1 Samuel 22:2 - Nobonob Baibel

² Ag anam daaegeg, danab kuɗum uɗieg, Dawit ele daappig. Amu ag oolagppan laala ag uug nauppa daappig; am oolagppan laala ag lon mameg men doɗo amu eɗun ii medappig; am ag oolagppan laala ag gabmannu lamittak kobolnu, amu keeke laalanu ele bahilag yom. Ameg amu ag ahan uɗieg, Dawit ele daappig. Dawit nug ahilag ikki danab dayom; 400 danab anam amu, ag uɗieg, Dawit ele daappig.

1 Samuel 22:2 ပူးပေါင်းရင်းမြစ်များ

2 Samuel 17:8

Na doottem. Na mamen, amu nuhikkud daup danab ele ag am ban haknu doyak danab. Ag bea anig, laa nug bea amu nakkud diie, bea anig amu paha ban huana hette, ag ban anam bia hetteb. Keeke laa ele amu, na mamen nug haen kuɗum banppa dayom, nug ban haknu kobol oh doya malom. Nug heeb, gemu tuqan imu nuhig daup danab oh ag ele ii niimna.

2 Samuel 5:2

Amu anukka Saul nug ihinig king dayeye, haen amuppa ele na ihinig ban danab noolag awe, ag oh ban heppig. Am haen amuppa Yawe Nug na amenppa aum. ‘Na sipsip gumak danab sipsip gumadtte, amubia na dahilad danab ah, Israel, na ag gumadna, na ahilag king daakkut,’ awa aum,” aon appig.

2 King 20:5

“Na eɗun gona, Hesekaia, nug am dahilad danab ah dilag gumak danab, na nug amegppa inam appe doyaɗ! ‘Yawe, Nug na alan Dawitnu Kayak amu, Nug atte. “Da unuqittak nahip doyen, nahip gayak ele doomi. Da na ehanidppi, na ena daakkut. Da anam heppi, deɗ ewam uueb, na da, Yawe, na mettid lag dahilppa tekkut.

2 King 4:1

Amu ah laa, gamu nug propet huu ameg laa, nug amuppa daya mauhom, danab amu qappu amu, nug Elisa gumitta uɗia, nug inam amegppa aum. “Danab okkai, danab dahil nug am nahip maɗi nid, nug mauhom. Na doottem, nug haen oh Yawenu ebehi oh bodoetta le mettom. Amge gemu danab nug lon mekke, eɗut ii mettamut ele aokkunu hette, amge da men doɗo iitta. Nug nid dahilaɗ aɗit amu diiata ukka heeb, nuhig begbeg maɗi nid daaglahnu uɗiom,” awa aum.

Prowerb 31:6

Anam amge, danab ag mauhtteb, ⌊ag guittak tuɗidna doomnanu⌋ wain ⌊marasin daakkunu,⌋ madappe laig! Ao, na danab ag oolagppa uug nau dootteb, ⌊ag ehanadkkunu⌋ wain ⌊marasin daakkunu,⌋ madappe laig!

Matyu 11:12

Jonnu haen uɗie uɗie gemu ele Kayaknu ɗo maɗoɗ nug okkai mekkunu wagai mette, amu wagai mak danab ag ele Kayaknu ɗo maɗoɗ aɗaglagnu wagai metteb.

Matyu 11:28

Jesus Nug anam ana, Nug baula ele aum. “Ag danab oh, ag uɗat okkai henana, keeke uug ele maotteb amu, ag gumiɗna doig! Doppeg, da heppi, ag hik aoglag.

Hibru 2:10

Kayak, Nug keeke oh diig, keeke oh Nug hattom ele, amu Nug bekkod kuɗum oh diia attan teeb, binag amahlak oppiaawak ele daaglagnu dabmaama, Nug Jesus Nug guittak doyaya, ib amuppa Nug Eɗua Diiaknu Anuqak Danab elelenab ba daakkunu aum. Amuppa Kayak Nug kobol elelenab heum.

Ikki Danab 11:3

Ag Jepta lamidppig amunu, nug awakkud amakkud dilagppanu oola ukka, Tob wanppa dayom. Nug appa daye, haen elab ii ukke, danab ag aɗi uug bekku am ii dabmetteb, keeke hakib hetteb amu, danab amu kuɗum ag nug gumidna gona, nug dim lamidppig.

Ikki Danab 18:25

Nug anam a, Dan danab ag appig. “Na madittem amu, ig oonigppa laala oppoɗilag paha paha bette ele amunu, ag oppoɗilag beeb, ag na, amu na baenadppa ele aqappeg mauhmanade dabme!” aon appig.

1 Samuel 1:10

nug ooppa uug naunab daye, nug ninig ele gayaya, Yawe unuqittom.

1 Samuel 22:3

Danab ag ukkaeg, Dawit ele daanna, Dawit nug aha, mameg, anig ele diiate, ag Mispa goppig. Aab amuam Moap wanppa dayom. Nug omalate gona, Moap wanppa tena, amu Dawit nug Moap dilag king amegppa inam aum. “Mama, anai ele, aa ena na ele daappeg ukkeb, haen Kayak Nug dabmak nuhig dahilnu heeb, miag bekku batakku am elelete, o iittate?” awa aum.

1 Samuel 23:13

Yawe Nug anam aum amunu, Dawit nug nuhikkud danab ele, ag ahilag ebqak amu 600 keeke anam, ag ahan, Keila uun gona, haen tutu aben laappa daappig. Haen tutuib dayona, ag appanu ahan gona, aben laappa ele haen tutuib daappig. Ag anamib henan goppig. Amu Saul nug, “Dawit nug nuhikkud danab ele ag Keila uuppig,” doya, nug Keila ii ukkom.

1 Samuel 25:13

Ag Dawit amegppa amu mattieg doya, nug nuhikkud danab amelagppa aum. “⌊Ban hekkunignu babaittak dayaknu amu,⌋ ag qep elab ahilkad diin, imualagppa takkeg!” awa aum! Nug amelagppa anam a, ag oh ahilkad qep elab akkan, imualagppa takkeg, Dawit nug ele qep elab nuhig awa takkom. Nug takke, nuhikkud danab 400 keeke anam ag ahaeg, nug ele goppig. Danab 200 amu ag keeke guman daappig.

1 Samuel 30:6

Dawitnu danab ag Amalek heppig anidna, ag baelkadppanu dabmena, ag oolagppa uug naunab dooppig amunu, ag menppa Dawit makkuɗppeg mauhkkunu madippig. Ag madippig amunu, Dawit nug amunu uug nau doyom, amge nug Yawe, nuhig Kayak, nug Nug toppanu ɠagattag mattia awom.

1 Samuel 9:16

“Dahilad danab ah ag Pilistia waalagppa daan gaaegeg doottem amunu, butti, haen inamppa amu, da heppi, danab laa nug na gumitta uɗikku; nug am Benyamin ted, nug appanu uɗikku. Nug uɗieb amu, nug Israel danab ah dilag king daakkunu na nug goɗen gokkaɗakppa tituane! Nug dahilad danab ah Pilistia waalagppa daamnanu, ag ehanadkku,” awa aum.