1 Samuel 24:11 - Nobonob Baibel

¹¹ O mama, antte! Gemu geha iikku da nahip lamen elab amu nob nakok otaɗe aomi iikku, amge da na ii nittai mauhme. Am na amu anidna, dabmena, geha na diig amuppa na oot maitteb dookkut; da na nidappi ii mauhmana! Iittanab! Laa amu, da nahip nai tabappi nekkunu, o nahip aben aokkulnu ii hettem. Da nahip-ppa keeke eheɗ laa ii hettem, amge na am da iuppe mauhkkulnu banel oittem.

1 Samuel 24:11 ပူးပေါင်းရင်းမြစ်များ

2 Samuel 1:14

Nug anam a amu, Dawit nug nug oɗ mettom. “Yawe Nug Saul king daakkunu goɗen gokkaɗakppa tituanom, amu na attem hena, na nug qekkutnu ii baɗame?” awa aum.

2 King 5:13

Ukkom, amge Namannu maɗi nid ag gumidna doeg, nai mattin, ag nug amegppa appig. “O ihinig danab okkai, propet amu nug na keeke laa uɗat okkai ele hekkutnu amenppa alo amu, ig doottem, na helom. Amge nug na keeke anam haknu laa ii mattiom. Iitta! Nug na amenppa tutukku le laappe, nahip oɗe amu iitta mekkunu aum. Amunu na nuhig nai, ‘Na le laan, ena bekkut amu, na amu dim lamidkkut amu enaib,’ ” aon appig.

Job 10:16

Da uɗa nak iitta ele doye oittem dayeb amu, na laion doɗ laa qeeb mauhkkunu meitta daatte bia dahilnu hettem; na nahip ɠagattag okkainab amuppa hee, da guittak okkainab aottem.

Sam 119:161

Ikki danab ag diig iittappa eheɗ heiɗtteb ⌊amge amuam keeke okkai iitta⌋. Da ebehil oh nahip nainu bodoetta le mette ⌊amuam keeke okkai.⌋

Sam 140:11

Na heppe, danab ag laa onig nauhkkunu nai nau maditteb amu, ag ihinig wanppa ii daamnanu oɗ medattem. Na heppe, uug naunab, danab ag laa guittak nau mauhnoak madatteb ele, am ag qaɗelagppa nekkunu unuqidttem.

Sam 35:7

Da ahilagppa eheɗ laa ii hemi, amge ag pelem laa dahil meppig. Yo, da ahilagppa eheɗ laa ii hemi, amge ag moɗ laa, da amuppa nokkulnu buuppig amunu,

Sam 59:3

Aɗinu? O Yawe, antte! Danab ag da niɗaglagnu meiɗna hetteb. Danab ag lailkad aqaglagnu tiilagppa daatte ele amu, da ahilagnu hipunin laa, o eheɗ laa ii hemi, amge ag attem hena, da niɗaglagnu maittak aotteb.

Sam 7:5

Am da anam hemi dayeb amu, na heppe, dahil kekeɗ ag da aɗaileg! Ao, na heppe, ag da wanppa tappoɗilppeg mauhei! Sila.

Prowerb 15:1

Laa nug laanu oppoɗi bak doyaya, nai ɠagattag amegppa ab, layag nug eɗua awa, nai bodoettak metteb amu, oppoɗi bak amuam iitta mekku; amge layag nug nai ɠagattag eɗua nob ma mattieb amu, laa nug oo huana nauhkku.

Gayak Nai 4:18

Kekeɗ ag meigna daan aut aotna aoegeg; ig lag dimittim, aabnu ibppa oignignu elele iitta daamut. Ihinig haen aakku iitta meum. Ig eɗut, ena daagnignu ib laa ii dayom; amunu diig am, ihinig gog tak aakku uɗia dayom.

Esekiel 13:18

na inam appe doyeg! Naɗi Yawe Nug inam atte. ‘Ag ah ag amu hena, ag baɗ mak kobol digdigppa danab ah laa, danab nug kakai uhuippa aotte, ag amubia danab ah laa diiglagnu hetteb amu, ahilagnu gadonnab gadon. Ag amu hebeppeg, danab ah kuɗum mauhkkulag, amge ag ah eheɗ hetteb ele, ag kobol amuppa bau ena daaglagte? Iitta!

Maika 7:2

⌊Da amubia doottemnu diig am,⌋ laa ag heeg, genab tutukku hak danab ag wan imuppa laa iinab daatte. Ge, genab tutukku hak danab laippu laa wan imuppa ii daatte. Danab oh ag lailkad aqappeg mauhkkulagnu ib mattin oitteb. Ao, ag danab nug ai uhuippa awa aqakkunu hette, ag amubia ag lailkad duulag okkulagnu hetteb.

Jon 15:25

Am ahilag ɗoppa yaak niitte amu elele medatte. Nai amu inam. ‘Ag dahilnu diig iittappa nau ninig ele dooppig.’

1 Samuel 12:3

Amu gemu da ag noolagppa dayeye, ag amelagppa imu attem. Da ahilagnu eheɗ laa hemi dayeb amu, ag geha Yawe noobppa, king Yawe nug goɗen gokkaɗakppa tituanom, nug noobppa ele, ag geha appeg doyei! Da danab laanu makau, o donki yabbia aomite? O iitta, da hambuppuak kobolppa danab laanu keeke aomite? O iitta, da ag gumadmi, amuppa da ɠagattag dahilppa danab laa hei nauhomte? O iitta, epeɗiakppa da danab laa eppegppanu lokkumakppa eheɗ haknu ehanittak aomite? Da keeke amubia laa hemi dayeb amu, ag appeg doyen, da bappaidkkul,” awa aum.

1 Samuel 18:27

Dawit nug ban danab ameg nuhig, nug gumadtte ele, nug a, ag Dawit ele gona, Pilistia ban danab 200 aqaeg mauhppig. Aqaeg mauheg, aria Dawit nug hipalag gaɗa otaɗa akka uɗia, King Saul tana daakkunu, nug amu oh nug mettom. Nug anam he amu, Saul nug aum bia, nug aɗeg Mikal Dawit mette, nug Dawit wau dayom.

1 Samuel 23:14

Amu Dawit nug nuhikkud danab ele ag atu taɗakppa oinna, ban haknu aben ɠagattag laalappa daana, atu taɗak onig Sip, qauko qauko daattebppa ele daappig. Ag anam oiyegeg amu, Saul nug haen oh Dawit mattia, dim lamitta oiyom, amge Kayak Nug Dawit ii paɗe, Saul eppegppa ukkom.

1 Samuel 23:23

Amu ag gona, nug lokkumtte, aben amu oh italna anidna, eɗun uɗin, amelppa aig! Appeg, da nug genab appa daatte doye amu, da geha ag ele gota, da geha nug antte aɗakkul. Genab, nug Juda wanppa daatte dayeb amu, da nug aɗakkulnu, da Juda danab ohppa da nug mattie mattie antten aɗakkul,” awa aum.

1 Samuel 25:28

O naɗi, da, da nahip maɗi ah amu, da na dahil eheɗ hak uhuqna meɗakkutnu oɗ medattem. Aɗinu? Na, na am dahil naɗi, na hanhan ukke, Yawe Nug oo hette amubia na gona, Yawenu kekeɗ ele ban hena aqadttem amunu, Yawe Nug geha heeb, na, na buɗunad oolagppanu laala ele ag ahilag haen anen anenppa ag geha king daaglagnu ɠagattag tuqa ii awak bia aɗaglag. Anam bekku amunu, gemu haen na daattem imuppa, laa nug nai genab geha ana, ‘Dawit nug eheɗ heum,’ akkunu elele daakkunu da ool ii daatte.

1 Samuel 26:18

Dawit nug anam awowa, nug tuɗitta aum. “Na am naɗi dahil, da am maɗi nid nahip, amu da na tutukku appe dookkulnu oɗ medattem. Na diig aɗinu da aɗailkkutnu lamiɗttem? Da eheɗ aɗi laa hein, da ɗo aakku tippalmi?

1 Samuel 26:20

Amu da wan laappa mauhe, Yawenu wanppa ii mauhkkul dayeb amu, amuam nau, ena iitta amunu, na heppe, da mauhpanu oɗ medattem. Aɗinu? Na am Israel dilag king, da am danab hamu. Na da iuppe mauhkkul, amuam da am mi laa danab aoɗom bia; o danab laa qaukoppa mala qe mauhom bia,” awa aum.

1 Samuel 26:23

Yawe Nug nob ena danab nug kobol genab tutukku dim lamitta, oo metta ii uuak kobol ele dim lamidtte amu medatte. Gemu Yawe Nug na da eppelppa meittom, amge da na, Yawe Nug na king daakkutnu goɗen gokkaɗakppa tituanittom ele amu, da na eheɗ heidkkulnu uumi.