1 Samuel 24:14 - Nobonob Baibel

¹⁴ Na am Israel dilag king, na danab ɠagattag laa ele ban hekkulahnu uɗimete? O na danab laa ebehi ele lamidkkutnu uɗimete? Iitta! Da am qai laa mauhom amubia. Da am keeke hamu laa, mi bia daattem.

1 Samuel 24:14 ပူးပေါင်းရင်းမြစ်များ

2 Samuel 16:9

Simei nug anam ana e ukke ukke, Seruia bekka Abisai nug King Dawit amegppa aum. “Dahil okkai, dahil king, danab amu nug danab ena iitta, qai mauhak bia daatte, am aɗinu ig nug uupput, nug na eheɗ laa awaknu anak waappa daakkutnu nai unam atte? Na appe, da wain, duug oppi, beɗu laih ukkebeb, ikki am laih gokku,” awa aum.

2 Samuel 3:8

Isboset nug anam a amu, Apner nug oo huana nauhe, nug aum. “Da am qaitai? Da Juda ehanadkkulnu hettemtai? Da hanhan na mamen Saul baekkudppa, laikkud ele, da ahilagib dabmein oo metta ii uuak kobol dim lamidttem. Da na Dawit eppegppa mekkulnu elele, amge da ii hemi. Da amu hekkulnu elele dayeye ii hemi, amge gemu na da ah imu ele eheɗ hemuɗnu naippa yaaiɗna, da eheɗ heminu attem.

2 Samuel 6:20

Dawit nug anam hewowa, haen nug nug baekkudppan ele itittak ena madakkunu ukke amu, Saul aɗeg Mikal nug dimittim uɗia, uɗa ta, amegppa aum. “Na king, na nakka na gemu onin memede! Na danab kaaka, dabmak iitta ele nug lamen iitta oitte, na anam bia hee, nahipad ehanittak ah dilag begbeg maɗi ah, ag na anam anidppig,” awa aum.

2 Samuel 9:8

Dawit nug anam a, Mepiboset nug doya, nug dup noa, ikki wan ye, nug aum. “Da, nahip maɗi nid, da am aun, amu na ena anam heiɗkkutnu hettem? Da am qai mauhom bia aakkuib daattem,” awa aum.

1 King 21:7

Ahap nug Jesebel amegppa anam a amu, nug Ahap amegppa aum. “Aun nug Israel wannu king daatte? Nate o iitta danab laatai? Ahan, ee lanan, gaman ahaɗ! Da geha Jesril ted Nabotnu grep dad amu awe, na medakkul,” awa aum.

Hosea 10:13

Ag ahilag ban danab ag ahilag ɠagattagppa heppeg, ag ena daaglagnu dabmeppig. Ge, ag ahilkad ban danab ebqak okkai ele dilagppa ehanittak aoglagnu dabmeppig. Anam amunu, ag danab nug ee aeg nau eppa, meu eheɗ aotte, ag amubia daatteb. Ge, diig amunu ag nai hambuppuak, ag amunu genab doon, ag eheɗ aoppig daatteb.

1 Samuel 17:43

Nug anam dabmeum amunu, nug Dawit amegppa aum. “Da am qai laate amunu, na ad amuppa da oiɗkkutnu uɗime?” awa aum. Nug anam awowa, nug nuhig kayak hambuppuak onilagppa Dawit nug eheɗ laa awaknu anak waappa daakkunu aum.

1 Samuel 26:20

Amu da wan laappa mauhe, Yawenu wanppa ii mauhkkul dayeb amu, amuam nau, ena iitta amunu, na heppe, da mauhpanu oɗ medattem. Aɗinu? Na am Israel dilag king, da am danab hamu. Na da iuppe mauhkkul, amuam da am mi laa danab aoɗom bia; o danab laa qaukoppa mala qe mauhom bia,” awa aum.