1 Samuel 25:21 - Nobonob Baibel

²¹ Abigel nug aben amuppa gokkunu ugekke, haen amuppa Dawit nug aum. “Haen da danab umunu keeke atu taɗakppa gumami, nuhig keeke laa ii qettoɗom amu, haen amuppa da uɗat amu hamunab hemi. Da kobol ena nuhignu hemi, amge nug dahilnu kobol eheɗ heum.

1 Samuel 25:21 ပူးပေါင်းရင်းမြစ်များ

Genesis 44:4

Ag gona, aab okkai dimittim uma ii ukkaegeg, Josep nug nuhig lag gumak danab amegppa aum. “Na ahan, danab amu dim lamadna gona, haen na gukkuadna wana amu, ag amelagppa inam a! ‘Aɗinu ag nob enanu nob nau heppig?

Job 30:8

Ag danab dabmak ena iitta ele, ag onilkad laa iitta; danab laa ag lamatteg, ag laih gona daatteb.

Sam 35:12

Da keeke ena ena ahilagnu hemi, amge ag dahilppa kobol nau hetteb. Anam amu, da uug doottem.

Sam 37:8

Aib oo nauhak doome. Aib oppoɗi bak heppe ootppa beum. Aib ootppa hik nittak doome. Amuam heeg, danab ah ag nau hetteb.

Sam 38:20

Da genab, tutukku hekkulnu heinne oittem amunu, diig amunu danab ah laala ag kekeɗ meɗatteb. Da ahilagnu ena hettem, amge ag dahilnu nau hetteb.

Prowerb 17:13

Danab laa nug layagnu ena hekku, layag nug eɗua, ena hak amunu kobol eheɗ laa hekku dayeb; laa eheɗ heum amu, nug, nug baekkudppa ele, ag hanhan eheɗ aqadkku.

Jeremaia 18:20

Danab nug layag ehanitteb, layag nug eɗua, nuhigppa eheɗ hekku dayeb, amuam kobol ena iitta, amge danab kekeɗ meɗappig ag anam hetteb. ⌊Da ehanadkkulnu hemi,⌋ amge ag eɗun, danab doɗ aokkunu pelem bappaidtte, ag amubia dahilnu hetteb. Na imu eɗua dautppa dokkunu oɗ medattem. Da ehanadkkulnu heinne, da na noomppa dayeye, naippa ehanatten, na oppoɗin beeb, na ag bu ii madakkutnu oɗ mettami. Da amu hei, gemu ag nau imu hetteb

Rom 12:21

Aria na aib heppe, kobol eheɗ na eɗittom. Iitta! Na kobol ena henana, na kobol eɗitte!

Epesus 4:26

Ag oolag nauhkku dayeb amu, ag hipunin hemananu dabmeig! Ag oolag nauhkku dayeb, oo nauhak amu nug dayebeb ukkeb, aam aib noum. Aam ii noak haenppa ag oolag laippu meig!

Epesus 4:31

Ag laanu ninig doyak kobol, oppoɗi be ameg kokoɗ eppak kobol, oo nauhak kobol, muttub qak kobol, baeg qak kobol amu kobol laa oh ele oo aeg bak bia amu, ag amu ele uueg!

1 Tesalonaika 5:15

Danab ag ahilagppa kobol nau laa heppeg, ag amunu eɗun nob nau aibnab meppig. Ag haen oh kobol ena, lailkad amu danab laa ele ahilagppa hekkulagnu ɠagattag dayeg!

1 Pita 3:17

Amu Kayak Nug ig kobol ena hettemnu uug maognignu dabmaknab aotte dayeb am ena, amge ig kobol nau hettemnu uug maottem daakku dayeb amu, amuam kobol ena iitta.

1 Pita 3:9

Amu na layap nug nahip-ppa laa eheɗ heeb amu, na aib nob mena nuhigppa eheɗ heme. O iitta nug nai eheɗ laa nahipnu ab amu, na aib nob mena nai eheɗ nuhignu ame. Iitta. Na Kayak Nug itittak ena medakkunu unuqitte! Aɗinu? Ag itittak ena aoglagnu Kayak Nug ag anam hekkulagnu onilagppa eum.

1 Samuel 25:13

Ag Dawit amegppa amu mattieg doya, nug nuhikkud danab amelagppa aum. “⌊Ban hekkunignu babaittak dayaknu amu,⌋ ag qep elab ahilkad diin, imualagppa takkeg!” awa aum! Nug amelagppa anam a, ag oh ahilkad qep elab akkan, imualagppa takkeg, Dawit nug ele qep elab nuhig awa takkom. Nug takke, nuhikkud danab 400 keeke anam ag ahaeg, nug ele goppig. Danab 200 amu ag keeke guman daappig.

1 Samuel 25:15

Nabal nug ahilagnu eheɗ anam heum, amge haen ig aab dimittim dad okkaippa ag gukkuattak daamut amu, danab amu ag ihinigppa kobol enaib heppig. Ag ihinignu keeke eheɗ laa ii heppig, am haen amu oh ihinig keeke laa ele ii qettoɗom. Iitta!

1 Samuel 25:20

Abigel nug anam ha, nug donki laa attan ta, nug ukka ukka, aben qauko nakok aɗit ikkilah laih laih daatteppa teum. Gamalahppa am aben oolnu noak, amu Abigel nug heqo laihppa noa ukkom. Nug noa ukke, amu heqo laihppa Dawit, nug nuhikkud danab ele ag ele aben oolnu noak amuppa nokkulagnu noegeg, Abigel nug ag appa uɗalag teum.

1 Samuel 25:7

Amu Dawit nug nai imu ele apput dookkutnu aum. “Da gemu amu, da na sipsip uɗilag otaɗttemnu aeg doomi. Amu haen danab nahipad ag Karmel daanna, sipsip gumadppig amu, ag ig guguikkak daaegeg, ig ag eheɗ nakok laa ii hattamut. Iitta. Amu keeke ahilag laa ele ii qettoɗom.