1 Samuel 22:4 - Nobonob Baibel

⁴ ⌊Dawit nug amunu king oɗ mette, King nug amunu, “Yo,” aum⌋ amunu, Dawit nug mameg, anig ele uuate, Moap dilag king ele daaegeg ukke, haen Dawit nug ban haknu aben ɠagattag uuom batak.

1 Samuel 22:4 ပူးပေါင်းရင်းမြစ်များ

2 Samuel 24:11

Dawit nug anam Yawe amegppa a, deɗ amu uue, wagɗe, Dawit nug ii ahom haenppa Yawe Nug nai laa nuhig propet danab Gad, Gad am Dawitnu propet amu, Nug nug amegppa nai laa inam aum.

2 Samuel 8:2

Am Dawit nug Moap dilag daup ele ban ha eɗattom. Nug eɗatta he, Moap ban danab ag wanppa niiegeg, Dawitnu danab aɗit aa muɗi eeɗeh ukke, haen aɗit bataeh, Moap danab ag muɗi eeɗak aɗit amu waappa daappig amu, ag huu laappa daaegeg, danab aɗit aa muɗi amu baula eeɗeh ukke, laippu bataeh am, Moap danab eeɗak amu waappa daappig ag huu laappa daappig. Danab aɗit aa anam heeh ukke, Moap ban danab ag huu amu anen anen daaegeg, Dawit he, nuhikkud ban danab ag huu laa, huu amuppa danab kuɗum daappig amu, ag danab amu aqaeg mauhppig amge Dawit nug he, Moap daup ag huu kuɗum iittappa daappig amu, ag aakku bau daappig. Dawit nug anam he, ⌊Moap ag ban hekkulagnu daup kuɗum iitta daappig⌋ amunu, ag Dawit waappa daan, ag en takis bia, hanhan Dawit medattappig.

1 Stori 11:16

Dawit nug ban haknu aben ɠagattag amuppa daye, Pilistia ag ahilkad huu laa ag ahan gona, Betlehem aabppa, ag appa daappig.

1 Stori 12:16

Amu deɗ laa Dawit nug ban haknu aben ɠagattagppa dayeye, Benyamin danab laa ag, ag Juda danab laa ele ag oh, ag Dawit gumidna uɗippig.

1 Stori 21:9

Dawit nug anam unuqitte, Yawe Nug Dawitnu propet danab Gad amegppa aum.

1 Stori 29:29

Amu Dawit nug digma king daye ukke, nug mauhom batak nug aɗi aɗi heum, nuhigppa aɗi aɗi beum amu, kaya amu oh am propet danab Samuel nug buk laappa yom. Propet danab Natan nug ele buk laappa yom, amu propet Gad nug ele bukppa yom.

2 Stori 29:25

Amu dimppa amu, Hesekaia nug Lewi buɗub ag Yawenu mettid lag ooppa aben atten atten daaglagnu ippunatte, ag amuppa daaglagnu aum. Ag aguppa daanna, ag simbal hena, harp, laia ele qena, musik hekkulagnu aum. Aɗinu? Yawe Nug anukka nuhikuɗ propet danab aɗit, laa am kingnu ehanittaknu propet Gad, laa am propet Natan ele, Nug aa oɗelahppa nai amu Dawit mettom amu, Hesekaia nug nai amu dim lamittom.

Nehemaia 6:11

Semaia nug anam aum, amge da nug amegppa ami. “Danab da bia nug aha oolkku am enate? O laa nug da bia amu, nug laa ii qemanu, nug bau daakkunu nug oola, Kayaknu mettid lag, amuppa gokku am enate? Da appa ii gopa!” awe ami.

Sam 11:1

Yawe Nug da padal mak eɗitteb ena dayaknu ehanittak daatte. Da nuhigppa ehanittak amu aottem. Anam amunu, aɗinu ag dahilnu inam atteb? “Antteg! Nau hak danab ag ahilkad lat omanadna, lat doɗo, lat oɗppa maadna pimaladnana, ag logoppanu lat doɗo eppeg, laa ag kobol tutukku hetteb ele dilagppa gokkunu daatteb. Laa amu, ena haknu diig oh na qeum daatte dayeb amu, genab tutukku hak aɗi ag aɗitai laa hekkulagnu elele iitta amunu, na bau ena daakkutnu, na oolna qaukoppa ukke!” ⌊Ag anam atteb amge aɗinu ag anam atteb?⌋

Matyu 10:23

Amunu haen danab aab okkai laappanu ag eheɗ hadappeg amu, ag oolna, aab okkai laappa ukkeg! Da genab ag amelagppa attem, ag Israel oh dilagppa uɗat hena ii malappeg, Danab Bekkalag da, da eɗue uɗikkul.

1 Samuel 22:3

Danab ag ukkaeg, Dawit ele daanna, Dawit nug aha, mameg, anig ele diiate, ag Mispa goppig. Aab amuam Moap wanppa dayom. Nug omalate gona, Moap wanppa tena, amu Dawit nug Moap dilag king amegppa inam aum. “Mama, anai ele, aa ena na ele daappeg ukkeb, haen Kayak Nug dabmak nuhig dahilnu heeb, miag bekku batakku am elelete, o iittate?” awa aum.

1 Samuel 22:5

Dawit nug ban haknu aben ɠagattagppa, nug appa dayeye, deɗ laa propet onig Gad, nug Dawit amegppa aum. “Na ippa aib daame. Iitta. Na ahan, eɗun Juda wanppa ukke!” awa aum. Nug Dawit amegppa anam a, Dawit nug aha eɗua, Juda ukka, aben laa ad kuɗum ele, aben laa amu onig Heret adappig amu, nug appa ukka dayom.