1 Samuel 25:20 - Nobonob Baibel

²⁰ Abigel nug anam ha, nug donki laa attan ta, nug ukka ukka, aben qauko nakok aɗit ikkilah laih laih daatteppa teum. Gamalahppa am aben oolnu noak, amu Abigel nug heqo laihppa noa ukkom. Nug noa ukke, amu heqo laihppa Dawit, nug nuhikkud danab ele ag ele aben oolnu noak amuppa nokkulagnu noegeg, Abigel nug ag appa uɗalag teum.

1 Samuel 25:20 ပူးပေါင်းရင်းမြစ်များ

2 King 4:24

Aria, ah nug paha dayaknu keeke donki qaɗeppa ma qakka, attan ta, nug maɗi nid amegppa aum. “Haen i goɗaɗa amu, na heppe, donki nug paha paha ukkaɗ! Donki heppe, qinonob gokkunu ool dayeb amu, geha da na amenppa akkul,” awa aum.

1 Samuel 25:19

Abigel nug anam hewowa, nug nuhikkud maɗi nid amelagppa aum. “Ag donki diin anuqna gobepeg, da am geha ag dim lamatte gokkul.” Nug anam amelagppa aum, amge nug gamu Nabal amegppa amunu ii aum.

1 Samuel 25:21

Abigel nug aben amuppa gokkunu ugekke, haen amuppa Dawit nug aum. “Haen da danab umunu keeke atu taɗakppa gumami, nuhig keeke laa ii qettoɗom amu, haen amuppa da uɗat amu hamunab hemi. Da kobol ena nuhignu hemi, amge nug dahilnu kobol eheɗ heum.