daappigppa ele, Nug ahilkad nid ⌊danab⌋ tatamnu oh aqe mauhppig. Nug doɗ, makau, sipsip, meeme keeke, Nug amu nalkad ⌊dawai⌋ tatamnu ele aqe mauhppig.

Aposel 12:23

Ag anam aeg, Herot nug nai amu doya, Kayak binag ii meum amunu, Naɗinu engel laippun oɗe metta he, gawat beɗu qena laeg, aakku mauhom.

1 Samuel 25:33

Na doyak, dabmak ena ele meɗame, amu na he, da laa dahilppa eheɗ heum amu, da dakka nob metten, nug, nuhikkud ele ii aqai mauhppig. Na keeke aɗit amu aakku heme, am diig aɗit amunu Yawe Nug geha na itittak ena medakkunu ool daatte.

1 Samuel 25:37

Abigel nug Nabal amegppa nai ii mattiom ukke, wagɗe buttua Nabal nug eɗua dabmak awe, haen amuppa Abigel nug keeke beum amu, nug amu oh Nabal amegppa aum. Nug Nabal amegppa amu mattie, Nabal gamagppan uttu taub aakku nauha, uɗat ena ii he, amuppa Nabal nug aakku men laa bia dayom.

1 Samuel 26:10

Dawit nug anam awowa, nug baula tuɗitta aum. ⌊“I nug ii qepuɗ mauhma.⌋ Amu Yawe Nug genab bau daatte, genab amubia Yawe Nug geha nob nau Saul medakku. Ao, geha Saulnu haen maleb, nug mauhkku, o iitta geha nug ban heebeb, laa nug geha qeeb mauhkku,

1 Samuel 6:9

Ag amu heppeg, makau aɗit amu aa uɗatnu karis Yawenu Tituanak Nainu Kunup ele, aa uɗatnu karis amu eeɗya, Yawenu Tituanak Nainu Kunup Israel wanppa, aab Betsemes appa tutukku gokkulahnu Betsemes gukkuidya gokkulah dayeb amu, amuppa ag dooglag, Yawe Nug he, uug naunab imu oh ihinigppa beum. Amge makau aa uɗatnu karis, Yawenu Tituanak Nainu Kunup ele appa tutukku aoya ii gokkulah dayeb amu, amuppa ig doognig: uug ihinigppa beum ele amu, amuam Yawe eppegppanu iitta. Uug amu oh ihinigppa hamu beum doognig,” aon appig.