1 Samuel 25:23 - Nobonob Baibel

²³ Dawit nug anam aawo amu, Abigel nug uɗia, gumitta doa, nug Dawit antta, nug paha donki attannu oola na, Dawit noobppa dayaya, nug gateg qaun o, gomela, iɗu wanppa meum.

1 Samuel 25:23 ပူးပေါင်းရင်းမြစ်များ

2 Samuel 1:2

deɗ ewamppa danab laa, nug Saulnu haen tutu dayaknu aab kalappigppanu uɗiom. Nug nuhig lamen pattiɗatte dayeye, gappud ele igippa ma dayom. Nug uɗia, Dawit toppa ta, binag mekkunu, laippun gateg qaun o, gomela, iɗu wanppa meum.

2 Samuel 14:4

Joap nug anam he, Tekoa ah amu nug aha, King Dawit toppa ta, nug king binag mekkunu nug laippun gateg qaun o, gomela, iɗu wanppa ma, nug aum. “O dahil naɗi, dahil king, na ehaniɗkkutnu ool daatte,” awa aum.

2 Samuel 18:28

Dawit anam a, Ahimas nug qaietta aabppa uɗiaya, nug king amegppa ewa aum. “Keeke oh ena daatte,” awa aum. Nug anam ana uɗia, king noobppa gateg qaun o, gomela, iɗu wanppa ma, nug aum. “Yawe, Nug am nahip Kayak, ig Nug binag metu! Nug he, danab ag na, na am dahil naɗi, dahil king, ag na eheɗ heidkkulagnu heppig ele amu, ig ag eɗadmut,” awa aum.

2 Samuel 9:6

Ag Jonatan bekka Mepiboset, Saul alag amu, ag nug omalna uɗieg, nug Dawit toppa ta, nug Dawit binag mekkunu Dawit noobppa dup noa, ikki wan yom. Nug anam he, Dawit nug oɗ metta, “Na Mepibosette?” awa oɗ mettom. Oɗ mette Mepiboset nug aum. “Ao, da Mepiboset, nahip maɗi nid,” awa aum.

1 Stori 21:21

Amu ag anam heeg, haen amuppa Dawit nug uɗia, Arauna gumitta te, Arauna nug neekke ukke, Dawit antta, nug ee aeg mumuɗaknu aben uua ukka, Dawit gumitta ukka, nug noobppa gateg qaun o, gomela, iɗu wanppa meum.

Josua 15:18

Aksa nug Otniel awowa, nug wan laa elenu mameg oɗ medakkunu oo heum amunu, nug mameg gumitta ukka, ahilag kobolppa mameg ena dookkunu nug nuhig donki attannu oola no, mameg Kalep oɗ mettom. “Da nahipnu aɗi hekkul?” awa aum.

Ikki Danab 1:14

Aksa nug Otniel awowa, nug wan laa elenu mameg oɗ medakkunu oo heum amunu, nug mameg gumitta ukka, ahilag kobolppa mameg ena dookkunu nug nuhig donki attannu oola no, Kalep nug nug oɗ mettom, “Da nahipnu aɗi hekkul?” awa aum.

Rut 2:10

Boas anam a amu, Rut nug gateg qaun o, gomela, iɗu wanppa ma, nug Boas amegppa inam aum. “Da am wan laihnu ah amunu, diig aɗippa na da ena aniɗna, dahilppa kobol ena hettem?” awa oɗ mettom.

1 Samuel 20:41

Am nid bau nug eɗua ugekke, Dawit nug men heqo laih yau uɗitteppanu aha uɗia, Jonatan gumitta do, gateg qaun o, gomela, iɗu wanppa me, haen ewam batom. Amu dimppa amu, aa nug ootuqidya gaapiɗ, amge Dawitnu gayak am Jonatannu gayak eɗittom.

1 Samuel 24:8

Saul nug wan oɗe ooppanu ba ukke, Dawit ele wan oɗe ooppanu dimittim ba, Saul dookkunu inam eum. “O Naɗi dahil, na king!” Nug anam e, Saul nug eɗua neekka, Dawit antte, Dawit nug gateg qaun o, gomela, iɗu wanppa meum.

1 Samuel 25:24

Abigel nug anam hewowa, Dawit baegppa dayaya, nug Dawit amegppa aum. “O naɗi, kobol nau beum daattenu diig am daib. O naɗi, da am nahip uɗat hak ah, da na amenppa nai madikkulnu oɗ medattem. Na ena appe amu, da na amenppa appi, geha na nai dahil dookkutnu ool daatte.

1 Samuel 25:41

Ag anam aeg, Abigel nug amu doya, nug gateg qaun o, gomela, iɗu wanppa ma, nug aum. “Antteg! Da am naɗi dahil Dawitnu maɗi ah dayeye, nuhig maɗi nid baelag ihak uɗat hekkulnu babaitte daattem,” awa aum.