1 Samuel 25:27 - Nobonob Baibel

²⁷ Da, da am nahip maɗi ah amu, da keeke awe uɗimi imu, da na, dahil naɗi, da nahip daakkunu na hamu medakkulnu hettem. Na keeke amu, danab na dim lamidtteb ele, na ag eppelagppa mekkutnu ool daatte.

1 Samuel 25:27 ပူးပေါင်းရင်းမြစ်များ

Genesis 33:11

Da na keeke imu aokkutnu ool daatte. Aɗinu? Kayak Nug dahilnu oo bodoette enanag maɗoɗ ele ha, dahil keeke oh da meɗe, da elele daattem,” awa aum. Anam anana, nug wagai ma he, Esau nug keeke amu diiom.

2 Samuel 16:2

Siba nug keeke amu oh awa uɗia, Dawit uɗa te, amu Dawit nug oɗ mettom. “Imu oh am attemun?” awa oɗ mettom. Oɗ mette amu, Siba nug eɗua nob ma aum. “Donki aa king, baekkudppa ele ag ⌊haen anen anen⌋ attan tena oiglagnu, bret kunum, ad meu ele am nid bau ag lakkulagnu, amu wain am laa ag atu taɗakppa oippeg, beɗulag gai-iitta meeb, ehanittak aoglagnu daaglag amu, am amu dilag,” awa aum.

2 King 5:15

Anam beum, amu dimppa Naman nug nuhikkud huu ele ag eɗun, Kayaknu danab Elisa, nug gumidna gona, Naman nug Elisa noobppa hibaitta dayaya, nug inam amegppa aum. “Antte, genabnab genab, gemu da doottem, wan ohppa amu Kayak laa ii daatte. Iitta. Israel dilag Kayak Nugib Kayak daatte. Amunu gemu da, nahip maɗi nid, da keeke nahip daakkunu hamu na medakkulnu ool daye, medakkulnu oɗ medattem,” awa aum.

Prowerb 18:16

Am na danab okkai anidkkutnu gona, nug ena dookkunu na keeke nuhig daakkunu hamu mettaknu aon gokkut; keeke amuam heeb, na nug gumidna gokkut.

2 Korint 9:5

Amunu da lailad amelagppa appi, ag anuqna ag gumadna gokkulagnu am ena, da anam dabmemi. Ag gona heppeg, ehanittak keeke ag amu bappaidkkulagnu appig amu, da ii ukkak haenppa bappaidkkulag. Ag Korint ag anam bappaidkkulag dayeb, mettaknu am oo gamag ahak ele; am oo nauhak laa iitta.

Ikki Danab 4:10

Amu Barak nug Seblon, Naptali ele huuppan ban danab onilagppa e, 10,000 ag dona, ag nug dim lamitteg, ⌊qauko Taba⌋ goppig. Deborah nug ag ele oh goppig.

1 Samuel 25:42

Abigel nug anam anana, nug pahanab nuhig donki awa, attan ta dayaya, nuhikkud maɗi ah tanig ele amu oh gokkulagnu amelagppa a, ag oh Dawitnu danab uɗippig, ag amu ele oh goppig. Ag Dawit gumidna ukkaeg, Dawit nug Abigel nug nuhig ah daakkunu awom.

1 Samuel 30:26

Aria, Dawit nug nuhikkud danab ele ag eɗun, Siklak goppig. Ag gona appa daanna, amu Dawit nug keeke oh Amalek dilag awom am, laih otia, Juda dilag ikki danab, ag Dawitnu oolag dayom, ag nug ele nug layam daappig amu, nug ag matta, panie ukkom. Nug keeke pania, aoglagnu me ugekke, nai imu ele me ukkom. “Keeke imuam da ahilag daakkun hamu madattem; keeke imu da Yawenu kekeɗ eppelagppanu aomi.” Dawit nug keeke me ugekke, nai amu ele me ukkom.