1 Samuel 22:18 - Nobonob Baibel

¹⁸ Saulnu gumak danab ag mana mettak danab ameg amu aqaglagnu uueg, King Saul nug Doeg amegppa aum. “Na ahan, aqappe mauheg!” awa aum. Nug anam a, Doeg, nug Edom ted, nug aha, aqe mauhppig. Nug deɗ amuppa danab 85 aqom; ag oh am mana mettak danabib daappig.

1 Samuel 22:18 ပူးပေါင်းရင်းမြစ်များ

2 Stori 24:21

Sekaraia nug anam ag amelagppa aum, amge king, danab okkai ele ag Sekaraia qeppeg mauhkkunu dabmak aona, king nug haknunab a, ag Yawenu mettid lag haɗap-ppa menppa nug qeeg mauhom.

Sam 78:64

Kekeɗ ag Israel dilag mana mettak danab qep elabppa duulag watteg, Israel danab amu, ag waalkad ag mahialadkkulagnu elele iitta daappig.

Eksodas 28:40

Am laa amu, danab ah ag Aron bekkod ele dilagnu, ag am dagom danab, binalag ele dooglagnu amu, ag amu dilag lamen nakok elab, imuagppan lamen, amu igippan lamen ele akkeg!

Prowerb 24:15

Na nau hak danab nug laa eheɗ hedakkunu meitta daatte bia, na aib genab tutukku hak danab, nug baekkudppa ele eheɗ hadakkutnu maadna daame; na nuhig keeke yab aokkutnu nug laug aib loppaɗme.

Hosea 5:11

Israel danab ah ag kayak hambuppuak dottolkad noolagppa dup nona binalag menan daan, uuglagnu uuppig oitteb, amunu geha kekeɗ ag eheɗ hattaglag. Ge, ag dahil bu mettak mattaglag.

Hosea 7:3

Am danab ah ag ahilag kobol nau heegeg, king nug amunu enanagnab dootte; anuqak danab ag ele danab ah dilag hambuppuaknu enanagnab dootteb.

Maika 6:16

Uug amu bekkunu diig am, ag Juda, ag Israel dilag king nau, Omri, ag nuhig ɗo dim lamidna, hipunin hetteb. Ao, ag Israel dilag king nau, Ahap, nug baekkudppa ele kobol ag aɗi aɗi heppig bia henana, Ahap aɗi ag kobol atten atten heppig amu, ag amu dim lamidna oitteb. Ag ahilag nai dim lamidtteb amunu, da laa ag heppeg nauhkkulagnu ippulag ii oo nepa. Da amu ii hepa amunu, wan laappan danab ah ag eheɗnab imadkkulag. Ao, wanppan wan oh dilag danab ah ag ahilagnu, ‘Keeke hamunab,’ dooglag,” awa atte.

Sepanaia 3:3

Israel dilag ehanittak anuqak danab amu, ag danab ah dilagnu laion doɗ laa qa lakkunu oiyaya gaatte, amubia ag danab ah dilagppa hetteb. Ao, Israel ag ahilkad okkai danab ag doɗ wulp, ag tueb meeb, ag doɗ laa anidna, qena lalobnu oitteb bia hetteb. Doɗ laion, o doɗ wulp ag aɗi doɗ laa tueb qena lae neppig, butti buttua huppu nakok laa ii daatte, amubia hetteb.

1 Samuel 2:18

Amu nid danab Samuel, nug Silo appa Yawe noobppa lamen enanag-epod linenppa hak tagakka, Yawenu ɗo maɗoɗ uɗat heum.

1 Samuel 2:28

Haen amuppa da na alan anukkanu onig Aron, Israel dilag huu okkai ohppanu, da nug mana mettak danab daakkunu, nug dahil qaɗabppa dahil uɗat hekkunu, nug kalu danab ile muttuɗig enanag bette manakkunu, nug lamen enanag-epod tagakka, da noolppa oikkunu tituanmi. Amu aakkuib iitta. Da Aron buɗub oh ag mana mettak danab daaglagnu ain, da ag doɗ oh, Israel danab ah ag aab aɗunu ofa henana, manan da meɗaglagnu aon uɗitteb ele amu, da doɗ amu ohppanu teppu maha, ag Aron buɗub daatteb ele, da ag lakkulagnu maha amu mattami.

1 Samuel 2:36

Keeke amu oh beeb, aun aɗi ag na buɗunadppa daaglag amu, ag oolagppanu laa nug uɗia, mana mettak danab da heppi daakku ele amu, ag anen anen nug noobppa dup nona, nug ag silwa toea laippu, amu bret gaɗa laa ele madakkunu oo doyakppa oɗ mettaglag. Oɗ mettan, ag anen anen akkulag, “Na hena, da mana mettak uɗat laa meɗappe heinne, da amuppa ee aolomnu, oɗ medattem.” Na buɗun ag anam akkulag.’ ” Kayak Nug nuhig danab oɗeppa Eli amegppa anam aum.