1 Samuel 25:36 - Nobonob Baibel

³⁶ Dawit nug anam a amu, Abigel nug eɗua laugppa ukkom. Amu Nabal nug nuhikkud maɗi nid ele ag daanna, hobul naɗi, king hobul hetteb, amubia heppig. Ag amu lanana, Nabal nug gamag huana ahe, nug le la, qe, spak meum. Nug anam dayom amunu, Abigel nug Nabal ele nai laa ii madipiɗ; daye ukke wagɗom.

1 Samuel 25:36 ပူးပေါင်းရင်းမြစ်များ

2 Samuel 13:23

Amu anam daye ukke, maɗ aɗit uue, Apsalom nug danab laa ag nuhikkud sipsip uɗilag otaɗkkulagnu onilagppa e, ag aab laa onig Balhasor, Epraim guguittak, ag appa sipsip uɗilag otaɗegeg, Apsalom nug king bekkod oh ag appa gona, oo gamag ahaknu hobul nug heeb anidkkulagnu aum.

2 Samuel 13:28

Dawit nug ag oh gokkulagnu aum amunu, Apsalom nug nuhikkud danab amelagppa haknunab nai inam aum. “Amnon nug wain nakok okkai lab, kaaka nakok qeeb, da ag amelagppa, ‘Ag Amnon qeig!’ appi amu, ag qeppeg mauhaɗ! Ag aib baɗappig. Aɗinu? Da ag inam hekkulagnu iite ai dooppig? Ag ɠagattag daan, ag oolagppa ɠagattag doyeg! Ag heig!” awa aum.

2 Samuel 3:20

danab 20 nug ele oh goppig. Gona Hebron teeg, Dawit anatta he, ag ee naɗi Apnernu, nuhikkud danab 20 dilagnu ele bappaidppig.

1 King 20:16

Ahap nug a, daup amu oh ag qagmeeg, aam anig, haen amuppa, Benhadat, amu king 32 laa ag Benhadat ehanidppig, ag ahilkad peh lag appa daanna, ag le ɠagattag lanana, ag spak mekkulagnu heegeg, Israel dilag daup amu ag ahan, Samaria uuna, Aram dilag daup ele ban hekkulagnu aab dimittim gonana, ban danab nid bau ag anuqna goppig. Amu Benhadat nug matu ib meitta, keeke laa antta, amunu nai eɗua uɗia mattiaknu danab laa ag gona, Israel dilag daup ag uɗippeg, ag uɗin appeg dookkunu maatte goppig amunu, Israel ag ahan uɗiegeg, danab amu ag amu anidna, ag eɗun, Benhadat amegppa, “Danab ag Samaria aabppanu uɗitteb,” aon appig.

Sam 112:5

Danab nug keeke nuhig laa madakkunu oo ii qe ehanadtte, nug men doɗo nuhig awa, lon ha laa madatte, nug aɗi keeke hette ele amu, nug nai doya mala, hettoɗia epeɗia, elele mettak kobol dabmaama hette ele amu, nuhignu am ena.

Prowerb 20:1

Wain huan lanak amu he, danab kaaka kobol heeg, danab laa ag eheɗ aon aon aqadtteb. Bia nug he, danab ag nug qetteb; aun aɗi ag le laeg, kaaka aqatte, eheɗ oitteb, ag danab doyak dabmak ena ele iitta.

Eklisiastis 10:19

Hobulppa amu, imak daatte; wain he, laa latte amu, nug nuhig dayaknu am enanag dootte, amge laa nug men doɗo ele, nug amu hekku.

Aisaia 28:3

Israel danab ag spak mena, Samaria onig attannab human, laa oh eɗattak anambia dootteb, amge kekeɗ ag uɗin eheɗ tappan oɗoɗppeg, nug nauha niia, padal mekku.

Aisaia 5:11

Amu danab ag le ɠagattag digdig lakkulagnu guittak doon, lakkulagnu buttuanab ahatteb amu, ahilagnu gadonnab gadon. Ge, laa ag tueb ukke tugmag mette ele, ag wain lanan, kaaka eheɗ aqadtte amu, ahilagnu gadonnab gadon.

Jeremaia 51:57

Amu Yawe Nug atte. “Da heppi, Babilonnu ehanittak anuqak danab, doyak dabmak ena ele danab, gawana, ban daup ikki danab, ban daup ele ag danab le ɠagattag huanak lawowa, niie ukke mauhtte, amubia Babilon danab amu ag mauhkkulag.” Yawe Nukka Ɠagattag Oh Ele, Nug king daatte, Nug anam awa atte.

Hosea 4:11

Israel danab ah, ag wain bau, alag ele laegeg, wain amu he, ag dahilad danab ah, ag diignu doyak tutukku iitta ele oitteb.

Nahum 1:10

Aɗinu? Ag danab muɗi qaun ele ooppa dayeye, qaun nug aɗatteb bia daaglag. Ao, ag ahilag wain labeppeg, kaaka aqakku. Ge, gikkiɗah qaɗaiettak huana eotte bia, Yawe Nug heeb, ag nauhna, padal mekkulag.

Matyu 10:16

Doyeg, da ag maatti, ag sipsip wulp oolagppa gotteb bia gotteb amunu, ag dabmak tutukkunab aona, keeke heig! Amu ele ag keeke oh qinonob henana, kobol nau laa hekkulagnu aib dabmeppig.

Luk 14:12

Aria, Jesus Nug ag amelagppa anam ana, Nug danab nug ele ee lakkulahnu onigppa eum ele, nug amegppa aum. “Amu haen na hobul hekkutnu oot daatte amu, na laipad, na awanad amapad, na buɗunad, nahip mudippan, ag enulag kuɗum ele amu, ag dimppa na ahilag hobulppa eɗun daakkutnu oninppa emananu, na amuppa nob ena eɗun aomnanu, na ag onilagppa aib eme.

Luk 21:34

Jesus Nug anam ana, Nug nai tuɗitta aum. “Keeke amu bekkun daatte amunu, ag daulag atieb, ag hanhan ee lanaknuib hik aqeb, le ɠagattag labeppeg, kaaka aqebeb, beɗu ena dayak amunu guattebeb hebeppeg, kobol amuib aha ag tonadmanu tutukku dabmeig! Kobol amu ag tonatteb, Naɗinu deɗ amu ag dab-ii-menana, pahaettak, doɗ pelemppa notte bia ag anadkku.

Rom 13:13

Amu ig danab nug amunppa tutukku kobolppa oitte bia oitu! Ig aib goɗak qiɗ nau heta, le ɠagattag nau ele aib laut, kaaka iqom. Ig aib gappai kobol heta, hipaɗu ahak kobol ele aib hemut. Ig aib nug aidtata, laa dilagnu, ihinigppa anam daalon dabmak aib aɗat daamut.

Epesus 5:14

Aɗinu? Amahlak am he, keeke oh miag atiak bena daatteb. Diig amunu nai imu Kayak naippa niitte. “Na niittem ele amu, na ahe! Na mauhakppanu eɗun hippaidppe, Kristus na amahlak medakku.”

Epesus 5:18

Danab nug wain lawowa kaaka qette amu, nug hipaɗu ahak kobol hette amunu, ag diig amunu wain lana, kaaka aib aqom. Iitta. Ag amu uuppeg, Kayak Ouɗi Nug ahilagppa ambak daya, ahilag oiyak oh gumaɗ!

1 Samuel 25:19

Abigel nug anam hewowa, nug nuhikkud maɗi nid amelagppa aum. “Ag donki diin anuqna gobepeg, da am geha ag dim lamatte gokkul.” Nug anam amelagppa aum, amge nug gamu Nabal amegppa amunu ii aum.

1 Samuel 25:37

Abigel nug Nabal amegppa nai ii mattiom ukke, wagɗe buttua Nabal nug eɗua dabmak awe, haen amuppa Abigel nug keeke beum amu, nug amu oh Nabal amegppa aum. Nug Nabal amegppa amu mattie, Nabal gamagppan uttu taub aakku nauha, uɗat ena ii he, amuppa Nabal nug aakku men laa bia dayom.