1 Samuel 25:11 - Nobonob Baibel

¹¹ Amu da dahil bret, le, amu doɗ da baalag otaɗadmi ele, da ee amu danab sipsip uɗilag otaɗadtteb lakkulagnu bappaidmi amu, aɗinu da amu awen, da danab laih da ii doottem ele madakkul?” awa aum.

1 Samuel 25:11 ပူးပေါင်းရင်းမြစ်များ

Job 31:17

o iitta, da nid ag mamelkad mauhppig ele ee keeke, ii mattalomlob, da dakka, daib, da dahil ee lalomlob, ⌊da Kayak eppegppa eheɗ aolom am elele, am tutukku⌋.

2 Korint 6:9

Danab laala ag dooigtteb amge, “Ig ag ii doyadttem,” aon atteb. Ig am danab mauhkkunu hette bia, amge ig ii mauhttem, ig am bau daattem. Ig bu megatteb, amge bu nug ig iqe ii mauhttem.

Galesia 6:10

Amunu ig hanhan danab oh ehanadkkunignu ib anidta, ig ehanadtu! Amu ig Naɗinu ooppa genab doyak lainkad dilagppa kobol amubia hekkunignu dabmak aot autta aognig.

Duteronomi 8:17

Am ag inam akkulagtai. “Ig ikka ebehinigppa, ihinig ɠagattagppa ele ig enunig ele daattem,” aon akkulagtai.

1 Pita 4:9

Ag lailkad dilagnu nug ehanittak kobol naittuɗ mak iitta ele dim lamidna heig!

Ikki Danab 8:15

Gideon nug aakku Sukot ikki danab onilag awa, nug Sukot ukka, ikki danab amu amelagppa aum “Seba, Salmuna ele iikku. Haen tatam ig ippa uɗiut, ag da aon aon iun, imiɗnan appig. ‘Na Seba, Salmuna ele ii aɗualatme amunu, aɗinu ig na nahip ban danab maidadaɗna autna aoppig ele amu ee mattagnig?’ aon appig,” awa aum.

Ikki Danab 8:6

Gideon anam aum, amge Sukot dilag anuqak danab ag nob mena appig. “Na Seba, Salmuna ele ii aɗualatme amunu, aɗinu ig nahip ban danab ee mattagnig?” aon appig.

Ikki Danab 8:8

Gideon nug anam awowa, nug ukka, Peniel danab eenu oɗ mattom, amge Gideon nug nai nob anamib awom.

1 Samuel 24:13

Nai tutu meu ele anukkanu amu, na doottem. Nai amu inam atte. ‘Danab nau ag kobol nau hetteb.’ ⌊Doye! Da am danab nau iitta⌋ amunu, da kobol eheɗ laa nahipnu ii hepade!

1 Samuel 25:12

Nabal nug anam amelagppa a amu, Dawitnu danab ag eɗun, Dawit gumidna gona, ag Nabal nug nai oh mattiom ele nug amegppa appig.

1 Samuel 25:7

Amu Dawit nug nai imu ele apput dookkutnu aum. “Da gemu amu, da na sipsip uɗilag otaɗttemnu aeg doomi. Amu haen danab nahipad ag Karmel daanna, sipsip gumadppig amu, ag ig guguikkak daaegeg, ig ag eheɗ nakok laa ii hattamut. Iitta. Amu keeke ahilag laa ele ii qettoɗom.