1 Samuel 23:17 - Nobonob Baibel

¹⁷ “Na aib baɗame! Aɗinu? Mama nug na nitteb mauhkkutnu ib laa ii anidma. Na am Israel dilag king bena daakkut, amu geha da na waatppa nahip ehanittak okkai daakkul. Mama nug amu ele dootte.” Jonatan nug Dawit amegppa anam aum.

1 Samuel 23:17 ပူးပေါင်းရင်းမြစ်များ

Sam 118:6

Yawe Nug da ele daattep amunu, da ii baɗapa. Ao, ⌊Yawe Nug ag ii paɗatteb hekkulag dayeb amu⌋, danab ag dahilppa aɗi eheɗ laa hekkulagnu elele daaglag? Laa iitta.

Prowerb 14:26

Danab nug Yawenu ebehi oh bodoetta le mette amu, kobol amuam danab amunu aab aɗ ɠagattagnab, loppaɗaknu iitta ele bia daatte; danab amunu kobol amu, kobol amuam nug bekkod dilag padal mak eɗitteb ena dayaknu aben bia daatte.

Prowerb 19:21

Danab ag keeke laala haknu maittak digdig kuɗum aotteb; amge Yawe Nug aɗi bekkunu oo daatte ele amu, gog takppa amuib aakku bette.

Aisaia 35:3

⌊Anam bekku amunu, ag dahil nai doon, Yawenu oolagppa genab dootteb ele,⌋ ag danab ah ag dabmak ahilagppa, “Ig ebehinig iitta,” doon, ag ahilag dabmakppa, “Ig am gai-iitta daattem,” ele doon oitteb amu, ag ag ehanadna,

Aisaia 35:4

ag danab ah ag baɗan oitteb ele amelagppa inam appeg doyeg! “Ag ɠagattag dayeg! Ag aib baɗappig! Ahilag Kayak Nug ag ehanadkkunu uɗia, kekeɗ ahilkad amu, Nug ag eheɗ heppignu nob tutukku madakku. Nug uɗia, ahilkad kekeɗ nob madatta, bu nau madakku. Nug ag ehanatteb, padal ii memananu uɗikku.” Ag anam aon aig!

Aisaia 41:10

Da ag ele daattem amunu, ag aib baɗappig. Ao, da ahilag Kayak daattem amunu, ag oolag uug nau aib qeum. Da ɠagattag aqatten ehanadkkul. Ao, da hanhan genab tutukku kobol dim lamitten heinne, da eppel naɗiap-ppa ag nena qemananu aɗualadppi, ag ɠagattag aon daaglag.

Aisaia 41:14

O ag Jakop buɗub, ag ahilag ɠagattag am maɗuai bia, amge ag aib baɗappig. Ao, ag Israel danab ah ag ahilag ebqak am kuɗum iitta, amge ag aib baɗappig. Da Yawe, da ag ehanadkkul.” Yawe, Nug am ag Israel, ahilag qagaiettakppanu eɗua uhuqaknu ehanittak, Nug ele ag Israel, ahilag Kayak Oppiaawak Ele amu, Nug anam atte.

Aisaia 54:17

Da amu oh hettem amunu, da ele heppi, daup ag bannu keeke aɗinab aɗan, ag Israel ele ban hekkulagnu amu, kekeɗ amu ag ag Israel ii eɗadmana. Amu danab ah ag Israel, ahilagnu aɗi hambuppuak nai eheɗ akkulag amu, ag Israel, ag nai amu tabappeg nekku. Ag danab ah, ag da, Yawe, ag dahilad maɗi nid maɗi ah ele daatteb amu, dahil ehanittak amuam ag aulag bia daakkunu madattem. Ao, ag da, Yawe, ag dahilad maɗi nid maɗi ah ele daatteb amu, ehanittak da ag madattem amu, amuppa da hei, tutukku hak ahilag aakku miag atitte.” Yawe Nug anam atte.

Luk 12:32

O lailad, ag aib baɗappig. Da Mamel Nug nuhig ɗo maɗoɗ ag madakkunu oo daatte.

Aposel 28:16

Ɠagattag awe, ig Rom ooppa nout am gabman nug a, Pol nug nukka lag laappa dayeye, ban daup danab laippu gumeme daapiɗ.

Aposel 5:39

Amge genab Kayak Nug keeke amu he bette amu, ag Nug ippu oo nekkulagnu am elele iitta. Ag anam hena amu, ag aakku Kayak ele ban hekkulag,” awa aum.

Rom 15:24

amu da geha wan laa onig Spen appa gokkulnu dabmettem amunu da appa ugekke, da tatam ag anattoya gokkul. Da ag ele appa nakok daat, ool meeb, ahilag ehanittakppa da Spen gokkul.

Hibru 13:6

Diig amunu ig ⌊anen anen⌋ ig oonigppa baɗak iitta ele akkunig. “Naɗi Nug da ehaniɗtte amunu, da ii baɗapa. Ao, ⌊Naɗi Nug ag ii paɗatteb hekkulag dayeb amu⌋, danab ag dahilppa aɗi eheɗ laa hekkulagnu elele daaglag? Laa iitta.”

1 Samuel 20:31

Haen oh Jesi bekka wan imuppa dayebeb, na, nahip ɗo maɗoɗ ele am ɠagattag ii daama. Anam amunu, na gona, nug omalppe ippa uɗiaɗ! Aɗinu? Nug mauhkkuoitte!” awa aum.

1 Samuel 22:23

Anam amunu, na da ele daaɗu! Na aib baɗame. Danab nug na nitteb mauhkkutnu hette amu, nug da ele iweb mauhkkulnu hette, amunu, na da ele daagnih, geha na ena daakkut,” awa aum.

1 Samuel 24:19

Haen danab laa nug nuhig kekeɗ anidtte amu, nug guittak iite medatte? Ao, nug guittak medatte. Danab laa nug kekeɗ antta, geha nug, nug amegppa, ‘Na appanppa eɗun ukke!’ akkute? Iittanab iitta amunu, da ool inam daatte. Geha Yawe Nug kobol ena oh na dahilnu heme amu antta, Nug nob ena na medakku.

1 Samuel 24:20

Da genabnab na geha Israel dilag king bena, na king daappe, laa nug uɗat amu eppenppanu ii aɗitta aoma doottem.

1 Samuel 24:21

Amunu na geha Yawe onig aon, nahip nai ɠagattag qettan, da alalad aɗi amu, na ag ii aqappe mauhkkulagnu appe dookkulnu ool daatte. Amu na mama baekkudppa, na da onil amuppanu heppe iitta ii mema ele ool daatte.” Saul nug anam aum.

1 Samuel 24:4

Saul nug wan oɗe okkai amuppa noa dayeye, Dawitnu danab ag Dawit amegppa appig. “Yawe Nug anukka na amenppa inam aum. ‘Da geha nahip kekeɗ na eppenppa meppi, na attem hekkutnu oot daatte amu, na hekkut.’ Nug anam aum amu, gemu am haen Yawe Nug anukka amenppa aum aakku. Gemu nug na eppenppa aakku meum,” aon appig. Ag anam aeg, Dawit nug qinonobnab ukka, Saul guguitta wana, nuhig lamen elab nob honap nak amu nakok otaɗa awom.

1 Samuel 25:30

O naɗi dahil, Yawe Nug keeke ena ena geha na medakkununab aum, dimppa, haen Nug keeke amu medatte, haen amuppaib Nug na Israel dilag kingnu balalppa ele meidkku, amu gemu na nai dahil dim lamidppe amu, dimppa haen amuppa na Nabal baegppanu laa ii qe mauhomnu gamag ahak dookkut. Na laa anam ii qeppe mauhkku amu, haen amuppa ele na, ‘Da danab eheɗ ii heppig ele aqe mauhppig amunu, da bu aokkulnu daattem,’ dab-ii-memana. Laa ele, am qinob dimppa Yawe Nug keeke ena ena amu oh nahip ha maleb, aria na da, nahip maɗi ah, na dahilnu dabmekkutnu oɗ medattem.” Abigel nug Dawit amegppa anam aum.