1 Samuel 23:10 - Nobonob Baibel

¹⁰ Dawit nug anam a, Abiatar nug lamen awa do, Dawit, nug inam unuqitta aum. “O Yawe, na Israel dilag Kayak, da am nahip maɗi nid. Genabnab genab, da Saul nug geha da iweb mauhkkulnu, nug Keila ippa uɗia, aab imuppan danab ah oh ele aqeb mauhkkulagnu maittak awom doomi.

1 Samuel 23:10 ပူးပေါင်းရင်းမြစ်များ

Genesis 18:24

Amu genab tutukku hak danab 50 aab okkai amuppa daappeg amu, na ag ele genab heppe nauhkkulagte? Na genab tutukku hak danab 50 appa daatteb amu dabmena, aab amu uuppe iite daakku?

Esta 3:6

Nug oppoɗi anam be, nug Mordekai aakkuib qekkunu iinab dabmeum. Ag nug amegppa Mordekai amu Juda ted appig amunu, Haman nug Juda ag Ekserksisnu ɗo maɗoɗ ohppa daappig amu, nug ag oh aqakkunu maittom.

Prowerb 28:15

Nau hak danab laa nug danab ah ag ɠagattag iitta ele gumadtte dayeb; amuam laion, o bea enug qak doya, doɗ laa qa lakkunu hette, am amubia aakku.

1 Samuel 22:19

Doeg nug amu hewowa, nug aha, aab Nop, mana mettak danab ag aab amuppa daappig amu, nug appa ukka, nug danab oh aqe mauheg; nug danab, ah, nid naunau, am nid yuɗ ele aqowa, nug makau, donki, am sipsip ele oh aqom.

1 Samuel 23:11

O Yawe, da nai anam doomi amunu, da na oɗ medattem; Keila danab ah ag da Saul eppegppa meiɗkkulag, o iitta? Am da doomi bia Saul nug genab ippa uɗikkute, o iittate? O Yawe, na ig Israel, ihinig Kayak daattem amu, na da, nahip maɗi nid amu, na da amunu appe dookkulnu ool daatte,” awa aum. Dawit nug Yawe anam oɗ mette, Yawe Nug nai nob ma aum. “Geha nug uɗikku,” awa aum.

1 Samuel 23:8

Saul anam awowa, nug nuhikkud ban danab ele ag gona, Keila aab oo mettan, ag Dawit nuhikkud daup ele ban hekkulagnu nug nuhikkud ban danab oh onilagppa e, ag nug gumidna uɗippig.

1 Samuel 23:9

Saul nug nuhikkud ban danab qagmatte, dimppa Dawit nug Saul uɗia, nug qeeb mauhkkunu ha babaittom, nug nai amu doya, nug mana mettak danab Abiatar amegppa aum. “Lamen enanag-epod amu aon uɗie!” awa aum.