1 Samuel 25:1 - Nobonob Baibel

¹ ⌊Saul nug Dawit uuitta, nug eɗua nuhig aben daatteppa ukkom. Nug ukka dayeye⌋ amu, Samuel mauhom. Nug mauhe, Israel huu oh ag uɗin, qagmena gaanna, Rama aabppa nug laug guguittak boumppig. Ag boumeg, amu dimppa Dawit, nug danab nug ele daatteb ele, ag ahan, Juda wan laih ⌊yau uɗitteppanu⌋ gona, atu taɗak laa onig Paran, appa daappig.

1 Samuel 25:1 ပူးပေါင်းရင်းမြစ်များ

Genesis 14:6

Hor danab ele, ag Seir wanppa laih qauko qauko eleppa daappig amu, ag ag ele eɗadna, aben laa onig Elparan, atu taɗak guguittak daatte amu, amuppa batappig.

Genesis 21:21

Nug atu taɗak onig Paran amuppa dayeye, nug anig Isip ah laa awa mettom.

Genesis 23:2

nug Kanan wanppa aab onig Kiriat Arba onig laa Hebron, nug appa mauhom. Mauhe amu, Abraham nug Sarah mahidkkunu ukkom.

Genesis 50:11

Ag Atatnu ee aeg mumuɗaknu aben appa huan mahiegeg, Kanan danab ag anadna amu, ag appig. “Isip danab ag oo doyakppa mahitteb,” amunu ag aben amu onig Abel Misraim ataɗppig. Abel Misraim am le Jodan guguittak dayom.

1 King 2:34

Solomon anam a amu, Jehoiada bekka Benaia nug nai amu doya, nug eɗua, Yawenu peh lakka ukka, nug Joap qe mauhom. Qe mauhe, ag Joap gaɗa aon, atu taɗakppa, Joap daatteppa gona, appa boumppig.

2 King 21:18

Manase nug mauhe, ag nug Usanu dad, kingnu lag enanagnab guguittak daatte amu, ag amuppa boumppig. Nug mauhe amu, nug bekka Amon nug abenabppa king ba dayom.

2 Stori 33:20

Amu Manase nug mauhe, ag nug king laug enanagnab nuhig guguittak boumppig. Ag nug boumeg, nug bekka Amon nug mameg abenabppa king ba dayom.

Sam 120:5

Dahilnu am gadonnab gadon. Aɗinu? Da danab ah oolagppa daattem amu, ag am Mesek danab ah bia. Ao, danab ah imu, da ag ele daattem amu, ag am Kedar danab ah bia.

Aisaia 14:18

King laa oh wan laala ohppan mauhppig, gaɗalag boumak aben enanagnabppa boumatteg niitteb. Mauhak gaɗalag anen anen amu ag ahilag aben piɗe piɗeppa maadppig niitteb.

Sekaraia 1:5

Amu Yawe Nukka Ɠagattag Oh Ele Nug atte. “Ag haen amuppa anam heppig, amge gemu amu, ag mamelkad aɗi, amu propet amu oh ele ag mauhna malappig, gemu laippu laa ii daatte,

Namba 10:12

Aria, lombig amu aha dayom amunu, Israel danab ah ag Sinai atu taɗakppanu ahan, aben abenppa gona oiyegeg ukke, Yawe Nug he, lombig atu taɗak onig Paran, appa eɗua na dayeye, ag appa daappig.

Namba 12:16

Miriam nug haen tutu dayaknu aab kalak amuppanu meeg, dimittim dayom ukke, ag eɗun aon doeg, Israel oh ele daappig dimppa, ag ahan, Haserot uuna gona, haen tutu dayaknu aab bau Paran atu taɗakppa, appa kalappig.

Namba 13:26

Lokkumakppa atu italak danab ag Moses, Aron, amu Israel laa oh ele, ag Kades daaegeg, ag eɗun gona anadppig. Kades amu Paran atu taɗak, appa dayom. Ag eɗun gona, amu ag aɗi keeke anidppig Moses, Aron, amu Israel laa oh ele amelagppa madippig. Ag ad meu keeke, wan amuppanu aoppig ele ippunadppig.

Namba 13:3

Yawe Nug anam haknunab aum amunu, Moses nug Paran atu taɗakppa, appanu danab amu maatte goppig. Danab amu oh ag Israel dilag ikki danab.

Namba 20:29

Haen aa qaukoppanu neya, Aron mauhomnu Israel danab ah amelagppa aeh, Israel danab ah oh ag deɗ 30, nug mahittak heppig.

Duteronomi 34:8

Israel danab ah ag deɗ 30 oh Moap atu uɗemppa, appa Moses mahidnana daappig. Ag ahilag kobol dim lamidna, nuhig mahittak heeg ukke, amu haen malakkunu te, ag malappig.

1 Samuel 1:19

Aria, Hana nug anam daye, wagkkaɗe buttuanab ag ahan, Yawe noobppa dup nona binag mewona, ag eɗun, Rama goppig. Rama am ag appalag diig aakku. Ag gona daanna, Elkana nug Hana ele oieheh, Yawe Nug Hananu dabmaama he, Hana nug oo ele dayom. Nug oo ele daye ukke, nuhig haen uɗie, nug nid danab menuom. Nug menua, nug “Da Yawe nid imunu oɗ mettami,” awa aum amunu, nug onig Samuel ataɗom.

1 Samuel 28:3

Haen matu Samuel mauhe, Israel ag nuhignu qanana, appag diigppa Rama boumppig. ⌊Amge haen Samuel ii mauhom dayeye,⌋ Saul nug he, mauhak ele gamag danab, amu mauhak ele mattiak danab ag Israel wanppa ii daappig.

1 Samuel 7:17

Nug oiyak amu oh ha mala amu, nug hanhan eɗua, Rama ukka dayom. Aɗinu? Am nug appag diig, nug laug aguppa dayom. Appa ele amu, nug Israel danab ah epeɗiattom. Amu Rama appa Samuel nug Yawenu qaɗab ele qeum.