1 Samuel 23:27 - Nobonob Baibel

²⁷ aria haen amuppanab am nai awa ukkak danab laa ukka, Saul toppa ta, amegppa aum. “Pilistia ban danab ag wan ihinigppa uɗieg, ig ele ban hetteb amunu, na paha ukke!” Danab amu nug Saul amegppa anam aum.

1 Samuel 23:27 ပူးပေါင်းရင်းမြစ်များ

Genesis 22:14

Kayak Nug anam heum amunu, Abraham nug aben amu onig Yawe Yaira ataɗom. ⌊Nai amu eɗuak am, “Uug ihinig aɗi daakku amu, Yawe Nug ehanigkku.”⌋ Gemu, ⌊nai imu yaak haenppa⌋ ele ag atteb, “Yawenu qaukoppa Nug ehanigkku.”

2 King 19:9

Amu Isip dilag king onig Tiraka, nug Kus danab, nug Asiria ele ban hekkulagnu dabma uɗieye, Asiria dilag king Senakerip nug amu doyom. Nug amu doyom amunu, nug baula nai laa Hesekaia dookkunu, nug nuhig maɗi oiyak danab laala Hesekaia toppa gona, nai amu mettaglagnu maatte goppig. Nai ag Hesekaia mettaglag, nai amuam inam.

1 Stori 14:13

Anam heeg ukke, haen laappa Pilistia ag baula uɗin, oolnu noak onig Repaim appa uɗin, baula danab ah appa daatteb amu lamadnana, ahilag keeke aoppig.

Sam 116:3

Hikan danab nug doɗ aokkunu pelem me daatte, amubia mauhak nug pelem meum dayeye, da aolen daami. Yo, mauhaknu guittak dahilppa ba dayom. Ge, da uug kuɗum, oo doyak kuɗum ele doomi.

Duteronomi 32:36

Aɗinu ⌊Israel dilag kekeɗ ag anam aoglag⌋? Yawe Nug nuhikkud danab ah gumadkku. Ao, Nug ahilagnu oo gai-iitta doya oo matta ehanadkku. Nug amu hekkunu diig am, Nug ɠagattag ahilag iitta meeb, anidkku. Ao, Nug laippu laa, nug begbeg maɗi nidte, o begbeg maɗi nid iittatai, nug ena iinab dayebeb anidkku.

Revelesen 12:16

amge wan nug ah ehanitta, nug oɗe aahe, le mat naɗinab oɗeppanu amu wan ooppa ukkom.

1 Samuel 23:26

Amu Saul nug Dawit dim lamitta ugekke, nuhikkud ban danab ele ag gona, qauko heqo laihppa ukkaegeg, Dawit nug nuhig huu ele ag qaiqaɗ qauko amu heqo laihppa Saul, nuhig huu ele ag Dawit nuhig huu ele aɗualadmananu oolna goppig. Dawit nug nuhig huu ele anam heeg amu, Saul nug nuhig huu ele lamadppig. Lamadna gona, Dawit gukkuidna tenana, ag Dawit nuhig huu ele oo mattaglagnu heegeg,

1 Samuel 23:28

Nug Saul amegppa anam a, Saul nug amu doya, Dawit lamittom amu uua, nug eɗua ukke, Pilistia ele ban heppig. Nug anam he, danab ah ag wan maha amu onig ataɗna, “Sela Hamalekot” appig.

1 Samuel 27:10

Haen ag Akis gumidna ukkaeg, Akis nug Dawit oɗ meedttom. “Na gemu gona, adeppa ban heme?” Nug Dawit anam oɗ mette, Dawit nug inam amegppa attom. “Da Juda dilag wan maha yau uɗitteppanu gomi.” Nug anam attom, o, “Da wan maha laa yau uɗitteppanu daatte, aab ikki Jeramel dilag wanppa gowoya uɗimi.” Nug anam attom. O, “Da Juda dilag wan, maha yau uɗitteppanu daatte, aab ikki Ken dilag wanppa gomi uɗimi.” Dawit nug anam attom.