1 Samuel 24:17 - Nobonob Baibel

¹⁷ Nug gayaya aum. “Na amu, na am genab tutukku hak danab, da eɗilak. Aɗinu? Da nahipnu eheɗ hemi, amge na am dahilnu ena heme.

1 Samuel 24:17 ပူးပေါင်းရင်းမြစ်များ

Genesis 38:26

Nug keeke amu me ukke, Juda nug genab nuhig keeke antta, nug aum. “Da eheɗ okkai hemi. Ah imu nug eheɗ okkai anambia ii heum. Da nid danab dahil Sela, aa ewau matulak aoglahnu ii mettami,” awa aum. Anam a amu, nug ah amu ele baula ii oipiɗ.

Sam 37:6

Aam amahlak enanag be, danab ah anidtteb, amubia Nug geha heeb, laa oh ag nahipnu, nug am genab tutukku hak danab anidkkulag. Yo, aam anig amahlak okkainab daye, danab ah anidtteb, amubia Nug heeb, danab ah ag na, na am nai doya mala hettoɗia epeɗia elele mettak kobol dim lamidna hettem dooglag.

Eksodas 9:27

Ais anam neene, Paro nug Moses, Aron ele, aa gumidya gokkulahnu nai me ukke, aa gumidya ukkaeh, Paro nug aa amelahppa inam aum. “Da nai tappai ne, hipunin hemi. Yawe Nug am kobol tutukku hette, amge da, dahilad danab ah ele amu, ig eheɗ hettem.

Matyu 27:4

nug aum. “Da hipunin hemi. Da danab nug eheɗ laa ii heum amu da hamu kekeɗ eppelagppa mauhkkunu memi,” awa aum. Anam awa a doona ag appig. “Amu ihinig keeke iitta. Am nahip keeke,” aon appig.

Matyu 5:44

Amge da ag amelagppa attem. Ag ahilkad kekeɗnu ag oolag mauhaɗ! Amu aun laala ag ahilagppa eheɗ hadatteb amu, ag Kayak ahilagnu unuqitteg!

1 Samuel 26:17

Dawit nug anam awa e, Saul nug Dawit baag doya, nug ewa inam aum. “Dawit, na da bekkal, baag laa doomi amu, amuam na baatte?” Nug anam a amu, Dawit nug nob ma aum. “O naɗi dahil, na am king, ao, da aakku,” awa eum.

1 Samuel 26:21

Dawit nug anam a, Saul nug aum. “Da hipunin hemi. O Dawit, na da bekkal, da baula eɗue nahip-ppa eheɗ ii hepa amunu, na eɗun uɗippe, da ele daagnihnu oɗ medattem. Aɗinu? Gemu na dahil bau dayak am keeke okkai dabmeme. Genab, da Kayak ii dabmein, ii dim lamidttitti, kobol dahil am elele iittanab iitta.” Nug anam aum.