1 Samuel 24:3 - Nobonob Baibel

³ Saul nug nuhikkud danab ele ag gona, ag aben laappa teppig. Aben amuppa ib daatte amu, ib amu heqo laih sipsip dilag aɗ daaegeg, amu aben amu guguittak, appa amu wan oɗe laa ele dayom. Amu Saul aɗi ag gona, appa tena, Saul nug biikkunu wan oɗe amuppa noum, amge Dawit nug nuhikkud huu ele ag wan oɗe amuppa, uma noa ukkak, ag appa ag lokkumna autna aon daappig.

1 Samuel 24:3 ပူးပေါင်းရင်းမြစ်များ

Sam 141:6

Anam amunu, ⌊laa ag⌋ nau hak danab dilag ikki danab buɗialadppeg, baippa noppeg amu, nau hak danab ag dahil nai dooglag. Aɗinu? Dahil nai am nai ena.

Ikki Danab 3:24

Ehud nug ukke amu, kingnu maɗi nid ag eɗun gona tena, od lag attannu amu manattak daaegeg anidppig. Anidna, ag appig. “King nug lag ooppa, oo unuqagppa, nug hippuɗttetai,” aon appig,

1 Samuel 13:2

Saul nug Israel danab 3,000, ag nuhig daupnab daaglagnu tituanattom. Nug anam tituanatta, nug he, danab 2,000 ag nug ele aab onig Mikmas appa, amu laih qauko qauko ele, aab onig Betel taliliak, danab 2,000 ag nug ele aben aɗit amuppa daaglagnu aum. Aria, 1,000 laa amu, ag nug bekka Jonatan ele Benyamin wanppa aab onig Gibea, ag appa daaglagnu aum. Saul nug anam awowa, nug danab laa oh ag eɗun, lakka gona daaglagnu a, ag eɗun goppig.

1 Samuel 26:2

Ag Saul amegppa anam aeg, aakku Saul nug ban danab 3,000, ban danab ameg amu ag am Israel ban danab oolagppanu enaib amu, Saul nug ban danab amu diie, nug ag ele atu taɗak onig Sip, appa Dawit mattiglagnu goppig.

1 Samuel 26:3

Saul nug nuhikkud danab ele ag nena gona, qauko nakok Hakila appa, Saul nug ib Hakila tette, amu daugppa haen tutu dayaknu aab nuhig kalom. Hakila am laih Jesimonnu yau uɗitteppanu daatte. Saul nug nuhikkud danab ele ag uɗin, haen tutu dayaknu aab kalaeg, Dawit nug nuhikkud danab ele ag atu taɗakppa daanna, amu Dawit Saul uɗiom doya,