1 Samuel 22:17 - Nobonob Baibel

¹⁷ Saul nug Ahimelek amegppa anam awowa, nug nuhig gumak danab nug guguittak daappig amelagppa aum. “Yawenu mana mettak danab imu ag Dawit ehanidppig. Haen nug dahilppanu oolom ag dooppig, amge ag da amelppa nakok laa ii appig. Ag anam heppig amunu, ag ahan, mana mettak danab imu oh, ag aqappeg mauheg!” Saul nug anam ag amelagppa aum, amge Saulnu maɗi nid amu ag danab amu, ag am Yawenu mana mettak danab doon, ag aqaglagnu uuppig. Ag uuppig amunu, ag ag aqappeg mauhkkulagnu, ag keeke laa ii heppig. Iitta.

1 Samuel 22:17 ပူးပေါင်းရင်းမြစ်များ

2 Samuel 15:1

Apsalom Dawit anidkkunu te, haen amu ukke, Apsalom nug oiyaknu karis awa, hos oiyaknu karis amu eeɗaknu ele diia, nug danab 50 ag nug noob aon, anuqna qaiettan gokkulagnu ele diiom.

1 King 1:5

Dawit, Abisak ele aa anam daaeheh, amu Adonaiya, nug King Dawit, Hagit ele bekkalah, nug king abenab awa, king daakkunu dabmeum. Dawit wau, onig Maka, nug Apsalom menue, amu dimugppa Dawit wau Hagit nug Adonaiya menuom. Adonaiya Nug danab anttak nuhig am iɗu tuqak ele, enanagnab. Nug mameg nug Adonaiya deɗ laa ii tolitta, daug laa ele ii batom amunu, nug gemu king daakkunu nug nuhig dabmak amu ɠagattag dayom amunu, nug aum. “Gemu da king bein daakkul,” anana, nug nukka nuhikkud daaglagnu, nug bannu karis laala, hos ele diiattowa, amu danab 50 ele diiom. Nug aha gokkunu oo dayeb amu, nug aha, karis laa awa ukkebeb, danab 50 amu ag anuqna, noob aon gobeppeg gokkunu diiom.

1 King 14:27

Sisak nug guppiɗ amu awa ukkom amunu, King Rehoboam nug guppiɗ amubia, amge brasppa hak heum. Nug anam ha, Rehoboam nug daup ag king laug enanagnab odppa daan, gumak uɗat heppig dilag ikki ag guppiɗ amu dabmettaglagnu ɗo meum.

1 King 18:4

Amu haen kuin Jesebel nug Yawenu propet danab aqeeqe, Obadaia nug propet danab amunu 100 diia, men oɗe aɗit, amuppa lokkumattom. Nug propet danab 50 laa amu men oɗe laappa lokkumattowa, 50 laa amu men oɗe laappa lokkumatte daaegeg, bret, le ele matte, lanan daappig.

2 King 10:25

Amu Jehu nug manaknu ofa ha malowa, nug dimittim ukka, ban danab amu, nug ahilag okkai ele inam amelagppa haknunab aum. “Ag lag ooppa nona, ag amu oh aqappeg mauheg! Ag laippu laa ii uuppeg oola goma! Iitta,” awa aum. Nug anam a, ag lag ooppa nona, qep elabppa ameg amu oh aqaeg mauhppig. Ag aqona, ag gaɗalag buɗieg, dimittim ukkaeg, ag eɗun gona, Balnu mettid lag nakoknu oo ooppanab dayom amu, ag appa goppig.

Eksodas 1:17

Isip dilag king nug anam aum, amge ah aɗit amu, aa hanhan Kayaknu ebehilti oh bodoetta le mettom amunu, aa Isip dilag king aum bia ii heya, aa nid danab ii aqadpiɗ. Iitta. Aa uuatteh, bau daappig.

Aposel 4:19

Ag amelahppa anam appig, amge Pita, Jon ele aa apiɗ. “I Kayak nai imu uuɗa, ahilag nai dim lamidkkunih dayeb amu, Kayak Nug keeke amunu ena awa akkute? Ag tutukku anidna dabmak aweg!” aoya apiɗ.

1 Samuel 14:45

Saul nug anam aum, amge daup laa ag appig. “Jonatan nug he, ig Israel, ig Pilistia lamadmut amunu, nug mauhkkute? Iittanab iitta! Kayak Nug Jonatan eppegppa gemu he, ig Israel ig ehanittak okkainab aomut amunu, Yawe Nug genab bau daatte, genab amubia laa nug keeke eheɗ laa Jonatan nuhigppa iinab ii hema,” aon appig. Daup ag anam appig amunu, kobol amuppa ag hena, Jonatan mauhak eppegppanu eɗun aoeg, Jonatan ii mauhom.

1 Samuel 2:31

Doye! Geha da heppi, na baenadppanu, amu na buɗunppanu ele laa nug kaino ma ii mauhma. Iitta. Ag kaino ii meppig oinna mauhkkulag amunu, ag oolagppanu kaino laa ii daama.

1 Samuel 20:33

Jonatan nug anam oɗ mettom, amge Saul ban nuhig amu Jonatan yeeb mauhkkunu eum. Nug Jonatan yeeb mauhkkunu heum, amuppa Jonatan nug, “Genabnab mama nug Dawit qeeb mauhkkunu dabmette,” dabma doyom.

1 Samuel 22:13

Ahimelek nug anam a amu, Saul nug nai nob ma aum. “Aɗinu na heppe, da nein qekkulnu hettem? Na Jesi bekka ele aa anam hettep. Aa heyaya, na nug ee mettona, qep elab ele mettame. Na ele keeke oh Dawit hekkunu amu, na Kayak amunu oɗ mettame. Na amu heme, amuppa na nug da waalppa ii daamanu, da oɗel tappeb nekkunu ɠagattag qettame. Am gemu nug da iweb mauhkkulnu ib maditte. Nug haen laa, danab ag nug ii anidtteb, haen amuppa amu, nug anam hekku,” awa aum.

1 Samuel 22:16

Ahimelek nug anam aum, amge King Saul nug aum. “Iitta! Ahimelek, na amu na mamen baekkudppa ele ag mauhkkulag,” awa aum.

1 Samuel 25:17

Ag anam heppig, amge ihinig danab okkai, nug am danab nau, laa nug ele nai mattiglahnu elele iitta, gemu nug kobol nau he, nug, nug baegppan ele, ig oh aakku naunab aognignu miag daattem. Ig nauhmut miag daattem amunu, na geha keeke amu ohnu na dabmekkutnu ool daatte. Na dabmena, na keeke aɗi hekkutnu elele amu, na hekkut.” Danab amu nug Abigel amegppa anam aum.

1 Samuel 8:11

“Danab laa, nug ahilag king daakku dayeb amu, king amu nug ahilagppa inam hekku. Nug ag bekkalkad diia heeb, ag ban daup danab daaglag. Daanna, laa ag bannu karis attan daan, ban hekkulagnu daaglag; laa ag hos attan daan, ban hekkulagnu daaglag. Amu laa ag king nug oiyaknu karis nuhigppa laih gokkunu heeb amu, ag baelagppa qaiettan, oiyaknu karis amu noob aon, anuqna gokkulag.