1 Samuel 22:23 - Nobonob Baibel

²³ Anam amunu, na da ele daaɗu! Na aib baɗame. Danab nug na nitteb mauhkkutnu hette amu, nug da ele iweb mauhkkulnu hette, amunu, na da ele daagnih, geha na ena daakkut,” awa aum.

1 Samuel 22:23 ပူးပေါင်းရင်းမြစ်များ

2 Samuel 9:7

Mepiboset nug Dawit amegppa anam a, Dawit nug aum. “Da na mamen Jonatannu dabmak anuqak awen, nahipnu oo mauhaknab kobol doye dim lamidkkulnu hettem amunu, na aib baɗame! Na alan Saulnu wan oh amu, da eɗue, na eppenppa mekkul. Laa amu, na hanhan dahil balalppa ee lakkut,” awa aum.

1 King 1:7

Amu Adonaiya nug Seruia bekka Joap, amu mana mettak danab Abiatar ele, ag nai madippig. Ag nai mattin, danab aɗit aa nug ele, ag oolag laippu daye, aa nug ehanidkkulahnu apiɗ.

1 King 2:26

Am Solomon nug mana mettak danab Abiatar amegppa inam aum. “Na eɗun, Anatot appa gona, na nahip wanppa daye! Na nahip eheɗ hak amunu amu, na mauhkkutnu elele, amge gemu da na ii nidappi mauhmana. Aɗinu? Na anukka na da mamel Dawit ele daayya, na nuhignu Naɗi Yawenu Tituanak Nainu Kunup maome. Laa ele amu, haen Dawit nug uug laala maottom amu, na nug ele daayya, na ele eheɗ hak amunu uug mawadttame,” awa aum.

Matyu 24:9

Anam amu haen amuppa laala ag ag aɗualadna, eheɗ hattanna, ag aqappeg mauhkkulag. Am geha danab ah oh ag ahilagnu nau ninig ele dooglag. Aɗinu? Da onil ahilagppa daatte.

Jon 15:20

Nai da ag amelagppa ami ele amu daulagppa doaɗ! Nai amuam inam. ‘Maɗi nid nug okkai nuhig ii eɗidtte.’ Amu aun aɗi laa ag da eheɗ heiɗppig amu, ag ag ele eheɗ hattaglag. Aun laa ag dahil nai dim lamidppig ele amu, ag am ahilag nai ele dim lamidkkulag.

Jon 17:12

Na onin na da meɗame amu, da ag ele daamut haenppa da onin amuppa ag ⌊nena qemananu⌋ dabmattami. Da ahilag guppiɗ ele daami amunu, laa ii qettoɗom; laippu aakkuib, nug am ib appiɗittak danab, nug aakkuib Kayaknu ib apiɗitta qettoɗom amunu, Kayak nai meu oum.

Jon 18:9

Nug nai amu aum amu Nug anukka nai laa aum, nai amu meu oum. Nai Nug anukka aum am inam. “Na da meɗame amu, laippu laa ii qettoɗom.”

1 Samuel 23:17

“Na aib baɗame! Aɗinu? Mama nug na nitteb mauhkkutnu ib laa ii anidma. Na am Israel dilag king bena daakkut, amu geha da na waatppa nahip ehanittak okkai daakkul. Mama nug amu ele dootte.” Jonatan nug Dawit amegppa anam aum.