1 Samuel 25:2 - Nobonob Baibel

^2-3 Aria, enub danab laa, nuhig en am okkainab ele, nug onig am Nabal. Nabal nug am Kalep huuppan danab, amu nug appag diig am atu onig Maon, appa. Nug wau onig amu Abigel. Abigel nug iɗu tuqak enanag; nug dabmak pahaettak ele, amge Nabal nug am danab oo nauhe oiyak ele. Nug laa guittak paha medakkunu ha oiyom. Nabal nug meeme 1,000 am sipsip 3,000 ele. Anam amu, nug nuhig wan maha laa aab Karmel guguittak dayom, amu haen laa nug appa sipsip uɗilag hoyak uɗat heum.

1 Samuel 25:2 ပူးပေါင်းရင်းမြစ်များ

Genesis 13:2

Haen amuppa nug enub kuɗumnab ele; nug doɗ kuɗum, silwa kuɗum, amu gol ele kuɗum.

Genesis 26:13

Aria, Aisak nug enub danab ba, deɗ laala ele keeke kuɗum ele awawa, nug danab enub okkainab ele ba,

Genesis 31:19

Amu Laban nug tatam sipsip uɗilag otaɗkkunu ukkom. Aria, haen amuppa Rahel nug mamegnu kayak hambuppuak dottolkad danab ag laulkadppa maatteg daatteb, nug nigul amu yab diiattom.

Genesis 32:14

meeme anig 200, meeme dawai 20, sipsip anig 200, sipsip dawai 20,

Genesis 38:13

Ukkaeheh, danab laa nug Tamar amegppa aum. “Na ahipan Juda, nug sipsip uɗilag otaɗadkkunu Timna gotte,” awa aum.

2 Samuel 19:32

Barsilai nug am danab kaino; maɗ nuhig 80. Nug enub danab amunu, King Dawit nug Mahanaim dayeye, nug ee keeke mettom.

Job 1:3

Nug baegppan nid am anam, amu Job nug ele en kuɗumnab ele. Nug sipsip 7,000, kamel 3,000, makau okkai ebehi ele 1,000, amu donki anig 500 ele. Nug doɗ amu oh ele, amu nug ele maɗi nid maɗi ah ele kuɗumnab ele. Danab digdig oh kaɗag uɗitteppanu daatteb ele amu, nug amu dilag laa oh eɗattom.

Job 42:12

Amu Job nug tatam dayeye, Yawe Nug ititte, keeke ele dayom; uug awom dimppa Kayak nug ititte, keeke ele dayom amu, itittak ena dimnu am itittak ena tatamnu eɗittak. Dimnu itittak enanu amu Job nug sipsip 14,000, kamel 6,000, makau okkai ebehi ele 2,000, donki anig 1,000 ele.

Sam 17:14

O Yawe, na da nau hak danab, ag da kekeɗal nau, da danab anam waalagppa daapanu ehaniɗkkutnu oɗ medattem. Ao, na danab ag wan imuppan keeke aakkuib aoglagnu hik aqadtte amu, da ag waalagppa daapanu ehaniɗkkutnu unuqidttem. ⌊Me, O Yawe,⌋ na laa na ahilagnu oo mauhak huanak doottem ele, na amu dilag ee ele madattem. Ao, ag bekkalkad ele am keekenu tutu mak ii daatteb, ag keeke kuɗum ele. Ag alalkad ele keeke elele aotteb.

Prowerb 30:22

Laa am maɗi nid laa nug king abenab awa, king bette, Laa am danab nug Kayak dab-ii-maama ii dim lamidtte ele, nug ee elelenab laum daatte,

Josua 15:55

Amu Josua, nuhig ehanittak ele ag aab laala ele Juda madappig. Aab amuam Maon, Karmel, Sip, Juta,

1 Samuel 15:12

Samuel nug tuqan amu oh anam ha, buttua nug aha, Saul mattia anidkkunu ukkom, amge laa nug nug amegppa aum. “Iitta. Saul nug Karmel ukkom. Ukka, appa amu nug men okkai laa, danab ah ag amu anidna, Saul dabmena, binag mekkulagnu qappe dayeye, nug eɗua Gilgal ukkom,” awa aum.

1 Samuel 23:24

Saul nug Sip danab anam amelagppa a, ag ahan, anuqna gona, Sip aabppa teppig. Saul nug geha dimppa gokku. Ag gona teppig, ⌊amge⌋ Dawit nug nuhikkud ele ⌊ag matu⌋ ahan, ag yau uɗitteppanu gonana, ag Jesimon eɗidna gona, atu taɗak onig Maon, ag appa daappig. Maon am atu taɗak onig Araba, amunu laih laa aakku.

1 Samuel 30:5

Amalek ag danab dilag ah amu oh aɗualadppig, amubia aakkuib ag Dawit wauuɗ aɗit, amu ele oh aɗalatppig. Ah laa am Ahinoam, nug am Jesril ah; ah laa am Abigel, nug am Karmel ted danab Nabal wau, amge Nabal mauhe, ah amu qab ma dayeye, Dawit nug awom.