1 Samuel 23:22 - Nobonob Baibel

²² Amge laala ag inam da amelppa aeg doomi. ‘Dawit nug am lokkumakppa kobol nau hekkunu doya auta autanab awak danab,’ amunu ag eɗun gona, keeke oh attemnab daatte amu, ag pehettan tutukku anidna, aben nug daatte, amu ele pehettan anidna italna autna aweg! Laa amu, ag imu ele hettoɗin, danab aun nug aben amuppa Dawit anttom ele antteg!

1 Samuel 23:22 ပူးပေါင်းရင်းမြစ်များ

2 Samuel 17:9

Ge, geha iikku nug ⌊nuhikkud danab ele⌋ ag men oɗe laappatai, o adekkuppatai ag lokkumak aguppa daatteb amunu, ⌊nahip daup ag goppeg,⌋ Dawit, nuhig daup ele ag lokkumak daappigppan ahan, banelag gona ban heppeg, nahipad daup laala mauhkkulag dayeb, laa nug amu doya, ‘Dawit nug Apsalomnu daup huanak aqom,’ akku.

2 King 6:13

King nug nai amu doya, nug ikki danab amu amelagppa haknunab aum. “Ag gona, Elisa nug aben adeppa daatte amu mattin anidna appeg, da heppi, ban danab ag gona nug aɗaglag,” awa aum. Nug anam a, ag gona, Elisa mattin anidna, ag, “Nug Dotan aabppa daatte,” ag nai amu eɗun meeg uɗiom.

Job 5:13

Danab ⌊wan imuppan⌋ dabmak doyak ena ele laala ag doyak amuppa ag keeke laa hekkulagnu lokkumakppa dabmenana maittak eheɗ aotteb amu, Kayak Nug he, ag nuhig pelemppa tetteb. Ge, danab laa ag keeke laa hekkulagnu lokkumakppa dabmenana maittak eheɗ aotteb ele amu, Kayak Nug he, ahilag hak nau amu aakku padal mette.

1 Samuel 23:21

Sip danab ah ag anam aeg, Saul nug ag amelagppa aum. “Ag dahilnu oolag dootte amunu, da Yawe Nug itittak ena ag madakkunu ool daatte.

1 Samuel 23:23

Amu ag gona, nug lokkumtte, aben amu oh italna anidna, eɗun uɗin, amelppa aig! Appeg, da nug genab appa daatte doye amu, da geha ag ele gota, da geha nug antte aɗakkul. Genab, nug Juda wanppa daatte dayeb amu, da nug aɗakkulnu, da Juda danab ohppa da nug mattie mattie antten aɗakkul,” awa aum.