1 Samuel 24:1 - Nobonob Baibel

¹ Saul nug Pilistia ele ban ha lamattowa, nug eɗua uɗie, danab ah laala ag nug amegppa inam appig. “Dawit nug atu taɗak onig Engedi, appa daatte.” Ag anam appig.

1 Samuel 24:1 ပူးပေါင်းရင်းမြစ်များ

Prowerb 25:5

Na heppe, nau hak danab ag king uuidna, laih daappeg amu; nug genab tutukku hak kobol haaha, nuhig king daakkunu ehah am nug eppegppa ɠagattag daakku.

Prowerb 29:12

Gumak danab laa nug hambuppuak danab dilag nai dootte dayeb amu, nuhig ehanittak anuqak danab oh ele ag aakku nau hak danab bena daaglag.

Esekiel 22:9

Jerusalem danab ah, ag oolagppan laa ag doonna hambuppun, laa eheɗ ii heppignu, “Ag eheɗ anam heppig,” anana, ag danab eheɗ ii heppig amu aqaeg mauhtteb. Ag oolagppan laa ag qaukoppan kayak hambuppuak dilag mettid lag nakokppa ee lanan, ag gappai heeb baknu kobol ele hetteb.

Esekiel 47:10

Kakai eeɗak danab ag Mauhak Le ihippa daanna, kakai eeɗkkulag. Aria, aben onig Engedi ukka, aben laa onig Eneklaim batak danab ag uhuippa kakai aotteb ag aben amu ohppa ag ahilag uhui ⌊qaɗaiettaglagnu, ag bapaidkkulagnu ele⌋ le ihippa otalkkulag. Mauhak Leppa kakai digdig kuɗum, Mediterenia appa daatteb, amubia daaglag.

Hosea 7:3

Am danab ah ag ahilag kobol nau heegeg, king nug amunu enanagnab dootte; anuqak danab ag ele danab ah dilag hambuppuaknu enanagnab dootteb.

Josua 15:62

Nibsan, aab okkai onig, “Yunu Aab,” amu Engedi ele. Aab amu oh am eblaih laippu ele. Aab amu taliliattak aab naunau daappig amu, ag amu ele madappig.

1 Samuel 23:19

Aria, Sip aabppanu danab ah laala ag ahan, Gibea gona, Saul gumidna wana, inam amegppa appig. “Dawit nug ig oonigppa ban haknu aben ɠagattag laala Hores appa guguittak daatteb ele amu, nug appa daatte. Hores am qauko nakok onig Hakila, appa ana daatte. Hakila am Jesimonnu yau uɗitteppanu daatte.