1 Samuel 24:9 - Nobonob Baibel

⁹ Dawit nug anam hewowa, nug Saul amegppa inam aum. “Danab ah laala ag da nahipnu eheɗ hekkulnu hettemnu maditteb amu, aɗinu na amu doon, amunu dabmettem? Na amu aib dabmettame!

1 Samuel 24:9 ပူးပေါင်းရင်းမြစ်များ

Sam 101:5

⌊Da am king⌋. Da heppi, aun laa nug nai nau nuhig mudippan layag onig heeb nauhkkunu atte amu, nug baula ii hema. Da laa ag dada hena laa eɗittaknu dabmak aotteb, ag dada kobol laala ele hetteb amu, da hadappi, ag kobol amu tuɗidna ii hemana.

Sam 141:6

Anam amunu, ⌊laa ag⌋ nau hak danab dilag ikki danab buɗialadppeg, baippa noppeg amu, nau hak danab ag dahil nai dooglag. Aɗinu? Dahil nai am nai ena.

Prowerb 16:28

Danab eheɗ haknu nug tiigppa daatte, nug he, danab laa oolagppa nug qak ahatte; danab nug laanu dimug nai mattiaya oitte, nug laa ag layam ena daan oitteb amu he, ahilagppa uug be, layam ena pagutteb.

Prowerb 17:4

Nau hak danab nug nai mattiak eheɗ dookkunu hette. Ao, hambuppuak danab nug laa heeb nauhkkunu nai dookkunu daug huma daatte.

Prowerb 18:8

Laa dilag dimug nai mattiaknu amu, danab ag nai amunu eenu miti enanag bia dootteb; ag enanag doon, toppua ukkaeg, oolag unuqagnab noeg, ⌊nauhak bette⌋.

Prowerb 25:23

Gu haenppa gu genab nettebia; laa nug layagnu nai nau maditte amu, layag nug genab oo nauhtte.

Prowerb 26:28

Danab nug laa dilagnu hambuppak nai mattiaya, guittak madatte amu, nug amu dilag nau ninig ele dootte; amu laa nug laanu oo eeɗaknu ittag nai maditte amu, laa amu nug nai amunu ena doya aotte dayeb, nug padal mette.

Prowerb 29:12

Gumak danab laa nug hambuppuak danab dilag nai dootte dayeb amu, nuhig ehanittak anuqak danab oh ele ag aakku nau hak danab bena daaglag.

Jeremaia 37:18

Jeremaia nug anam awowa, nug King Sedekaia amegppa tuɗitta aum. “⌊O king,⌋ da aɗi kobol eheɗ laa nahipnu, o nahipad ehanittak anuqak dilagppa, o Juda danab ah dilagppa hemi amunu, na hee, da maniguittakppa daattem?

Lewitikas 19:16

Laa baeg aib qeme. Na keeke laa heppe, diig amunu na layap nug mauhkkutai amu, na amu aib heme. Da am Yawe.

Jems 3:6

Amu ig lemaɗunig nug am aab aɗu bia. Nug beɗunig laih laala oh gamagppa Satan eppeg bia daatte. Danab lemaɗu nug danab beɗu oh dubuttid medatte, amu nug danab beɗuppa kobol aab gakkaɗak bia hette amunu, oiyak oh nuhig am ena ii bette. Danab lemaɗu, ⌊nug anam hette ele amu,⌋ nuhig diig am Satan.

1 Samuel 20:1

Amu be dimppa amu, Dawit nug aab onig Naiot, Rama guguittak dayom amu, nug aab amu uua, nug Jonatan anidkkunu ukkom. Nug ukka, Jonatan gumitta ta, nug Jonatan oɗ mettom. “Da kobol nau aɗi hemi? Da ɗo aɗi tippalmi? Da keeke nau aɗi hemi amunu, na mamen nug amuppa guittak doyaya, gemu nug da iweb mauhkkulnu hette?” awa aum.

1 Samuel 20:41

Am nid bau nug eɗua ugekke, Dawit nug men heqo laih yau uɗitteppanu aha uɗia, Jonatan gumitta do, gateg qaun o, gomela, iɗu wanppa me, haen ewam batom. Amu dimppa amu, aa nug ootuqidya gaapiɗ, amge Dawitnu gayak am Jonatannu gayak eɗittom.

1 Samuel 24:10

Gemu, geha iikku na wan oɗeppa dayeye, Yawe Nug na da eppelppa meum amu, na gemu na amenppanab keeke amu aakku anidttem. Laa ag da na nidappi mauhkkutnu appig, amge da uumi. Da uumi amunu, na ii mauhme. Da anam heinne amu, da inam ami. ‘Yawe Nug dahil naɗi nug king daakkunu goɗen gokkaɗakppa tituanom amunu, da nug heppi nauhkkunu, da keeke eheɗ laa da eppelppa ii hepa. Iittanab!’ Da anam ami.

1 Samuel 24:8

Saul nug wan oɗe ooppanu ba ukke, Dawit ele wan oɗe ooppanu dimittim ba, Saul dookkunu inam eum. “O Naɗi dahil, na king!” Nug anam e, Saul nug eɗua neekka, Dawit antte, Dawit nug gateg qaun o, gomela, iɗu wanppa meum.

1 Samuel 26:18

Dawit nug anam awowa, nug tuɗitta aum. “Na am naɗi dahil, da am maɗi nid nahip, amu da na tutukku appe dookkulnu oɗ medattem. Na diig aɗinu da aɗailkkutnu lamiɗttem? Da eheɗ aɗi laa hein, da ɗo aakku tippalmi?

1 Samuel 26:19

O naɗi dahil, na am king daattem, da am nahip maɗi nid, na dahil nai dookkutnu ool daatte. Amu Yawe Nug he, na ahan, da aɗailkkutnu lamiɗttem dayeb amu, da doɗ laa mane, Nug medappi, Nug dahilnu oo ena daakkunu ool daatte. O iitta, danab laala ag heeg, na ahan aɗailkkutnu oittem dayeb amu, am geha ag Yawe noobppa eheɗ laa awaknu anak waappa daaglagnu ool daatte. Aɗinu? Ag kobol hetteb, kobol amuppa ag da lamiɗna, da inam oiyeye, da Yawenu mettid haknu peh lag appa ukken, Nug noobppa dup noin binag mekkulnu elele iitta. Kobol ahilag amuppa amu, ag aakku da amelppa, ‘Na gona, kayak laa binag me!’ atteb bia hetteb.